វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 851 នាក់
ម្សិលមិញ 5378 នាក់
សរុប 14080144 នាក់
ប៉ោយប៉ែត ៖ ពលរដ្ឋខ្មែរ ជាង៤០០នាក់ ដែលជាប់គាំលើទឹកដីថៃ ត្រូវបានអនុញាតិឲ្យឆ្លងដែនមកកម្ពុជាហើយ នៅវេលាម៉ោង១រសៀលនេះ ក្រោយពីខាងអាជ្ញាធរថៃ ពិនិត្យសុខភាពរួច។
នគរបាលអន្តោប្រវេសន៍ច្រកអន្តរជាតិប៉ោយប៉ែត បានឲ្យដឹងថា ពលរដ្ឋទាំងនោះ បានចូលមកដល់កម្ពុជាហើយ ពេលនេះត្រូវបានអាជ្ញាធរ ដឹកជញ្ជូនយកទៅដាក់នៅមណ្ឌលសំចតបណ្តោះអាសន្ន ដាក់ដាច់ដោយឡែកពីគេ ដើម្បីតាមដានជម្ងឺ និងត្រួពិនិត្យសុខភាពសិន។ដោយឡែកពលករខ្មែរដែលធ្វើការនៅខេត្តចាន់បុរី ប្រទេសថៃ ប្រមាណជាង២០០នាក់ វិលត្រឡប់មកកាន់ស្រុកកំណើតវិញ តាមព្រំដែនក្នុងភូមិសាស្ត្រខេត្តប៉ៃលិន គ្រាច្រកទ្វារព្រំដែនអន្តរជាតិព្រំ ខេត្តប៉ៃលិន បានបិទមិនឲ្យចេញចូលទៅមក។
ពលករខ្មែរ បានឲ្យដឹងឡើងថា នៅក្នុងប្រទេសថៃ ពួកគាត់មានការព្រួយបារម្ភជាខ្លាំង ចំពោះជំងឺ COVID-19 ផង រួមទាំងអត់ការងារធ្វើផងនោះ បានបង្ខំឲ្យពួកគាត់សម្រេចចិត្ត វិលត្រឡប់មកកាន់ស្រុកកំណើតវិញ ហើយដោយច្រកទ្វារព្រំដែនត្រូវបានបិទ ដូច្នេះពួកគាត់ខ្លះត្រូវបង្ខំចិត្ត ឆ្លងព្រំដែន តាមអូរតាមព្រៃ ដែលប្រឈមនឹងគ្រោះថ្នាក់ដោយសារគ្រាប់មីន។លោក ផាន់ ចាន់ធុល អភិបាលខេត្តប៉ៃលិនក្រោយពី បានជួបពិភាគ្សាជាមួយភាគីថៃ ដោយអនុញ្ញាតឲ្យពលករប្រមាណជាង១០០នាក់ ចេញតាមច្រកព្រំដែនព្រំ ដើម្បីវិលត្រឡប់ទៅកាន់ស្រុកកំណើតរៀងៗខ្លួនវិញ។
លោក ផាន់ ចាន់ធុល បានបញ្ជាក់ថា ពលករខ្មែរដែលឆ្លងដែនត្រលប់មកវិញនេះ អាជ្ញាធរមិនបានអនុវត្តន៍ដាក់ឲ្យនៅដាច់ឡែកនោះទេ ដោយគ្រាន់តែកំណត់អត្តសញ្ញាណ ពិនិត្យឆែកកំដៅ ពិនិត្យសុខភាពយ៉ាងតឹងរឹង និងលាងសំអាតដៃ ដងខ្លួនដោយសារធាតុសម្លាប់មេរោគ រួចហើយអនុញ្ញាតឲ្យពួកគាត់វិលត្រឡប់ទៅកាន់លំនៅដ្ឋានរៀងៗខ្លួនវិញ។សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅថ្ងៃទី២៣មិនា បានចេញបទបញ្ជាថ្មី និងបន្ទាន់មួយទៅកាន់អភិបាខេត្តទាំង២៤ ឱ្យរៀបចំសណ្ឋាគារ ផ្ទះសំណាក់ សាលារៀន និងមជ្ឈមណ្ឌលបណ្តុះបណ្តាលមួយចំនួន ទុកសម្រាប់ព្យាបាលអ្នកកើតជំងឺកូវីដ១៩ (COVID-19)។
ក្នុងសារសំឡេងបញ្ជាទៅកាន់អភិបាលខេត្ត ដែលសារពត៍មាន ទទួលបានសម្តេចតេជោ ហ៊ុន សែន នៅថ្ងៃទី២៣ ខែមីនា ឆ្នាំ២០២០នេះ បានណែនាំយ៉ាងដូច្នេះ «ដោយឥឡូវឃើញថាសណ្ឋាគារជាច្រើននៅតាមខេត្តពុំសូវមានភ្ញៀវស្នាក់នៅ ហើយក៏មានអគារមជ្ឈមណ្ឌលបណ្តុះបណ្តាលមួយចំនួន ក៏អាចមានអគារខ្លះដែរ។ អ៊ីចឹងបើមានសណ្ឋាគារ ឬក៏មជ្ឈមណ្ឌលណាដែលវាល្អយើងយកអាហ្នឹងដោយមិនបាច់យកសាលារៀនទេ។
ដូចជានៅខេត្តសៀមរាប ខេត្តព្រះសីហនុ ខេត្តកំពង់ចាម ឬខេត្តដទៃទៀត ដែលមានសណ្ឋាគារស្រាប់យើងជួលយកសណ្ឋាគារហ្នឹងតែម្តង ព្រោះវាមានប្រព័ន្ធទឹក ប្រព័ន្ធភ្លើង មានម៉ាស៊ីនត្រជាក់ មានកង្ហារអីគ្រប់គ្រាន់តែម្តង។ អ៊ីចឹងយើងជួលយក ហើយគ្រប់គ្រងមានគ្រែ មានអីហើយស្រេច អ៊ីចឹងវាជាការងាយស្រួល»។
សម្តេចតេជោ ហ៊ុន សែន ក៏បានណែនាំ និងបញ្ជាឱ្យប្រមូលកម្លាំងខិតខំតទឹក តភ្លើង រៀបចំបន្ទប់អនាម័យទៅតាមសាលារៀន ដែលនឹងត្រូវយកទៅព្យាបាលជំងឺនេះ។ សម្តេចតេជោ ក៏បានណែនាំផងដែរថា ត្រូវរៀបចំកន្លែងព្យាបាលដោយប្រមូលផ្តុំមួយកន្លែង ឬពីរកន្លែងសម្រាប់ខេត្តដែលធំ។