ទ្រង់នរោត្តមចក្រាវុធបញ្ចេញស្នាដៃដេញមន្ត្រីចេញពីគណបក្សហ្វ៊ុនស៊ិនប៉ិច៤នាក់ថែមទៀត!
17-January-2021 / ផ្សេងៗ
ភ្នំពេញ៖ទោះបីជាមានសញ្ញានៃការវឹលទៅរកការរួបរួមគ្នាឡើងវិញរវាងគណបក្សហ្វុនស៊ិនប៉ិចរបស់សម្តេចក្រុមព្រះនរោត្តមរណរីទ្ធគណបក្សខ្មែររួមរួមជាតិរបស់លោកញឹកប៊ុនឆៃបានមួយដង្ហើចង្រឹតហើយប្រកាសផ្អាកវិញនោះ មេគណបក្សស្តីទីគឺទ្រង់នរោត្តម ចក្រាវុឌ្ឍដែលត្រូវជារាជបុត្រមេបក្សនៅតែបន្តនយោបាយបណ្តេញមន្ត្រីចេញពីគណបក្សដដែល។
ជាក់ស្តែងនៅរសៀលថ្ងៃទី១៧ ខែវិច្ឆិកាទ្រង់នរោត្តម ចក្រាវុឌ្ឍ ប្រធានស្តីទី គណបក្សហ្វ៊ុនស៊ិនប៉ិច បានចេញសេចក្តីសម្រេចបញ្ចប់សមាជិកភាព របស់សមាជិកបក្ស៤រូប។ សមជិកគណបក្សហ្វ៊ុនស៊ិនប៉ិច ដែលត្រូវបានបញ្ចប់សមាជិកភាពរួមមាន៖១. លោក ពេជ្រ សូជេថ្ថា អគ្គលេខាធិការ,២. លោក រស់ សាផន ,៣. លោក ណុប សុធារិទ្ធិ អគ្គលេខាធិការរង៤. លោកស្រី កង បូរាណ នាយកខុទ្ទកាល័យសម្តេចក្រុមព្រះ នរោត្តម រណឫទ្ធិ។
បន្ទាប់ពីបញ្ចប់សមាជិកភាព មន្ត្រីទាំងបួនរូបនេះ រួមទាំងមន្ត្រីមួយចំនួនទៀតបានប្រមូលផ្តុំគ្នាតវ៉ានៅមុខស្នាក់ការគណបក្សហ្វ៊ុនស៊ិនប៉ិច កាលពីព្រឹកថ្ងៃទី១៧ ខែវិច្ឆិកាដោយបានសម្តែងការមិនពេញចិត្តចំពោះការបញ្ចប់សមាជិកភាព របស់ពួកគេពីគណបក្សហ្វ៊ុនស៊ិនប៉ិច។លោកណុប សុធារិទ្ធ អតីតអគ្គលេខាធិការរង និងជាអ្នកនាំពាក្យគណបក្សហ្វ៊ុនស៊ិនប៉ិច បានថ្លែងក្នុងសន្និសីទកាសែតនៅមុខស្នាក់ការបក្សហ្វ៊ុនស៊ិនប៉ិចកាលពីព្រឹកថ្ងៃទី១៧ វិច្ឆិកាថា “ព្រះអង្គម្ចាស់ នរោត្តម ចក្រាវុធ នៅតែប្រើអំណាចដែលខុសច្បាប់ និងខុសលក្ខន្តិកៈបក្សត្រង់ប្រការ២៤។ ខ្ញុំសោកស្តាយកាលពីព្រលប់ថ្ងៃទី១៦ វិច្ឆិកា ព្រះអង្គម្ចាស់ នរោត្តម ចក្រាវុធ ប្រធានស្ដីទីគណបក្សហ្វ៊ុនស៊ិនប៉ិច បានប្រើកងកម្លាំងមួយចំនួនឲ្យចូលមកហ៊ុព័ន្ធស្នាក់ការគណបក្សហ្វ៊ុនស៊ិនប៉ិច។
សេចក្តីសម្រេចបណ្តេញសមាជិកចេញពីបក្សនេះមិនបានបង្ហាញពីកំហុសអ្វីទេតែគេថាធ្វើចឹងបង្ហាញថា៖ហ្វុនស៊ិនប៉ិចចូលចិត្តធ្វើនយោបាយតាមវិធីដកលេខមិនមែនបូកលេខដូចគណបក្សប្រជាជនកម្ពុជារបស់សម្តេចហ៊ុនសែននោះទេ។
ប្រសិនបើគេមិនទាន់ភ្លេចតេកាលពីថ្ងៃទី២៣ ខែសីហា ឆ្នាំ២០១៨ មន្ត្រីជាន់ខ្ពស់៤រូបដែលធ្លាប់តស៊ូស្លាប់រសជាមួយសម្តេចក្រុមព្រះ៤០ឆ្នាំតាំងពីកកើតហ្វុនស៊ិនប៉ិចក៏ត្រូវបានប្រធានស្តីទីគណបក្សគឺ ទ្រង់នរោត្តម ចក្រាវុឌ្ឍ សម្រេចបណ្ដេញចេញពីគណបក្ស ដែរតាមសេចក្តីសម្រេចចុះថ្ងៃទី២០សីហា។
ថ្នាក់ដឹកនាំជាន់ខ្ពស់ទាំង៤រូប ដែលត្រូវបានគេមើលឃើញថា ស្ម័គ្រស្មោះ និងដើរតាមសម្ដេចក្រុមព្រះ នរោត្តម រណឫទិ្ធ ក្នុងឆាកនយោបាយកម្ពុជា យូរឆ្នាំមកនោះ រួមមាន៖ លោក យូ ហុកគ្រី អតីតអនុប្រធានគណបក្ស, លោក ញ៉េប ប៊ុនជិន អតីតអនុប្រធានគណបក្ស និងជាអ្នកនាំពាក្យគណបក្ស, លោក ប៉ោ ប៊ុនស្រ៊ឺ អតីតអនុប្រធានគណបក្ស និងលោក វ៉ាន់ សុផាន់ណា អតីតអគ្គលេខាធិការរងគណបក្ស។
អ្នកតាមដានស្ថានការនយោបាយកម្ពុជា បានមើលឃើញថា ក្នុងរយៈពេលចុងក្រោយនេះ ផ្ទៃក្នុងរបស់គណបក្សរាជានិយមហ្វ៊ុនស៊ិនប៉ិច ហាក់មានការរង្គោះរង្គើរផ្ទៃក្នុងយ៉ាងខ្លាំង បន្ទាប់ពីព្រះអង្គម្ចាស់ នរោត្តម ចក្រាវុឌ្ឍ ដែលជាបុត្រាច្បងរបស់សម្តេចក្រុមព្រះ ត្រូវបានតែងតាំងជាប្រធានស្ដីទីគណបក្ស ខណៈដែលសម្ដេចក្រុមព្រះ នរោត្តម រណឫទ្ធិ កំពុងសម្រាកព្យាបាលព្រះរាជសុខភាពនៅប្រទេសថៃ។កាលនោះលោក ញ៉េប ប៊ុនជិន បានបញ្ជាក់ថា ការបណ្តេញចេញនេះ បានធ្វើឡើងដោយខុសច្បាប់គណបក្សទាំងស្រុង។បើតាមលោក ញ៉េប ប៊ុនជិន ការបណ្តេញចេញសមាជិកអចិន្ត្រៃយ៍ណាម្នាក់ចេញពីគណបក្ស លុះត្រាតែមានការធ្វើសមាជពីគណបក្សទើបត្រូវតាមច្បាប់៕
.jpg)
