ប្រកាសលាលែង១ថ្ងៃលោកនាយឧត្តមសេនីយ៍សៅសុខាប្រកាលែងលាពីប្រធាសហពន្ធ័បាល់ទាត់វិញតែសុំឲ្យកែទម្រង់!
01-March-2025 / សុខភាពនិងកីឡា
(ភ្នំពេញ)៖ នាយឧត្តមសេនីយ៍ សៅ សុខានារសៀលថ្ងៃទី៨ឧសភាបានចេញសេចក្តីប្រកាសមួយថាលោកនៅបន្ដធ្វើជាប្រធានសហព័ន្ធកីឡាបាល់ទាត់កម្ពុជាដដែលវិញទេ ។នាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា តាមរយៈ Facebook ផ្ទាល់ខ្លួនរបស់លោកនាយប់ថ្ងៃទី០៧ ខែឧសភា ឆ្នាំ២០២៣នេះ បានប្រកាសលាលែងចេញពីតំណែងជាប្រធានសហព័ន្ធកីឡាបាក់ទាត់កម្ពុជា ចាប់ពីយប់នេះ ក្រោយក្រុម U22 កម្ពុជា ចាញ់មីយ៉ាន់ម៉ាដោយលទ្ធផល ២-០ ក្នុងវគ្គចែកពូលសន្សំពិន្ទុ ពូល A។តាមរយៈការបង្ហោះលើ Facebook នៅយប់ថ្ងៃទី៧ ខែឧសភា ឆ្នាំ២០២៣។
នាយឧត្តមសេនីយ៍ សៅ សុខា បានសរសេរយ៉ាងដូច្នេះថា «បន្ទាប់ពីបរាជ័យក្នុងការប្រកួតចម្រុះក្នុងពូលA ក្នុងព្រិត្តិការណ៍ sea games ខ្ញុំគោរពនូវការសន្យា ដើម្បីបង្ហាញ នូវស្មារតីទទួលខុសត្រូវ ខ្ញុំសូមប្រកាសលាលែងពីដំណែងប្រធានសហពន្ធ័កីឡាបាល់ទាត់កម្ពុជាចាប់ពីរាត្រីថ្ងៃ សុក្រ ទី ០៧ ខែ ឧសភា ឆ្នាំ ២០២៣ ខ្ញុំសូមប្រគល់ជូនលោកអនុប្រធានឯកឧត្តម ខៀវ សាម៉េត អនុប្រធានសបក ជាប្រធានស្តីទីចាប់ពីពេលនេះតទៅ ។
ដោយឡែកក្នុងក្នុងលិខិតប្រកាសលែងលាវិញនោះលោក នាយឧត្តមសេនីយ៍ សៅ សុខា បានបញ្ជាក់យ៉ាងដូច្នេះថា៖«ខ្ញុំបាទសូមគោរព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់ ភក្តីបំផុត និងសូមគោរពបងប្អូនទស្សនិកជនស្នេហាកីឡាបាល់ទាត់កម្ពុជា ក្រុមហ៊ុនអ្នកឧបត្ថម្ភ បណ្តាញផ្សព្វផ្សាយ និងមិត្តភក្ដិបរទេសទាំងអស់ រួមនិងសេចក្តីថ្លែងការណ៍គាំទ្រអំពាវនាវ ឲ្យខ្ញុំបន្តតំណែងដឹកនាំកីឡាបាល់ទាត់កម្ពុជាពីសំណាក់ក្រសួងអប់រំ យុវជន និងកីឡា ព្រមទាំងក្រុមហ៊ុនអ្នកឧបត្ថម្ភ។ល។ បន្ទាប់ពីខ្ញុំបាទបានប្រកាសលាលែងតំណែង ពីប្រធានសហព័ន្ធកីឡាបាល់ទាត់កម្ពុជាកាលពីរាត្រីថ្ងៃអាទិត្យ ទី៧ ខែឧសភា ឆ្នាំ២០២៣។
ខ្ញុំសូមគោរពទទួលយក នូវការអំពាវនាវពី សម្តេចអគ្គមហាសេនាបតីតេជោ និងបងប្អូនអ្នកនិយមស្នេហាវិស័យកីឡាបាល់ទាត់ ព្រមទាំងក្រសួងអប់រំ យុវជន និងកីឡា ក្រុមហ៊ុនអ្នកឧបត្ថម្ភ បណ្តាញផ្សព្វផ្សាយ និងមិត្តភក្ដិបរទេសទាំងអស់ដើម្បីបន្តដឹកនាំសហព័ន្ធកីឡាបាល់ទាត់កម្ពុជា ទៅតាមអាណត្តិ នៃការបោះឆ្នោតរបស់ខ្លួន។លោកនាយឧត្តមសេនីយ៍សៅសុខាបានលើកឡើងសម្រាប់ការងារបន្តថាខ្ញុំសូមធ្វើការអំពាវនាវ ចំពោះក្លិប សមាគមជាសមាជិកសហព័ន្ធកីឡាបាល់ទាត់កម្ពុជា មន្ត្រី បុគ្គលិក គ្រូបង្វឹក អាជ្ញាកណ្តាល កីឡាករ ត្រូវបន្តធ្វើកំណែទម្រង់លើគ្រប់ផ្នែកដើម្បីភាពជឿនលឿនថ្មី សម្រាប់វិស័យបាល់ទាត់នៅកម្ពុជា ដើម្បីសុខភាព មិត្តភាព និងកិត្តិយសជាតិតាមរយៈការប្រកួតកីឡាបាល់ទាត់ ជាលក្ខណៈអន្តរជាតិសម្រាប់អនាគតកាល»។
គួរជម្រាបថា នៅរសៀលថ្ងៃនេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានផ្ញើសារសំឡេងអំពាវនាវសុំឲ្យ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា ឲ្យបន្ដដឹកនាំការងារនេះតទៅមុខទៀត។សម្ដេចតេជោ ហ៊ុន សែន បានកត់សម្គាល់ឃើញថា ចាប់តាំងពីនាយឧត្តមសេនីយ៍ សៅ សុខា ទទួលបានតំណែងជាប្រធានសហព័ន្ធកីឡាបាល់ទាត់កម្ពុជា បានធ្វើឲ្យកីឡាបាល់ទាត់កម្ពុជា មានការរីកចម្រើនឈានឡើងជាលំដាប់ បើទោះបីការលេងមានលទ្ធផលមិនទាន់ដូចការចង់បានយ៉ាងណាក្ដី។
សម្ដេចតេជោ ហ៊ុន សែន បន្ថែមទៀតថា បច្ចុប្បន្នកីឡាបាល់ទាត់កម្ពុជា បានដើរចេញឆ្ងាយពីចំណុចដែលយើងមិនទាន់មានកាលពីពេលមុន។ សម្ដេចបានបញ្ជាក់ទៀតថា មានប្រទេសច្រើនណាស់ ដែលកីឡាបាល់ទាត់មិនអាចទទួលបានលទ្ធផលល្អ បើទោះបីប្រទេសនោះ មានប្រជាជនដល់ជាង១ពាន់លាននាក់ រាប់រយលាននាក់ ក៏បាល់ទាត់របស់គេមិនខ្លាំងនោះដែរ ខណៈកម្ពុជាមានប្រជាជនជាង១៧លាននាក់ យើងធ្វើបានកម្រិតនេះ គឺជាការល្អណាស់ហើយសម្រាប់ប្រជាជនកម្ពុជា
