វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4029 នាក់
ម្សិលមិញ 5467 នាក់
សរុប 14163606 នាក់
ភ្នំពេញ៖ នាយករដ្ឋមន្ត្រីកម្ពុត្រៀមរបស់ជាលោកបណ្ឌិត ហ៊ុន ម៉ាណែត បានបញ្ជាក់ពីការ ចងចាំជានិច្ចនូវបណ្តាំរបស់សម្ដេចតេជោ ហ៊ុន សែន ដែលណែនាំថា ពេលកូនក្លាយជានាយករដ្ឋមន្ត្រីនៃកម្ពុជា កូនត្រូវតែការពារឲ្យខាងតែបាននូវសន្តិភាព ដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន។
លោកបណ្ឌិត ហ៊ុន ម៉ាណែត បានសរសេរនៅលើបណ្ដាញសង្គមហ្វេសប៊ុក និងតេលេក្រាម នារសៀលថ្ងៃទី២៧ ខែកក្កដានេះថា «បណ្តាំរបស់ពុកដែលកូននឹងចងចាំជានិច្ច និងប្តេជ្ញាអនុវត្តអោយបានដាច់ខាតនៅក្នុងគ្រប់កាលៈទេសៈ។ ពេលកូនក្លាយជានាយករដ្ឋមន្ត្រីរបស់កម្ពុជា កូនត្រូវតែការពារឲ្យខាងតែបាននូវសន្តិភាព ដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន»។ការប្រកាសប្តេជ្ញានេះគឺ បន្ទាប់ពីសម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា បានចេញសេចក្តីថ្លែងការណ៍ពិសេសមួយ កាលពីរសៀលថ្ងៃទី២៦ ខែកក្កដា ឆ្នាំ២០២៣ ដោយបញ្ជាក់ថា សម្ដេច នឹងមិនបន្តមុខតំណែងជានាយករដ្ឋមន្ត្រី សម្រាប់អាណត្តិទី ៧នេះទេ ដោយលោកបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រី នៅល្ងាចថ្ងៃទី ២២ ខែសីហា ឆ្នាំ ២០២៣ខាងមុខបន្ទាប់ពីការប្រជុំសភានាពេលព្រឹករួច។
ជាមួយគ្នា នៅលើបណ្ដាញសង្គម Twitter នៅថ្ងៃដដែល សម្តេចតេជោ ហ៊ុន សែន ក៏បានបង្ហោះសារប្រាប់ទៅកាន់លោកបណ្ឌិត ហ៊ុន ម៉ាណែត ថា «ពេលក្លាយជានាយករដ្ឋមន្ត្រី ត្រូវតែការពារឲ្យខាងតែបាននូវសន្តិភាព ដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន»។សូមបញ្ជាក់ថាឯកឧត្តមបណ្ដឹតហ៊ុនម៉ាណែតជាតំណាងរាស្ត្រមណ្ឌលរាជធានីភ្នំពេញរបស់គណបក្សប្រជាជនកម្ពុជា៕