» អ្នកជិះ​ប្រាប់ថា​យន្តហោះ​សឹង្ហ​បុរី​ហោះ​សុខៗ​ស្រាប់តែ​បាត់​លំនឹង​ហើយ​ស្រុត​ធ្លាក់ចុះ​ក្រុមហ៊ុនសុំទោស » ធនាគា​ពិភពលោក​អនុ​ម​ត័លុ​យក​ម្ចី​៤០​លាន​ដុល្លារ​សម្រាប់​បណ្តុះបណ្តាល​ជំនាញ​ » រយៈពេល​៣​ថ្ងៃ​ភ្នំពេញ និង​បណ្ដា​ខេត្ត​មួយចំនួន មាន​ភ្លៀង​ធ្លាក់​លាយឡំ​បាតុភូត​ផ្គរ រន្ទះ និង​ខ្យល់​កន្ត្រាក់ ព​១០​ទៅ​៣០​ភាគរយ » ចិនកុំមុយនិស្តបើកធ្វើសមយុទ្ធយោធានិងប្រកាសព្រមានចិនកោះតៃវ៉ាន់ថានឹងបែកក្បាលបើហ៊ានប្រកាសឯករាជ្យ » ចាប់​បើក​លេង​វិញ​ហើយ សង្វៀន​បញ្ជល់មាន់​ស៊ីសង​ខុសច្បាប់​ឈ្មោះ ទ្រី នៅ​ស្រុក​ត្បូងឃ្មុំ​ » បញ្ជូន​សង្ឃ​ក្លែងក្លាយ​១២ ដែល​ដើរ​បិណ្ឌ​បាត្រ “​ប្រាក់​” ពី​ប្រជាពលរដ្ឋ​តាម​ទីសាធារណៈ និង​រក្សាទុក​ដោយ​ខុសច្បាប់​នូវ​សារធាតុ​ញៀន​ទៅ​តុលាកា​ » នាយករដ្ឋមន្ត្រី​ចេញ​បញ្ជា​ឲ្យ​បង្ក្រាប​ក្មេង​ទំនើង​ទូទាំងប្រទេស​និង​ដាក់​វិធាន​ថ្មី​ក្នុង​សាលា​ » អាវុធហត្ថ​មូលដ្ឋាន​ស្រុក​ត្រពាំង​ប្រសាទ​ចាប់បាន​ជនសង្ស័យ​ម្នាក់ ពីបទ​: រួមភេទ​ជាមួយ​អនីតិជន​ » បង្ក្រាប​ជនបរទេស​រាប់សិប​នាក់ នៅ​អគារ​កាស៊ីណូ​ជិន​ប៉ី​៤​បន្ទាប់ពី មាន​សេចក្តីរាយការណ៍​មាន​ផ្ទុះអាវុធ និង​មាន​មនុស្ស​ស្លាប់? » យក​ក្រពើ​មក​លែង​នៅ​ស្រះ​ទឹក ក្នុង​បរិវេណ​សាកលវិទ្យាល័យ​ភូមិន្ទ​ភ្នំពេញ​សាលា ស្នើ​អ្នក​លែងយក​ទៅវិញ » សម្តេច​តេ​ជោ ហ៊ុន សែន​៖ ត្រូវតែ​ទប់ស្កាត់​ការដណ្តើម​អំណាច​តាម​មធ្យោបាយ​មិន​ប្រជាធិបតេយ្យ ដែលជា​ឫស្សគល់​បំផ្លាញ​សន្តិភាព និង​នាំឱ្យមាន​អំពើ​ប្រល័យពូជសាសន៍ » កម្លាំង​នាយកដ្ឋាន​នគរបាល​ព្រហ្មទណ្ឌ​បង្ក្រាបបាន​មុខសញ្ញា​ឆក់​សកម្ម​ក្នុងភូមិ​សាស្ដ្រ​រាជធានី​ភ្នំពេញ » អាកាសធាតុ​ស្រុក​យើង​ចាប់ពី​ថ្ងៃទី​២២​ដល់​២៤​ឧសភា​ » ២​នាក់ ជា​ម្តាយ​និង​កូន ឆបោក តាម​បណ្តាញ​សង្គម​ក្រោមរូបភាព​ផ្ញើ​វត្ថុ​មានតម្លៃ​ពី​បរទេស មកអោយ​ជនរងគ្រោះ » ព​ទ្ធ័​ផ្ទះសំណាក់​យីហោ​សួរ​ស្តី​ឃាត់មនុស្ស​ពាក់​ព​ន្ធ័​គ្រឿងញៀន​២០​នាក់​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1622 នាក់

