វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 277 នាក់
ម្សិលមិញ 5020 នាក់
សរុប 14115724 នាក់
ព្រះសីហនុ៖ សម្រាប់ថ្ងៃទី១៤ ខែកុម្ភៈ ឆ្នាំ២០២០នេះ មន្ត្រីអ្នកនាំពាក្យរដ្ឋបាលខេត្តព្រះសីហនុ លោក ឃាង ភារម្យប្រាប់បណ្តាញផ្សព្វផ្សាយថា អ្នកដំណើរជើងចុងក្រោយ ក្រុមអ្នកទេសចរណ៍ដែលចុះពីនាវារបស់នាវា Westerdamទៅ ឡើងជិះយន្តហោះត្រឡប់ទៅប្រទេសខ្លួនវិញ ចំនួន១៤៧នាក់ ចេញពីព្រលានយន្ដហោះអន្ដរជាតិខេត្តព្រះសីហនុ ឆ្ពោះទៅកាន់ទីក្រុងកូឡាឡាំពួរ ប្រទេសម៉ាឡេស៊ី ដើម្បីបន្ដដំណើរទៅកាន់ប្រទេសរបស់ពួកគេរៀងៗខ្លួន។
សរុបអ្នកដំណើរចុះពីនាវាទេសចរណ៍ដើម្បីចេញ ពីប្រទេសកម្ពុជានៅថ្ងៃនេះ មានចំនួន៤០៧នាក់ ចែកចេញជា៣ជើងហោះហើរ។ ក្នុងនោះពីរជើងចេញពីខេត្តព្រះសីហនុ ទៅកាន់ព្រលានយន្ដហោះអន្ដរជាតិភ្នំពេញ រួចបន្តហោះទៅកាន់ប្រទេសសិង្ហបុរី ដើម្បីដូរជើងហោះហើរ ទៅកាន់ប្រទេសរបស់គេរៀងៗខ្លួន និងជើងហោះហើរទី៣ ដែលមានចំនួន១៤៧នាក់នេះ គឺហោះពីខេត្តព្រះសីហនុ ទៅកាន់ទីក្រុងកូឡាឡាំពួរ ទើបហោះហើរទៅកាន់ប្រទេសពួកគេបន្តទៀត។
នៅព្រលានយន្តហោះអន្តរជាតិភ្នំពេញលោក ឃួង ស្រេង អភិបាលរាជធានីភ្នំពេញ និងមន្ត្រីអ្នកមុខ អ្នកការជាច្រើនរូបបានអញ្ជើញ ទទួលស្វាគមន៍ភ្ញៀវទេសចរលើនាវា Westerdam ប្រមាណ៥០០នាក់ បន្ទាប់ពីពួកគេត្រូវបានអនុញ្ញាតឲ្យចាកចេញពីនាវានិង ធ្វើដំណើរត្រឡប់ទៅប្រទេសកំណើតវិញ។
សម្រាប់ការចាកចេញនេះលោកស៊ុនចាន់ថុលរដ្ឋមន្ត្រីក្រសួងសាធារនៈការណ៍ឲ្យដឹងថា៖ ទំនងជានឹងត្រូវចំណាយពេលវេលាច្រើនថ្ងៃទៅមុខទៀត អាចឈានទៅដល់មួយសប្តាហ៍ អាស្រ័យអ្នកដំណើរ ថាតើពួកគេមានសំបុត្រយន្តហោះគ្រប់គ្រាន់ឬយ៉ាងណា?។បើតាម លោកទេសរដ្ឋមន្ត្រី ស៊ុន ចាន់ថុល បានប្រាប់វិទ្យុបារាំង RFI ថា ភ្ញៀវទេសចរ និងអ្នកបំរើការងារលើនាវាកម្សាន្តយក្សអាមេរិកមួយនេះចំនួនជាង២ពាន់នាក់ នឹងត្រូវចាកចេញត្រលប់ទៅប្រទេសពួកគេរៀងៗខ្លួនវិញ តាមជើងហោះហើរសរុបចំនួន១២ជើង ដោយទុកតែនាវិកប៉ុន្មាននាក់ប៉ុណ្ណោះ បើកកប៉ាល់ត្រលប់ទៅគោលដៅដើមវិញ។ ពោលគឺត្រលប់ទៅគោលដៅដើមវិញនៅពេលដែលអ្នកដំណើរនៅលើនាវានេះ ចាកចេញទៅតាមជើងយន្តហោះអស់។
សូមបញ្ជាក់ថាសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលត្រូវបានមនុស្សជាតិទាំងឡាយគោរពស្រឡាញ់លោក កោតសរសើរវីរភាព និងសេចក្តីក្លាហានរបស់លោក ។សម្តេចតេជោ ហ៊ុន សែន នៃកម្ពុជាត្រូវបានគេវាយតម្លៃថា៖ ជាកំពូលមេដឹកនាំម្នាក់ដែលមានបេះដូងប្រកបដោយគុណធម៌ មនុស្សធម៌ មេត្តាធម៌ និងសេចក្តីស្រឡាញ់ដោយគ្មានព្រំដែនដែលបានអនុញាតិឲ្យនាវាទេសចរណ៍ WESTERDAM ផ្ទុកមនុស្សទាំង២.២៥៧ នាក់ ដែលបានរសាត់អណ្តែតនៅកណ្តាលសាគរដ៏ធំល្វឹងល្វើយ និងអស់សង្ឃឹមទៅហើយនោះចូលចតព្រមទាំងបានចុះផ្ទាល់ទៅជួបទទួលស្វាគមន៍ ។