វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1862 នាក់
ម្សិលមិញ 5467 នាក់
សរុប 14161439 នាក់
ភ្នំពេញ៖អតីតនាយករដ្ឋមន្ត្រីថៃលោកថាក់ស៊ីនស៊ីនស៊ីណាវ៉ាត្រានិងអ្នកស្រីយិងឡាក់ដែលត្រូវជាប្អូនស្រីផងដែរត្រូវបានគេឃើញមានវត្តមានក្នុងស្រុកខ្មែរជាថ្មីបន្ទាប់បានអាក់ខានក្នុងសម័យមេយោធាថៃប្រាយុទ្ធចាន់អូចាធ្វើជានាយករដ្ឋមន្ត្រីអស់រយៈពេល៩ឆ្នាំ។លោកថាក់ស៊ីនត្រូវបានទាហ៊ានដឹកនាំដោយលោកឧត្តមសេនីយ៍ប៊ុនយ៉ារ៉ាតឃ្លីងអគ្គមេបញ្ជាការកងទ័ពថៃធ្វើរដ្ឋប្រហារកាលពីឆ្នាំ២០០៦។
តែលោកប៊ុនយ៉ារ៉ាតឃ្លីងបានត្រឹមតែឡើងបេះមិនបានហូបដូចលោកប្រាយុទ្ធចានអូចាមេទព័ជើងគោកទេដែលថ្វើឲ្យលោកមានអារម្មណ៍ថាចាញ់បោគគេ។ក្រោយមកដោយមានកម្ពុជាគាំទ្រតាមរយៈលោកឃ្លាំងហួតក្រុមអាវក្រហមឈ្នះឆ្នោតហើយលោកស្រីយិងឡាក់ជាប្អូនស្រីក៏បានឡើងធ្វើនាយករដ្ឋមន្ត្រីបន្ទាប់ពីរដ្ឋាភិបាលអភិសិទ្ធវេចាជីវ៉ាមកពី បក្សប្រជាធិបតេយ្យដែលបង្កទំនាស់ជាមួយកម្ពុជារឿងព្រះវិហ៊ារនៅឆ្នាំ២០០៨។សម្តេចតេជោហ៊ុនសែននិងលោកថាក់ស៊ីនបានសុំគ្នាធ្វើបងប្អូនធម៍តាំងពីឆ្នាំ១៩៩២(ខ្លះថាបន្ទាប់ពីអភិសិទ្ធអុកឡុកព្រះវិហារលោកថាក់ស៊ីនត្រូវបានតែងតាំងជាទិប្រឹក្សា)ដែលធ្វើឲ្យលោកថាក់ស៊ីនអាចចេញចូលស្រុកខ្មែរដោយសេរីក្នុងសម័យកាលអភិសិទ្ធកាន់អំំណាច។ប៉ុន្តែបន្ទាប់ពីលោកប្រាយុទ្ធឡើងកាន់អំណាចតាមរយៈធ្វើរដ្ឋប្រហារហើយបានបណ្តេញពលករខ្មែរជិត១លាននាក់ទាំងតក់ក្រហល់ទើបសម្តេចតេជោសុខចិត្តសម្របសម្រួលជាមួយរដ្ឋាភិបាលលោកប្រាយុទ្ធបញ្ឈប់មិនឲ្យថាក់ស៊ីនជាន់ដីស្រុកខ្មែរដើម្បីថៃរបស់លោកប្រាយុទ្ធឲ្យពលករខ្មែរបានចូលធ្វើការវិញ។
ឡូវខ្យល់បានប្តូទិសនៅស្រុកថៃគឺមេគណបក្សភឿថៃអាចនឹងឡើងធ្វើជានាយករដ្ឋមន្ត្រីទៀត។ចឹងវត្តមានលោកថាក់ស៊ិននិងអ្នកស្រីយិងឡាក់នៅកម្ពុជាគ្មានអ្វីចំឡែកទេ។ករណីយ៍នេះសម្តេចតេជោ ហ៊ុន សែន បានថ្លែងប្រាប់លោក លឹម ជាវុត្ថា អគ្គនាយកបណ្ដាញព័ត៌មាន Fresh News អោយដឹងថា លោក ថាក់ស៊ីន និងលោកស្រី យីងឡាក់ បានស្នាក់នៅភូមិគ្រឹះសម្តេចតេជោនាក្រុងតាខ្មៅមួយយប់។ លុះព្រឹកឡើងបន្ទាប់ពីស្រស់ស្រូបអាហារពេលព្រឹកជាមួយសម្តេចតេជោហើយនោះ លោក ថាក់ស៊ីន និងលោកស្រី យីងឡាក់ បានហោះចេញពីកម្ពុជា។
តាមរយៈវីដេអូកាត់នំខួបកំណើតដែលសម្តេចតេជោបង្ហោះលើ TikTok គេបានសង្កេតឃើញមានការចូលរួមពីក្រុមគ្រួសារសម្តេច។ បន្ថែមពីលើនោះ គេបានឃើញវត្តមានលោក ថាក់ស៊ីន និងលោកស្រី យីងឡាក់ នៅក្នុងពិធីនោះផងដែរ។តាមគម្រោងលោកថាក់ស៊ីនត្រូវវិលចូលស្រុកថៃវិញថ្ងៃទី១០សីហា។តែប្រហែលអាចលើកពេលព្រោះគម្រោងការបោះឆ្នោតបង្កើតរដ្ឋាភិបាលមកពីគណបក្សភឿថៃថ្ងៃទី៤សីហាត្រូវបានលើកពេលបាត់ទៅហើយ។មូលហេតុមកពីតុលាកាធម្មនុញថៃមិនទាន់បានសម្រេចលើពាក្យបណ្តឹងរបស់លោកភិតាមេបក្សឆ្ពោះទៅមុខថាតើឲ្យឈរឈ្មោះឲ្យគេបោះឆ្នោតធ្វើជានាយករដ្ឋមន្ត្រីថៃបន្តទៀតបានដែរឬអត់។ចឹងចាំអ៊ុតមើលថ្ងៃទី១៦សីហាសិន។តែសម្រាប់ថ្ងៃ១០សីហាផែនការលោកថាក់ស៊ីនចូលស្រុកថៃវិញផ្អាក់សិនហើយ។តើលោកថាក់ស៊ីននិងអ្នកស្រីយិងឡាក់ទៅណា?បើមិនឌូបៃទេគឺហុងកុង!?៕