វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 797 នាក់
ម្សិលមិញ 6677 នាក់
សរុប 14148373 នាក់
ភ្នំពេញ៖ក្នុងលិខិតថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ឯកឧត្តមបណ្ឌិត ហ៊ុន ម៉ាណែត ដែលត្រូវបានចាត់តាំងជានាយករដ្ឋមន្ត្រី សម្រាប់នីតិកាលទី៧ដោយព្រះរាជក្រឹត្យ បានប្រកាសបន្តធានាការពារឯករាជ្យជាតិ អធិបតេយ្យជាតិ និងបូរណភាពទឹកដី, ធានាការពារជាដាច់ខាតនូវរាជបល្ល័ង្ក និងរបបរាជានិយមអាស្រ័យរដ្ឋធម្មនុញ្ញនៅកម្ពុជា។ «
ទូលព្រះបង្គំជាខ្ញុំ រួមជាមួយឥស្សរជនទាំងអស់ក្នុងរាជរដ្ឋាភិបាលនីតិកាលទី៧នៃរដ្ឋសភា សូមប្តេជ្ញាខិតខំបំពេញបេសកកម្មជាតិដ៏ឧត្តុង្គឧត្តមថ្លៃថ្លានេះប្រកបដោយវីរភាព, សេចក្តីស្មោះត្រង់និងការទទួលខុសត្រូវខ្ពស់ក្នុងការបម្រើជាតិមាតុភូមិនិងប្រជាជនកម្ពុជា ពិសេសការបន្តធានាការពារឯករាជ្យជាតិ អធិបតេយ្យជាតិ និងបូរណភាពទឹកដី, ការធានាការពារជាដាច់ខាត់នូវរាជបល្ល័ង្ក និងរបបរាជានិយមអាស្រ័យរដ្ឋធម្មនុញ្ញនៅកម្ពុជា, ការបន្តធានាការពារឱ្យបានដាច់ខាតនូវសុខសន្តិភាព និងស្ថិរភាពសង្គមជាតិ, ការបន្តជំរុញការអភិវឌ្ឍប្រទេសជាតិឱ្យមានការរីកចម្រើនជឿនលឿន និងការបន្តលើកកម្ពស់ជីវភាពរស់នៅរបស់ប្រជាជនកម្ពុជា ក៏ដូចជាការបន្តលើកស្ទួយកិត្យានុភាពជាតិនៅលើឆាកអន្តរជាតិ»។ថ្ងៃទី៧ ខែសីហា ឆ្នាំ២០២៣ ព្រះមហាក្សត្របានចេញព្រះរាជក្រឹត្យចាត់តាំងនាយករដ្ឋមន្ត្រីថ្មីឯកឧត្តមបណ្ឌិត ហ៊ុន ម៉ាណែតជានាយករដ្ឋមន្ត្រីព្រះរាជាណាចក្រកម្ពុជាអាណត្តិទី៧នៃរដ្ឋសភា។
ឯកឧត្តមបណ្ឌិត ហ៊ុន ម៉ាណែត នឹងរៀបចំសមាសភាពរាជរដ្ឋាភិបាល ដើម្បីសុំការផ្តល់សេចក្តីទុកចិត្តពីរដ្ឋសភា ដែលគ្រោងនឹងបើកសម័យប្រជុំនាថ្ងៃទី២២សីហាខាងមុខ ដោយអនុវត្តទៅតាមនីតិវិធីជាធរមានស្របតាមការកំណត់ក្នុងរដ្ឋធម្មនុញ្ញនៃព្រះរាជាណាចក្រកម្ពុជា និងច្បាប់ធម្មនុញ្ញបន្ថែម សំដៅធានានូវដំណើរការជាប្រក្រតីនៃស្ថាប័នជាតិ។សម្ដេចតេជោ ហ៊ុន សែន នៅព្រឹកថ្ងៃទី៧ ខែសីហា ឆ្នាំ២០២៣នេះ បានលើកឡើងថា, នៅតែប្រមាណ ១៥ថ្ងៃទៀតប៉ុណ្ណោះសម្ដេចតេជោ ហ៊ុន សែន និងឡើងឋានៈមួយទៀតគឺជា «ឪពុកនាយករដ្ឋមន្ត្រី» ម្ដង។
ក្នុងសារដែល បានបង្ហោះនៅលើ Channel Telegram សម្ដេចតេជោ លើកឡើងពីរយៈពេលដែលសម្ដេចបានប្រឡូកចូលក្នុងអាជីពនយោបាយដែលរហូតមកដល់ពេលនេះមានរយៈពេលជាង ៤៤ឆ្នាំហើយ ខណៈកាន់តំណែងជាងនាយករដ្ឋមន្ត្រីចំនួន ៣៨ឆ្នាំ។សម្ដេចបានបន្ថែមថានៅសល់ពេលតែ ១៥ថ្ងៃប៉ុណ្ណោះសម្ដេចនឹងចាកចេញពីការិយាល័យនាយករដ្ឋមន្ត្រីដោយបន្តឱ្យមនុស្សជំនាន់ក្រោយ ដែលពេលនោះសម្ដេចបានក្លាយជា «ឪពុកនាយករដ្ឋមន្ត្រី» ម្ដង។សម្ដេចតេជោសរសេរថា៖ «ពេលនេះខ្ញុំបន្តជានាយករដ្ឋមន្ត្រី ១៥ថ្ងៃទៀត បន្ទាប់ទៅខ្ញុំនឹងឡើងឋានៈទៅជាឪពុកនាយករដ្ឋមន្ត្រីម្តង។ មិនទាន់ចប់ត្រឹមនេះទេ ខ្ញុំនឹងបន្តការងារក្នុងមុខនាទីផ្សេងទៀតយ៉ាងតិចត្រឹមឆ្នាំ២០៣៣ ដែលពេលនោះខ្ញុំនឹងបំពេញការងារជាងកន្លះសតវត្សរ៍»។