វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 716 នាក់
ម្សិលមិញ 3717 នាក់
សរុប 14149049 នាក់
ភ្នំពេញ៖ ទីតាំងខារ៉ាអូខេ និងសណ្ឋាគារមួយកន្លែងថិតនៅចំណុចផ្លូវ២០៦ ក្រុម៤៤ ភូមិ១០ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ យីហោ 6969 ឃីស អ៉ិនធើធេនមិន ឯ.ក មួយកន្លែង ត្រូវបានអគ្គិភ័យឆាបឆេះនៅជាន់ទី៥បណ្តាលឲ្យខូចខាតអស់សម្ភារៈមួយចំនួន និងមនុស្សប្រុសស្រី ០៨នាក់បានស្លាប់កាលពីវេលាម៉ោង ៥និង១០នាទីល្ងាច ថ្ងៃទី០១ ខែកក្កដា ឆ្នាំ២០២៣ ។
លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ បាន ឲ្យដឹងថា ដោយទទួលបានព័ត៌មានពីប្រជាពលរដ្ឋតាមលេខទូរស័ព្ទ Hotline របស់ការិយាល័យថា មានករណីអគ្គិភ័យកំពុងឆាបឆេះខារ៉ាអូខេ និងសណ្ឋាគារ យីហោ 6969 ឃីស អ៉ិនធើធេនមិន ឯ.ក លោកក៏បានបញ្ជាទៅរថយន្តពន្លត់អគ្គិភ័យគ្រប់គោលដៅទាំងអស់ក្នុងរាជធានីភ្នំពេញ ចេញជួយអន្តរាគមន៍ភ្លាមៗ។
លោកវរសេនីយ៍ឯក ព្រហ្ម យ៉ន នាយការិយាល័យ បានត្អូញថាដោយសារតែស្ថានភាពទីតាំងខារ៉ាអូខេ និងសណ្ឋាគារ មានផលលំបាកជាច្រើន ក្នុងការជួយសង្គ្រោះអន្តរាគមន៍ទាន់ពេលវេលា កត្តាទាំងនេះបានធ្វើឲ្យមន្ត្រីជំនាញទាំងអស់ពិបាកនៅក្នុងប្រតិបត្តិការជួយសង្គ្រោះ ។
ទោះបីជាយ៉ាងណា ក៏កម្លាំងសមត្ថកិច្ចជំនាញ ក៏បានប្រើប្រាស់បំពង់ខ្យល់អុកស៊ីសែន ហៅកាត់ថា (SCBA) ក្នុងប្រតិបត្តិការនេះផងដែរ។លោកវរសេនីយ៍ឯក ព្រហ្ម យ៉ន បន្តទៀតថា ហេតុការណ៍អគ្គិភ័យដែលឆាបឆេះខារ៉ាអូខេ និងសណ្ឋាគារ យីហោ 6969 ឃីស អ៉ិនធេីធេនមិន ឯ.ក នៅជាន់ទី៥ ខាងលើនេះ គឺបណ្តាលមកពីការឆ្លងចរន្តអគ្គីសនី ហើយក្នុងនោះធ្វើឲ្យខូចខាតឆេះខូចខាតសម្ភារៈមួយចំនួន ក្នុងនោះបណ្តាលឲ្យមនុស្សចំនួន០៨នាក់ស្លាប់ (ស្រីចំនួន ១នាក់, ភេទទី៣ ចំនួន ២នាក់) ក្នុងនោះជាប្រភេទសំណង់ ថ្មបេតុង (៣០ម៉ែត្រ គណុ ៣០ម៉ែត្រ)។
នៅក្នុងប្រតិបត្តិការខាងលើនេះកម្លាំងសមត្ថកិច្ចជំនាញធ្វើការគ្រប់គ្រងបានទាំងស្រុងនៅវេលាម៉ោង ៨និង៣០នាទីយប់ ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយក្នុងនោះ កម្លាំងសមត្ថកិច្ចជំនាញបានប្រើប្រាស់រថយន្តពន្លត់អគ្គិភ័យចំនួន១១២គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន ២២គ្រឿង ប្រើប្រាស់ទឹកអស់ ៨៨ឡាន ស្មើរនឹង ៣៥២ម៉ែត្រគូប, រថយន្តជំនួយមកពីទីក្រុងអូឡាំព្យា ចំនួន ២គ្រឿង ប្រេីប្រាស់ទឹកអស់ ០៦ឡាន ស្មេីរនឹង ២៤ម៉ែត្រគូប, ទីក្រុងជ្រោយចង្វារ ចំនួន ០៥គ្រឿង ប្រេីប្រាស់ទឹកអស់ ១៥ឡាន ស្មេីរនឹង ៦០ម៉ែត្រគូប និងរថយន្តរបស់ក្រុមហ៊ុនស្រាបៀរកម្ពុជា ចំនួន ១គ្រឿង ប្រើប្រាស់ទឹកអស់ ០៣ឡាន ស្មើរនឹង ១២ម៉ែត្រគូប.។
ទោះជាយ៉ាងណាករណីយ៍អគ្គិភ័យបណ្តាលឲ្យមនុស្សស្លាប់នេះលោកវរសេនីយ៍ឯក សាន សុខសីហា បណ្ដាញសង្គមតេឡេក្រោមនៅព្រឹកថ្ងៃចន្ទទី០៣ ខែកក្កដា ឆ្នាំ២០២៣នេះបានឲ្យដឹងថាថា៖ ករណីឆេះខារ៉ាអូខេ និងសណ្ឋាគារ «6969 ឃីស» ក្នុងសង្កាត់ផ្សារដេប៉ូទី១ ស្លាប់០៨នាក់ ក្នុងនោះមានជនរងគ្រោះ ជាជនជាតិខ្មែរ-ចិន និងវៀតណាម ដោយសារឈ្លក់ផ្សែង។ ក្រោយកើតហេតុ មន្ត្រីជំនាញបានចុះស្រាវជ្រាវ រហូតឈានដល់ការឃាត់ខ្លួនមនុស្ស ៤នាក់ ក្នុងចំណោមបក្ខពួក ៥នាក់ ដែលជាប់ពាក់ព័ន្ធករណីអគ្គីភ័យនេះ ខណៈជនសង្ស័យម្នាក់កំពុងរត់គេចខ្លួន។លោកវរសេនីយ៍ឯក សាន សុខសីហា ក៏បានបញ្ជាក់ដែរថា អាគារមួយនេះកំពុងតែជុសជួលធ្វើថ្មី ប៉ុន្តែដោយតែក្រុមជាងជាងសំណង់ធ្វើការផ្សារដែកគ្មានការប្រុងប្រយ័ត្ន ទើបបង្កជាអគ្គិភ័យឆាបឆេះយ៉ាងសន្ធោសន្ធៅតែម្តង។