វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2205 នាក់
ម្សិលមិញ 4563 នាក់
សរុប 14169581 នាក់
ភ្នំពេញ ៖ ស្ត្រីម្នាក់ ជាមន្ត្រីនគរបាលផ្នែកអន្តោប្រវេសន៍ នៃអធិការដ្ឋាននគរបាលខណ្ឌព្រែកព្នៅ បានធ្វើអត្តឃាតដោយយកកាំភ្លើងបាញ់ខ្លួនឯងបណ្តាលឲ្យស្លាប់ភ្លាមៗនៅមាត់ច្រកទ្វារផ្ទះ កាលពីវេលាម៉ោង៦ព្រឹក ថ្ងៃទី០៥ ខែមិថុនា ឆ្នាំ២០២៣ នៅចំណុចផ្ទះគ្មានលេខ ផ្លូវបេតុង ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ ។
ជនរងគ្រោះដែលធ្វើអត្តឃាតមានឈ្មោះ វី ស្រីវ៉ែន ភេទស្រី អាយុ២១ឆ្នាំ មុខរបរជាមន្ត្រីនគរបាលផ្នែកអន្តោប្រវេសន៍ នៃអធិការនគរបាលខណ្ឌព្រែកព្នៅ អត្តលេខ 91377 ។ករណីអត្តឃាតខាងលើ ធ្វើឲ្យក្រុមគ្រួសាររួមទាំងសម្តេចសង្ឃជាជីតាផងក្តុកក្តួល នូវរឿងរ៉ាវ មិនគួរកើតឡើង គ្រាន់តែបញ្ហាក្នុងសង្គមគ្រួសារ ធ្វើឲ្យស្ត្រីរងគ្រោះដោះមិនចេញ ស្រាយមិនកើត បែជាគិតខ្លីបែបនេះ ។នារីរងគ្រោះបានបន្សល់ទុកសំណេរទាំងផ្តែផ្តាំដល់ក្រុមគ្រួសារ ៖
«កូនសូមទោសប៉ាម៉ាក់ កូនលាហើយ កូនមិនអាចរស់នៅបានទៀតទេ កូនជាមនុស្សមិនល្អ ប៉ាម៉ាក់មិនសមមានកូនបែបនេះទេ ហើយកាំភ្លើងនេះកូនខ្ចីពីបង អូនគេមិនជាប់ពាក់ព័ន្ធទេ យកកាំភ្លើងឲ្យគាត់វិញផង កូមសូមទោសហើយ មិនបាច់ធ្វើបុណ្យឲ្យកូនទេ កុំឲ្យអស់លុយ កូនលាហើយប៉ាម៉ាក់ជាមនុស្ស លាប្អូនទាំង៤នាក់ កុង ចៅសូមទោស គ្មានអ្នកណាពាក់ព័ន្ធទេ ខ្ញុំសម្រេចចិត្តខ្លួនឯង ករណីខាងលើត្រូវបានសមត្ថកិច្ចមូលដ្ឋាន សមត្ថកិច្ចជំនាញចុះទៅពិនិត្យ កោសល្យវិច័យ រួចប្រគល់សពជូនក្រុមគ្រួសារដើម្បីចាត់ចែងធ្វើបុណ្យទៅតាមប្រពៃណី ទោះជាក្នុងបណ្តាំកុំឲ្យធ្វើបុណ្យក៏ដោយ ៕