វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1685 នាក់
ម្សិលមិញ 6677 នាក់
សរុប 14149261 នាក់
ភ្នំពេញ ៖ ចៅក្រមសាលាដំបូងរាជធានីភ្នំពេញ នៅព្រឹកថ្ងៃទី១៦ ខែសីហា ឆ្នាំ២០២៣បានបើកសវនាការកាត់ទោសលោក ថាច់ សេដ្ឋា អនុប្រធានគណបក្សភ្លើងទៀន ក្រោមការចោទប្រកាន់ពីបទ «មិនបំពេញកាតព្វកិច្ចចំពោះឧបករណ៍ដែលអាចជួញដូរបាន» ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៩ បទល្មើសព្រហ្មទណ្ឌដែលមានចែងឱ្យផ្ដន្ទាទោសតាមបញ្ញត្តិមាត្រា ២៣១ នៃច្បាប់ស្តីពីឧបករណ៍អាចជួញដូរបាននិងប្រតិបត្តិការទូទាត់ប្រាក់ ។សវនាការនេះដឹកនាំដោយលោកស្រី ឈុន ដាវី ជាចៅក្រមជំនុំជម្រះនិងលោក ប្លង់ សុផល ជាតំណាងអយ្យការ ។
លោកមេធាវី ជួង ជូងី ជាមេធាវីការពារក្ដី បានប្រាប់អ្នកកាសែតនៅខាងក្រៅរបងតុលាការថា កូនក្ដីរបស់លោក(ថាច់សេដ្ឋា)បានបដិសេធថាមិនបានប្រព្រឹត្តបទល្មើសដូចការចោទប្រកាន់របស់តុលាការទេ និងស្នើអោយដើមបណ្ដឹងបង្ហាញភស្តុតាង ។ដូច្នេះចៅក្រមតុលាការបានសម្រេចលើកពេលសវនាការបន្តទៅថ្ងៃក្រោយដើម្បីទុកពេលវេលាអោយគូភាគីផ្ដល់ភស្តុតាងនិងឯកសារដែលពាក់ព័ន្ធក្នុងរឿងក្ដី ។សមត្ថកិច្ចបានចាប់ខ្លួនលោកថាច់ សេដ្ឋា កាលពីថ្ងៃទី១៦ ខែមករា ឆ្នាំ២០២៣ តាមដីកាបង្គាប់របស់ចៅក្រមតុលាការដោយចោទប្រកាន់ពីបទមិនបំពេញកាតព្វកិច្ចចំពោះឧបករណ៍អាចជួញដូរបានឬចេញសែកអត់លុយចំនួនប្រាំសន្លឹក ហើយដែលត្រូវបានប្ដឹងដោយក្រុមហ៊ុន រិន ឆាយ ,ផ ប ស ។លោកថាច់សេដ្ឋាត្រូវបានឃុំខ្លួនរហូតចប់ការបោះឆ្នោតបើទោះបីជាមេធាវីយកលុយទៅសុំដាក់តំកល់ដើម្បីធានាខ្លួនក៏ដោយ៕