កីឡាជូជិស៊ូខាន់ចេសាស្រក់ទឹកភ្នែកតែបេ្តជ្ញានឹងខិតខំបន្តក្នុងពេលផ្នែកបុរសបានមេដាយមាស
21-September-2026 / សុខភាពនិងកីឡា
ភ្នំពេញ៖កីឡាការិនីកូនកាត់ក្បាច់គុនជឺជេតស៊ូកំរឹតពីភពលោក ខាន់ ចេសា បានសម្តែងការសោកស្តាយ មិនអាចដណ្តើមមេដាយមាសជូនជាតិកម្ពុជា តាមបំណងប្រាថ្នារបស់ខ្លួន។នៅក្នុងការប្រកួតវិញ្ញាសាក្បាច់គុនជឺជិតស៊ូផ្នែកនារី Ne-Waza Gi ទម្ងន់ ៥២គីឡូក្រាម នៅថ្ងៃទី០៤ ខែឧសភា ឆ្នាំ២០២៣នេះ កីឡាការិនី ខាន់ ចេសា បានយកឈ្នះនារីសិង្ហបុរិ, វៀតណាម និងថៃ ដោយគូប្រកួតសុទ្ធតែសុំចុះចាញ់ទាំងអស់។ លុះដល់វគ្គផ្តាច់ព្រ័ត្រ ខាន់ ចេសា ត្រូវបានកីឡាការិនីហ្វីលីពីន យកឈ្នះក្នុងលទ្ធផល ២ ទល់ ០។
កញ្ញា ខាន់ ចេសា បានប្រាប់កាសែតថា «ពិតណាស់ អ្នកដឹងហើយ! នៅពេលណាដែលខ្ញុំមកទីនេះ គោលដៅរបស់ខ្ញុំគឺចង់ព្យាយាម និងឈ្នះមេដាយមាស។ ជាពិសេស ខ្ញុំយកមេដាយមាសឱ្យបានសម្រាប់កម្ពុជា។ ទោះបីជាខ្ញុំទទួលបានមេដាយប្រាក់ក៏ដោយ ខ្ញុំអាចទទួលយកវាបានដែរ ហើយខ្ញុំនៅមានការគាំទ្រពីអ្នកគ្រប់គ្នា និងនៅលើកក្រោយខ្ញុំយកមេដាយមាស។ ជាការពិតណាស់ ការគាំទ្ររបស់អ្នកទាំងអស់គ្នាសម្រាប់ខ្ញុំ គឺមានសារៈសំខាន់ជាងមេដាយទៅទៀត។ ដូច្នេះខ្ញុំចង់និយាយពាក្យអរគុណទៅកាន់ប្រជាជនកម្ពុជាទាំងអស់ សម្រាប់ការគាំទ្ររូបខ្ញុំ ហើយទស្សនាការប្រកួតរបស់ខ្ញុំ មិនថាខ្ញុំឈ្នះ ឬក៏ចាញ់នោះទេ»។
នៅថ្ងៃអាទិត្យ ទី០៧ ខែឧសភា កញ្ញា ខាន់ ចេសា នៅមានការប្រកួតមួយប្រកួតទៀតលើវិញ្ញាសាក្បាច់គុនជឺជិតស៊ូនេះ។ ចេសា បានសន្យាព្យាយាមធ្វើឱ្យបានល្អនៅក្នុងការប្រកួតនោះ។តេនាងនិយាយបំរុងថា «វាពិបាកក្នុងការទស្សន៍ទាយថា តើការប្រកួតនីមួយៗនឹងទៅជាយ៉ាងណា? ជាក់ស្តែង ខ្ញុំនាមខំប្រឹងអស់ពីសមត្ថភាព ប៉ុន្តែនៅវគ្គផ្តាច់ព្រ័ត្រទល់នឹងហ្វីលីពីន វាពិតជាលំបាកណាស់ ព្រោះនាងក្លេខ្ញុំជាប់ពេក ទើបខ្ញុំមិនអាចរើបាន។ ប៉ុន្តែឥឡូវនេះ វាដូចជាសម្រាប់ខ្ញុំក្នុងការផ្តោតអារម្មណ៍ សម្រាប់ការប្រកួត No Gi នៅថ្ងៃអាទិត្យ ខ្ញុំនឹងព្យាយាមយកឈ្នះមេដាយមាសឱ្យបាន»។ទាក់ទងនិងការប្រកួតចាញ់កីឡាការិនីរបស់ហ្វីលីពិន កញ្ញា ចេសា បានគូសបញ្ជាក់ថា «ខ្ញុំធ្លាប់ផ្ដួលនាងពីមុនមក ដូច្នេះនាងមិនមែនមិនអាចផ្ដួលបាននោះទេ។ ដូចខ្ញុំបាននិយាយ ខ្ញុំប្រាកដថា នាងទើបតែមានយុទ្ធសាស្ត្រផ្សេងជាមួយខ្ញុំក្នុង ពេលនេះ។ ដូចខ្ញុំបាននិយាយ ការប្រកួតនេះ គឺលំបាកបន្តិច។ ខ្ញុំមានការច្របូកច្របល់ ហើយពិតជាមិនអាចបង្ហាញជឺជិតស៊ូ របស់ខ្ញុំបានទេ។ ឥលូវខ្ញុំដឹងថា សម្រាប់ពេលក្រោយនឹងមានផែនការផ្សេងសម្រាប់ការប្រកួត។ ប៉ុន្តែដូចដែលខ្ញុំបាននិយាយ អ្វីៗមិនមែនដំណើរការទៅតាមអ្វីដែលអ្នកចង់បានទេ»។សូមបញ្ជាក់ថាកីឡាការិនីហ្វីលីពីនកញ្ញាណាប៉ូលីចេណាខៃឡា( Napolis Jenna Kaila) បានយកឈ្នះកីឡាការិនីរបស់កម្ពុជា ខាន់ ចេសា លើវិញ្ញាសារប្រកួតជឺជិតស៊ូផ្នែកសានារី Ne-Waza Gi ទម្ងន់ ៥២គីឡូក្រាម ក្នុងលទ្ធផល ២-០។កីឡាការិនីហ្វីលីពិន Napolis Jenna Kaila ធ្លាប់បានប្រកួតចាញ់ ខាន់ ចេសា ក្នុងព្រឹត្តិការណ៍ស៊ីហ្គេមលើកទី៣០ ធ្វើឡើងនៅហ្វីលីពិន កាលពីឆ្នាំ២០១៩។
សម្រាប់វិញាសាកីឡាជូជិតស៊ូនេះដែរកីឡាការិនី ហេង ស៊ីវហ៊ាង និង ទីន សុវណ្ណលីនណា បានបង្ហាញនូវមោទកភាព ដែលបានឈ្នះមេដាយប្រាក់ជូនជាតិ ផ្នែកកីឡាជឺជិតស៊ូ លើវិញ្ញាសាសម្តែងនារី ២ទល់នឹង២សម្រាប់ការប្រកួត ធ្វើឡើងនៅមជ្ឈមណ្ឌលពិព័រណ៍អន្ដរជាតិជ្រោយចង្វារ OCIC រាជធានីភ្នំពេញ នាថ្ងៃទី០៤ ខែឧសភា ឆ្នាំ២០២៣។កីឡាការិនី ហេង ស៊ីវហ៊ាង និង ទីន សុវណ្ណលីនណា បានសន្យាថា នឹងធ្វើឱ្យបានកាន់តែល្អ នៅក្នុងការប្រកួតក្រោយទៀត នៅថ្ងៃទី០៦ ខែឧសភា ឆ្នាំ២០២៣ ខាងមុខនេះ។សូមបញ្ជាក់ថា កីឡាការិនី ហេង ស៊ីវហ៊ាង និង ទីន សុវណ្ណលីនណា បានឈ្នះមេដាយប្រាក់ ផ្នែកកីឡាជឺជិតស៊ូលើវិញ្ញាសាសម្ដែងផ្នែក (DUO) ប្រភេទសម្តែងក្រុមនារីជាគូ (២ទល់២)។
នៅរសៀលថ្ងៃទី៤ ខែឧសភា ឆ្នាំ២០២៣នេះ ដែរជូជិតស៊ូកម្ពុជាផ្នែកបុរសលោកគង់ម៉ូណា មិថុរ៉ា និង តូច ពិក្កដា បានឈ្នះលើវិញ្ញាសាសម្ដែងបុរសជាគូ (Men's DUO) ពិធីបំពាក់មេដាយផ្លូវការនឹងធ្វើឡើងនាល្ងាចថ្ងៃទី០៤ ឧសភានេះផ្ទាល់តែម្ដង។កីឡាករ គង់ម៉ូណា មិថុរ៉ា និងកីឡាករ ទូច ពិក្កដា គឺជាអ្នកដណ្តើមបានមេដាយមាសដំបូងគេហើយ នៅក្នុងព្រឹត្តិការណ៍ប្រកួតស៊ីហ្គេម លើកទី៣២ នៅកម្ពុជា។ សូមបញ្ជាក់ថាក្នុងឋានៈជាម្ចាស់ផ្ទះរៀបចំការប្រកួតគិតត្រឹមថ្ងៃទី៤ឧសភាកម្ពុជាបានទទួលមេដាយនាំមុខប្រទេសផ្សេងទៀត៕
