អ្នករកស៊ីថាលោក ញិប ផល្លិក ប្រធានក្រុមគយចល័តតំបន់៥ប្រចាំប៉ុស្តិ៍ជជុះភូមិជើងភ្នំ និងបក្សពួកប្រើអំណាចគាបយកលុយលើតុក្រោមតុ
03-July-2026 / ព័ត៌មានជាតិ
ឧត្តរមានជ័យ៖លោក ញឹប ផល្លិក ប្រធានក្រុមគយចល័តតំបន់៥ប្រចាំប៉ុស្តិ៍ជជុះក្នុងភូមិជើងភ្នំ ប្រើអំណាចគាបយកលុយលើតុក្រោមតុពីពួកអ្នកដឹកទំនិញ...យ៉ាងខ្លាំងជារៀងរាល់ថ្ងៃ..។នេះបើតាមប្រភពពីអ្នករកស៊ី។មន្ត្រីនៅសមត្តកិច្ចផ្សេងនៅច្រកទ្វារព្រំដែនអន្តរជាតិជាំ ស្រុកអន្លង់វែង ខេត្តឧត្តរមានជ័យ បានឲ្យដឹងថា បច្ចុប្បន្នឈ្មួញទាំងធំទាំងតូចសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ តាមច្រកទ្វារអន្តរជាតិជាំ យ៉ាងពេញបន្ទុក។
សូម្បីតែទំនិញជាប្រភេទចំណីអាហារខូចគុណភាព និងមានលាយសារធាតុគីមីដូចជាជើងមាន់ ជើងទា ស្លាបមាន់ ជង្គង់មាន់ គ្រឿងក្នុងមាន់ គ្រឿងក្នុងជ្រូក គ្រឿងក្នុងគោ ក៏ លោក ឆ ណាក់ ប្រធានការិយាល័យគយច្រកទ្វារអន្តរជាតិជាំ បើកដៃឲ្យឈ្មួញនាំចូលតាមអំពើចិត្តដែរដើម្បីផ្តូនិងលាភសក្ការៈ។សកម្មភាពនេះពួគគេឃុបឃឹតគ្នាជាមួយគយចលត័ដើម្បីបន្តកៀបសង្កត់អ្នករកស៊ី។
ករណីយ៍ចឹងគេជឿថាលោក ឈុន សុភមង្គល ប្រធានសាខាគយខេត្តឧត្តរមានជ័យ ច្បាស់ជាដឹងតែលោកបានបណ្ដោយឲ្យលោក ឆ ណាក់មេគយច្រកនិងលោកញឹបផល្លា ប្រមូលលុយ យ៉ាងត្រជាក់ចិត្ត ។
ប្រភពពីសមត្ថកិច្ចពាក់ព័ន្ធនៅស្រុកអន្លង់វែង បានឲ្យដឹងថា ក្រុមឈ្មួញដឹកជញ្ជូនទំនិញទាំងតាមរថយន្តធុនធំ និងរថយន្តធុនតូចពីប្រទេសសៀម យកមករក្សាទុកតាមឃ្លាំងច្រើនកន្លែងនៅក្បែរៗច្រកទ្វារអន្តរជាតិជាំ ។ បន្ទាប់មកឈ្មួញអាចដឹកជញ្ជូនទំនិញទៅដល់គោលដៅយ៉ាងរលូនឲ្យតែបង់លុយតាមការកំណត់របស់មន្ត្រីគយចល័តតំបន់5ប្រចាំកុងត្រូលជជុះក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។ ក្រុមឈ្មួញបានបញ្ជាក់ថា លោក ញិប ផល្លិក ប្រធានក្រុមគយចល័តតំបន់5ប្រចាំប៉ុស្តិ៍ជជុះក្នុងភូមិជើងភ្នំ ឃុំត្រពាំងប្រីយ៍ មានចរិតក្រអឺតក្រទមខ្លាំងណាស់ ហើយគាបយកលុយលើតុក្រោមតុពីពួកគាត់យ៉ាងកំរោល។
