វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 297 នាក់
ម្សិលមិញ 6001 នាក់
សរុប 13873127 នាក់
ភ្នំពេញ៖ លោក ឃួង ស្រេង អភិបាលរាជធានីភ្នំពេញបានបញ្ជាក់ថា ទីម័រខាងកើត នៅតែជាមិត្ដដ៏ល្អជាមួយ កម្ពុជា ជាពិសេស ជាដៃគូរអភិវឌ្ឍន៏ លើគ្រប់វិស័យ ពេលលោក ទទួលជួប សម្ដែងការគួសម ជាមួយលោក H.E. ERMENEGILDO ”KUPA” LOPES) ឯកអគ្គរដ្ឋទូតវិសាមញ្ញ និងពេញសមត្ថភាពរបស់សាធារណ រដ្ឋប្រជាធិបតេយ្យទីម័រខាងកើត កាលពីរសៀលថ្ងៃទី២៧ មករា ឆ្នាំ២០២១ នៅរាជធានី។
លោក អឺមេណេហ្ស៊ីលដូ គូប៉ាឡូប៉េសH.E. ERMENEGILDO”KUPA ”LOPES) បានមាន ប្រសាសន៍លើកឡើងថា មន្ត្រីការទូតរបស់ទីម័រក៏ដូចជានិស្សិតទីម័រដែលបាននិងកំពុងស្នាក់នៅធ្វើការងារនិងរៀនសូត្រនៅរាជធានីភ្នំពេញពិតជាមានការកក់ក្តៅខ្លាំងណាស់ ជាមួយនឹងសន្តិសុខយ៉ាងល្អប្រសើរ ប្រៀបបាននឹងការរស់នៅក្នុងផ្ទះរបស់ខ្លួនអញ្ចឹងដែរ។ លោកបញ្ជាក់ថា រាជធានីភ្នំពេញ បើតាមការអង្កេតមើលរបស់លោក ឃើញថាក្រៅពីមានសន្តិសុខល្អប្រសើរហើយ រាជធានីភ្នំពេញក៏មានការអភិវឌ្ឍន៍រីកចម្រើនយ៉ាងឆាប់រហ័សមានបរិស្ថានល្អប្រសើរជាមួយនឹងមានទន្លេបួនមុខដ៏ស្រស់ស្អាតថែមទៀត។
លោកក៏បានថ្លែងនូវការអរគុណយ៉ាងជ្រាលជ្រៅផងដែរចំពោះ សម្តេចតេជោហ៊ុនសែន ដែលបានផ្ដល់ជាអំណោយ ម៉ាសចំនួន១លាន៥សែនម៉ាសជាមួយ
និងឧបករណ៍មួយចំនួនទៀត ដើម្បីចូលរួមទប់ស្កាត់ជំងឺកូវីដ-១៩ ជូនប្រទេសទីម័រ ខណៈ ប្រទេសក្បែរខាង ក៏ដូចប្រទេសជាសមាជិកអាស៊ាន មិនបានមើលឃើញទីម័រ ។ក្នុងនោះលោកអឺមេណេហ្សុីលដូ គូប៉ាឡូប៉េស ក៏បានស្នើអោយរដ្ឋបាលរាជធានីភ្នំពេញ រៀបចំប្រតិភូទៅបំពេញទស្សនកិច្ចនៅប្រទេសទីម័រ ដើម្បីឱ្យប្រទេសទីម័រ បានសិក្សារៀនសូត្រពីរាជធានីភ្នំពេញ ខណៈដែលរាជធានីភ្នំពេញបានគ្រប់គ្រងរាជធានីបានល្អទាំងសន្តិសុខទាំងការបំរើសេវាសាធារណៈជូនប្រជាពលរដ្ឋ។
លោកឃួង ស្រេង អភិបាលរាជធានីភ្នំពេញ ក្នុងឱកាសនោះ បានរៀបរាប់ពីប្រវត្តិសាស្ត្ររបស់កម្ពុជា ជាពិសេសក្នុងអំឡុងរបបប៉ុលពតដែលបានកាប់សម្លាប់ប្រជាពលរដ្ឋនឹងកំភ្លេចបំផ្លាញប្រទេសជាតិដល់ចំណូល ។ ប៉ុន្តែក្រោមការដឹកនាំរបស់ សម្ដេចអគ្គមហាសេនាបតីតេជោហ៊ុនសែន មិនត្រឹមតែធ្វើឲ្យប្រទេសកម្ពុជា រួចផុតពីសង្គ្រាម ហើយនាំមកនូវសន្តិភាពពេញបរិបូរណ៍ប៉ុណ្ណោះទេ តែបានអភិវឌ្ឍប្រទេសឲ្យមានការអភិវឌ្ឍរីកចម្រើនរហូតមកដល់ពេលនេះថែមទៀត។
លោកបន្តថា ក្រៅពីការគ្រប់គ្រងប្រទេសមានកំណើនសេដ្ឋកិច្ចកើនឡើងហើយនោះ ការគ្រប់គ្រងនូវជំងឺ -១៩ កម្ពុជាក្រោមការដឹកនាំរបស់សម្ដេចតេជោ ក៏បានគ្រប់គ្រងជំងឺកូវីដ-១៩នេះ បានយ៉ាងល្អប្រសើរផងដែរ ។ រដ្ឋបាលរាជធានីភ្នំពេញពិតជារីករាយណាស់ដែលបានរាប់អាន និងបានទំនាក់ទំនងល្អជាមួយនឹងប្រទេសទីម័រ ហើយចំពោះការស្នើឱ្យប្រតិភូរាជធានីភ្នំពេញ ទៅបំពេញទស្សនកិច្ចនៅទីក្រុង នៅប្រទេសទីម័រនោះ រដ្ឋបាលរាជធានីភ្នំពេញនឹងរៀបចំប្រតិភូដើម្បីទៅបំពេញទស្សនកិច្ច ក្រោយ ពេលដែលជម្ងឺកូវីដ-១៩បានសាបរលាបជាមួយនឹងការបានទទួលបាក់សាំងចាក់ការពារជំងឺហើយនោះ៕