វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 323 នាក់
ម្សិលមិញ 4140 នាក់
សរុប 14162713 នាក់
ខេត្តក្រចេះ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងសួរសុខទុក្ខ និងប្រោសព្រះរាជទានព្រះរាជអំណោយ ជូនបងប្អូនប្រជាកសិករដែលមានជីវភាពទីទ័លក្រ និងជនជាតិដើមភាគតិចមាន ខ្មែរ គួយ ព្នង ឌោញ រស់នៅភូមិទ្រាប និងភូមិសណ្តាយ ឃុំថ្មី ស្រុកចិត្របុរី ខេត្តក្រចេះ នាព្រឹកថ្ងៃទី២៦ ខែមិថុនា ឆ្នាំ២០២៣។
ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត, ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ , លោក មេបញ្ជាការ មេបញ្ជាការរងនៃកងកម្លាំងទាំងបីប្រភេទរួមនិង លោក លោកស្រី ជាអភិបាលរងនៃគណៈអភិបាលខេត្ត និងមន្ត្រីរាជការនៃសាលាខេត្ត ព្រមទាំងប្រជាពលរដ្ឋ ជាង៥០០នាក់មានវត្តមានទទួលព្រះរាជដំណើរ ។
ព្រះករុណាជាអម្ចាស់ជីវិតតម្កល់លើត្បូង បានមានព្រះរាជបន្ទូលកត់សម្គាល់ថា ក្រោមការដឹកនាំរបស់សម្តេចតេជោ និងសម្តេចកិត្តិព្រឹទ្ធបណ្ឌិត បានធ្វើឱ្យជាតិកម្ពុជាមានការរីកចម្រើនជឿនលឿន ហើយប្រជាពលរដ្ឋរស់នៅក្នុងសេចក្តីសុខក្សេមក្សាន្ត។ព្រះមហាក្សត្រខ្មែរ ក៏បានមានព្រះរាជបន្ទូលកោតសរសើរដល់ថ្នាក់ដឹកនាំ និងអាជ្ញាធរខេត្តក្រចេះ ដែលបានប្រឹងប្រែងអស់កម្លាំងកាយចិត្តក្នុងការបម្រើប្រជាពលរដ្ឋ ក៏ដូចជាអភិវឌ្ឍន៍ឱ្យមានការរីកចម្រើនលូតលាស់ផងដែរ។
ព្រះអង្គក៏បានសព្វព្រះរាជហឫទ័យស្តេចយាងសួរសុខទុក្ខ និងប្រោសព្រះរាជទាន អំណោយជូនដល់លោកគ្រូអ្នកគ្រូ និងសិស្សានុសិស្ស ចំនួន ១៥៧នាក់។ព្រះរាជអំណោយ ប្រទានប្រជារាស្ត្រដែលចូលរួម ក្នុងមួយគ្រួសារៗ ទទួលបាន៖* អង្ករ ចំនួន ១ បាវ* ឃីត ចំនួន ១ កញ្ចប់ (មុង ១, ភួយ ១, ក្រមា ១, សារុង១)* មី ចំនួន ២ កេស* ត្រីខ ចំនួន ១ យួរ* តង់កៅស៊ូ ចំនួន ១* ស្បែកជើងផ្ទាត់ ចំនួន ១ គូ
* អាវយឺត មានផ្លាកព្រះរាជអំណោយ ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន ១* អាវរងារ ចំនួន ១* ថវិកាចំនួន ២០០.០០០ រៀល។ក្នុងឱកាសនោះ លោកគ្រូអ្នកគ្រូ និងសិស្សានុសិស្ស បានក្រាបបង្គំទូលថ្វាយសំណើសូមសាលារៀនថ្មី សង់ពីបេតុងចំនួន ១ខ្នង ៥បន្ទប់ និងបន្ទប់ទឹកចំនួន ៤បន្ទប់៕