ប្រភពពីក្រុមឈ្មួញបានឲ្យដឹងទៀតថា ករណីលោក ញិប ផល្លិក គាបយកលុយពីពួកគាត់គឺពុំមានការចេញបង្កាន់ដៃ ឬវិក្កយបត្រឲ្យបានត្រឹមត្រូវនោះទេ ហើយក៏គ្មានអ្នកណាហ៊ានតវ៉ាដែរ ព្រោះខ្លាចប្រឈមនឹងការលំបាកកាន់តែខ្លាំង។កន្លងមកប្រមុខរាជរដ្ឋាភិបាល សម្ដេច តេជោ ហ៊ុន សែន បានប្រមានធ្ងន់ៗនិងប្រើវិធានការក្ដៅតាមអភិក្រមទី ៥ វះកាត់មន្ត្រី ពុករលួយ សម្ដេច នឹង សហការជាមួយ អង្គភាពប្រឆាំងអំពើពុករលួយ ចាប់ត្រង់ៗតែម្ដងបើមន្ត្រីណាដែរប្រព្រឹត្តអំពើរពុករលួយធ្វើអោយសង្គមជាតិបាត់ប្រាក់ចំណូលដែលបានមកពីការប្រមូលពន្ធ។តែសម្រាប់លោកឈុនសុភមង្គលមេគយខេត្តលោកញិប ផល្លិក គយចល័តនិងលោកឆណាក់មេគយច្រកហាក់បីដូចជាមិនញញើតខ្លាចរអាថែមទាំងបានផ្គើនថែមទៀត។
នៅថ្ងៃទី២ ខែ សីហា ឆ្នាំ២០២៣អ្នកាសែតបានធ្វើបទសម្ភាសតាមរយៈទូរសព្ទ័ទៅ លោក រ៉ែម ផល្លាវីប្រធានស្នាក់ការច្រកទ្វាអន្តរជាតិជាំអំពីទំនិញដែលក្រុមឈ្មួញដឹកជញ្ជួនចេញពីប្រទេសថៃចូលមកប្រទេសកម្ពុជានិងអាហារកាកសំណល សល់ពីប្រទេសថៃមិនបរិភោគនាំចូលមកស្រុកអន្លង់វែងនោះ លោក រ៉ែម ផល្លាវីបានបញ្ជាក់ថាបើចង់ដឹង ចង់សួរមកសួរនៅមាត់ច្រកមក ។រីឯលោក ញិប ផល្លិកគយចល័តក្រសួងវិញក្រុមការងាយើងមិនអាចទំនាក់ទំនងសុំការបកស្រាយបំភ្លឺបាននៅឡើយព្រោះគ្មានលេខទូរសព្ទ័។
សារពត៍មានយើងរងចាំបកស្រាយបំភ្លឹឡើងវិញរាងរាល់ម៉ោងធ្វើការពីអ្នកពាក់ពន្ធ័ជុំវិញការចោទប្រកាន់របស់ប្រជាពលរដ្ឋអ្នករកស៊ី។សូមបញ្ចាក់ថា ខេត្តឧត្តរមានជ័យមានច្រកព្រំដែនអន្តរជាតិសំខាន់ៗចំនួន៣។ ក្នុងនោះរួមមាន៖ ច្រកព្រំដែនអន្តរជាតិជប់គគីរ ស្ថិតក្នុងស្រុកបន្ទាយអំពិល ជាប់នឹងខេត្តបុរីរាំប្រទេសថៃ។ ច្រកព្រំដែនអន្តរជាតិជាំ ស្ថិតក្នុងស្រុកអន្លង់វែង ជាប់នឹងខេត្តស៊ីសាកេតប្រទេសថៃ និងច្រកអន្តរជាតិអូរស្មាច់ ស្ថិតក្នុងស្រុកសំរោងមានព្រំប្រទល់ជាប់នឹងខេត្តសុរិន្ទដែលស្ថិតនៅក្រោមការគ្រប់គ្រងរបស់គយលោកឈុនសុភមង្គល៕