ម្សិលមិញ 4100 នាក់

សរុប 14285678 នាក់

ប្រធាន​សមាគម​សម្ព័ន្ធ​សហគមន៍​កសិករ​កម្ពុ​ជា និង​សហការី ២​នាក់ ត្រូវ​ឃុំខ្លួន​៦​ខែ​សិន​ក្រោម​បទ​ចោទ​​រឿង «​បដិវត្តន៍​កសិករ​»


ភ្នំពេញ​៖ ចៅក្រម​ស៊ើបសួរ នៃ​សាលាដំបូង​ខេត្តរតនគិរី កាលពី​ថ្ងៃទី​២២​ឧសភា បានសម្រេច​ឃុំខ្លួន ប្រធាន​សមាគម​សម្ព័ន្ធ​សហគមន៍​កសិករ​កម្ពុ​ជា (CCFC) និង​សហការី​២​នាក់​ទៀត ដោយ​ចោទថា​បំផុស​រឿង «​បដិវត្តន៍​កសិករ​» នៅ​ខេត្តរតនគិរី​។​​អ្នក​ទាំងបី​រួមមាន​លោក ថេ​ង សាវឿន​, លោក ថា​ន់ ហាច និង​លោក ញ៉ិល ភាព​ត្រូវបាន​សមត្ថកិច្ច​ស្នងការដ្ឋាន​នគរបាល​ខេត្តរតនគិរី​ស្រាវជ្រាវ​ឃាត់ខ្លួន កាលពី​ថ្ងៃទី​១៤ ខែឧសភា ឆ្នាំ​២០២៣ បញ្ជូនទៅ​តុលាការ​ហើយ ត្រូវបាន​តុលាការ​ឃុំខ្លួន​ជា​បណ្តោះអាសន្ន​រយៈពេល​៦​ខែ ក្រោម​ការចោទប្រកាន់​ពីបទ «​រួមគំនិត​ក្បត់ និង​ញុះញង់​ឲ្យ​មានការ​ប្រព្រឹត្ត​បទឧក្រិដ្ឋ​ជាអាទិ៍​»​។a court sociala

សមត្ថកិច្ច​បាន​អះអាងថា សកម្មភាព​របស់​ជន​ទាំងនេះ មាន​គោលដៅ​នយោបាយ ដើម្បី​ធ្វើ​សកម្មភាព​ញុះញង់​ដល់​កសិករ​ឲ្យ​ងើប​បះបោរ​បង្កចលាចល​សង្គម និង​ឈានទៅ​ផ្តួលរំលំ​រាជរដ្ឋាភិបាល​តាម​គ្រប់​រូបភាព​។​
​លោក ខៀវ សុភ័គ អ្នកនាំពាក្យ​ក្រសួងមហាផ្ទៃ បាន​ថ្លែង​ឲ្យ​ដឹងថា ករណី​បំផុស​រឿង «​បដិវត្តន៍​កសិករ​» ខាងលើនេះ ខាង​កម្លាំង​សមត្ថកិច្ច​មាន​ភស្តុតាង​ជាច្រើន​ទៀត ពាក់ព័ន្ធ​ករណី​ប៉ុនប៉ង​ផ្តួលរំលំ​នេះ ហើយ​ក៏មាន​ក្រុមហ៊ុន​កសិកម្ម​មួយចំនួន​នៅក្នុង​ស្រុក​ជាប់​ពាក់ព័ន្ធ​ផងដែរ តែ​មិនទាន់​ត្រូវបាន​តុលាការ​បញ្ចេញ​ឈ្មោះ​ឲ្យ​ដឹង​។​ជនសង្ស័យ​ទាំង​៣​នាក់ ក៏បាន​សារភាព​អំពី​ផែនការ​ទាំង​នេះដែរ ដូច្នេះ​សរ​បញ្ជាក់ថា ផែនការ​បំផុស​រឿង​បដិវត្តន៍​កសិករ ពិតជា​មាន​មែន​.។

