វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4627 នាក់
ម្សិលមិញ 6359 នាក់
សរុប 14091260 នាក់
ភ្នំពេញ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិកម្ពុជា នៅព្រឹកថ្ងៃទី១០ ខែធ្នូឆ្នាំ២០២១ បានអនុញ្ញាតឱ្យលោកដឺរ៉ិកឆូលេក( Derek Chollet) ទីប្រឹក្សាក្រសួងការបរទេសសហរដ្ឋអាមេរិក ចូលជួបសម្តែងការគួរសម និងពិភាក្សាការងារ។
ជំនួបនេះ ធ្វើឡើងនៅទីស្តីការក្រសួងការបរទេសបានកើតឡើងក្រោយពីសម្តេចដតេជោថាថ្លែងកាលពីថ្ងៃទី៩ធ្នូនៅខេត្តកណ្តាលពេលចុះពិនិត្យការសាងសង់ព្រលានយន្តហោះថ្មីថាមិខកម្ពុជាមិនខ្វល់ពីច្បាប់ដាក់ទណ្ឌកម្មមន្ត្រីរបស់អាមេរិកព្រោះវាធ្វើឲ្យមន្ត្រីខ្មែរយកលុយមកប្រើក្នុងស្រុកខ្មែរនិងបន្ទាប់ពីអាមេរិកប្រកាសហាមមិនឲ្យមានការលក់អាវុធឲ្យប្រទេសកម្ពុជា។
ទាក់ទងរឿងអាវុធនវតាមរយៈទំព័រហ្វេសបុក សម្តេចតេជោ ហ៊ុន សែន បានសរសេរថា “កាលពីប៉ុន្មានថ្ងៃកន្លងទៅនេះ សហរដ្ឋអាមេរិកបានសម្រេចអំពីការរឹតត្បិតការលក់ដូរអាវុធ និងសម្ភារយោធាដល់កម្ពុជា។ ខ្ញុំឆ្លៀតយកឱកាសនេះ សូមអរគុណចំពោះសហរដ្ឋអាមេរិក ដោយសារការសម្រេចរបស់សហរដ្ឋអាមេរិក លើបម្រាមការលក់ដូរអាវុធ និងសម្ភារយោធាមកកម្ពុជានាពេលនេះ គឺបានឆ្លុះបញ្ចាំងពីភាពត្រឹមត្រូវនៃការសម្រេចចិត្តរបស់ខ្ញុំ កាលពីឆ្នាំ ១៩៩៤ ដែលនៅពេលនោះ ខ្ញុំបានធ្វើការសម្រេចចិត្ត ដោយមិនធ្វើការផ្លាស់ប្តូរប្រព័ន្ធអាវុធកម្ពុជាដែលមានពេលនោះ ទៅទិញប្រព័ន្ធអាវុធអាមេរិក។”
ទន្ទឹមនឹងនេះ សម្តេចតេជោ បានលើកឡើងបន្ថែមថា “ខ្ញុំសូមដាក់ចេញបទបញ្ជាដល់អង្គភាពប្រដាប់អាវុធទាំងអស់ ឱ្យធ្វើការត្រួតពិនិត្យឡើងវិញជាបន្ទាន់អំពីអាវុធ និងសម្ភារយោធា ដែលកម្ពុជាមានបច្ចុប្បន្ន ហើយត្រូវប្រមូលអាវុធ និងសម្ភារយោធាអាមេរិកទាំងអស់ ប្រសិនបើមាន យកទៅរក្សាទុកក្នុងឃ្លាំង ឬយកទៅកំទេចចោល តាមការជាក់ស្តែង។
សម្តេចតេជោឌឹថា៖តាមចំណាំរបស់ខ្ញុំ អ្នកដែលធ្លាប់ប្រើប្រព័ន្ធអាវុធអាមេរិកជាច្រើន បានចាញ់សង្គ្រាម ដូចជាក្នុងរបបសាធារណខ្មែររបស់ លន់ នល់ ដែលពេលនោះបានប្រើប្រព័ន្ធអាវុធអាមេរិក និងបាននាំចូលអាវុធជាច្រើនមកកម្ពុជា ហើយធ្វើឱ្យកម្ពុជាជាប់បំណុលខ្មៅនេះ រហូតមកដល់បច្ចុប្បន្ននេះ។ ថ្មីៗនេះ ទៀតសោត គឺ អ្នកប្រើប្រព័ន្ធអាវុធអាមេរិក ក៏បានចាញ់សង្គ្រាមនៅអាហ្គានីស្ថាន។ ខ្ញុំមានជំនឿលើភាពក្លាហាន ព្រមទាំងស្មារតី និងទឹកចិត្តប្រយុទ្ធរបស់យុទ្ធជនក្នុងសមរភូមិ ដើម្បីការពារបូរណភាពទឹកដីរបស់កម្ពុជា ជាជាងលើអាវុធតែមួយមុខ។”