វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1796 នាក់
ម្សិលមិញ 6501 នាក់
សរុប 13950351 នាក់
ព្រៃវែង : ផ្ទះទិញលក់អេតចាយយួនចំនួន២ខ្នង ដែលសាងសង់អំពីឈើប្រក់សង្ក័សី ខាងក្រោមថ្ម ត្រូវបានព្រះអគ្គីឆាបឆេះហ្ម៉ត់ ក្នុងរយៈពេលតែជាងកន្លះម៉ោងប៉ុណ្ណោះកាលពីវេលាម៉ោង៦និង៤០នាទីព្រឹក ព្រឹកថ្ងៃទី៨តុលានេះតែគ្មានមនុស្សស្លាប់ ។
ទីតាំងកើតហេតុនៅចំណុចកែងផ្លូវបេតុងជួរមាត់ទន្លេ ក្នុងភូមិ៦ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង ។សមត្ថកិច្ចបានអោយដឹងថា ផ្ទះទី១ជាប្រភេទផ្ទះឈើប្រក់សង្ក័សី ទំហំ៤ x ៧ម៉ែត្រ មានម្ចាស់ឈ្មោះ ង្វៀង យ៉ាំងបាវ ភេទស្រី អាយុ៤៩ឆ្នាំ រងការខូចខាតទាំងស្រុង។ ផ្ទះទី២ជាប្រភេទផ្ទះឈើខាងលើ និងខាងក្រោមថ្ម ទំហំ៥ x ៧ម៉ែត្រ មានម្ចាស់ឈ្មោះ កាវ យ៉ាំងហាក់ អាយុ៦៥ឆ្នាំ រងការខូចខាតទាំងស្រុង។
សមត្ថកិច្ចបានប្រើឡានទឹកបាញ់ទឹកពន្លត់អស់ចំនួ២ឡាន និងប្រើរយៈពេលអស់ជាងកន្លះម៉ោង ទើបភ្លើងត្រូវបានពន្លត់ជាស្ថាពរ ។ចំណែកមូលហេតុដែលបណ្តាលអោយកើតមានអគ្គីភ័យនេះឡើង គឺដោយសារតែម្ចាស់ផ្ទះឈ្មោះ ង្វៀង យ៉ាំងបាវ ដាក់ឆ្នាំងដាំទឹកក្នុងផ្ទះ ហើយដើរចោល ទើបធ្វើអោយភ្លើងឆាបឆេះកើតជាអគ្គីភ័យបែបនេះ។ចំនួននៃការខូចខាតសរុប នៅមិនទាន់អាចសន្និដ្ឋានបានទេ។