ករណីយ៍នេះ​មេធាវី​ការពារ​ក្តី​ឱ្យ​លោក ថេ​ង សាវឿន គឺ លោក សំ ទិ​ត្យ​សីហា ដែលជា​មេធាវី​របស់​សមាគម​អាដហុក សុំ​មិន​ឆ្លើយតប​កាសែតទេដោយ​លោក​អះអាងថា កំពុងធ្វើការ​ជាមួយ​កូនក្តី​នូវ​ដំណើរការ​ច្បាប់​បន្តទៀត​សិន​។​តែ លោក ស៊ឹង សែន​ករុណា អ្នកនាំពាក្យ​សមាគម​អាដហុក​ចាត់ទុក​បទ​ចោទ​ទាំងពីរ​នេះ​ធ្ងន់ធ្ងរ​ពេក ពីព្រោះថា​វគ្គ​បណ្តុះបណ្តាល​ដែល​រៀប​ចំឡើយ​ដោយ សមាគម​សម្ព័ន្ធ​សហគមន៍​កសិករ​កម្ពុ​ជា​មិនមាន​រចនាសម្ព័ន្ធ​ដែលមាន​ចេតនា​ផ្តួល​រលំ​រដ្ឋាភិបាល ឬ​ពន្យុះ​កំហឹង​កសិករ​ឱ្យ​កាន់​អាវុធ​ដើម្បី​ប្រឆាំង​រដ្ឋាភិបាល​ឡើយ​។ លោក​ថា ក្រុម​កសិករ និង​លោក ថេ​ង សាវឿន មិនមាន​ឥទ្ធិពល​ឯណា​ទៅ​ផ្តួល​រលំ​រដ្ឋាភិបាល​ដែល​កំពុង​គ្រប់គ្រង​អំណាច​ពេញទី​នោះទេ​។

លោក​សឹង​សែន​ករុណា​បញ្ជាក់ថា មេធាវី​ការពារ​ក្តី​របស់​សមាគម​អាដហុក នឹងធ្វើ​ការ​តាមផ្លូវ​ច្បាប់​បន្ត​ជាមួយ​តុលាការ ឬ​អាច​ប្តឹង​ជំទាស់​ទៅ​តុលាការ​កំពូល និង​ស្នើសុំ​សិទ្ធិ​នៅក្រៅ​ឃុំ​ជាដើម​។​ដោយឡែក ប្រជាកសិករ​ប្រមាណ​២០០​នាក់​មកពី​ត្បូងឃ្មុំ ស្វាយរៀង ព្រៃវែង កោះកុង ព្រះសីហនុ និង​ខេត្តកណ្តាល​បាន​ដើរ​ដង្ហែ​ក្បូន​ដើម្បី​ដាក់​លិខិត​ទៅកាន់​ក្រសួងមហាផ្ទៃ​សុំ​កិច្ច​អន្តរាគមន៍​ដោះលែង​ប្រធាន​សមាគម និង​មន្ត្រី​ពីររូប​ផ្សេងទៀត​ឱ្យមាន​សេរីភាព​ឡើយ​វិញ​។​នៅ​យប់​ថ្ងៃទី​១៨ ខែឧសភា សមត្ថកិច្ច​ខេត្តក្រចេះ​បា​នប​ញ្ចូ​ន​ខ្លួន​អ្នក​ទាំងបី​មក​ខេត្ត​រតនគីរី​ជាទី​ដែល​ពួកលោក​បានរៀបចំ​វគ្គ​បណ្តុះបណ្តាល​ជាមួយ​បុគ្គលិក និង​កសិករ​ប្រមាណ​៤០​នាក់​។ ក្រោយមក​ប​ញ្ចូ​ន​មកដល់ សមត្ថកិច្ច​បានចាប់ផ្តើម​រៀបចំ​នីតិវិធី​សាកសួរ ខណៈ​មេធាវី​ការពារ​ពុំ​អនុញ្ញាតឱ្យ​ចូលជួប​ឡើយ ខណៈ​ក្រសួងមហាផ្ទៃ​ចោទប្រកាន់ អ្នក​ទាំងបី​មាន​គម្រោង​ធ្វើ​បដិវត្តន៍​កសិករ​?៕a court asociation kasikor