ប្រយត្ន័កូវីតអូមីក្រុងមានក្នុងស្រុកខ្មែរយើង២២០ករណីយ៍ហើយតែកុំស្លន់គ្មានអ្នកស្លាប់អីទេ!
27-March-2024 / សុខភាពនិងកីឡា
ភ្នំពេញ៖លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានមានប្រសាសន៍តានមហ្វេសប៊ុកថា សាលាបញ្ញាសាស្ត្រអន្តរជាតិសាខាទី១ មានទីតាំងនៅ បុរីពិភពថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានរកឃើញ សិស្សម្នាក់វិជ្ជមានកូវីដ-១៩ ប្រភេទ អូមីក្រុង ....។
កាលពីវេលាព្រលប់យប់ថ្ងៃទី១២ ខែមករា ឆ្នាំ២០២២ ក្រុមគ្រូពេទ្យ បានធ្វើតេស្តសំណាករកឃើញមានវិជ្ជមានកូវីដ១៩ បំប្លែងថ្មីអូមីក្រុង ( Omicron ) លើកុមារាម្នាក់ អាយុ៦ឆ្នាំ ស្នាក់នៅក្នុងបុរីមួយក្នុងភ្នំពេញមួយកន្លែង។ តាមប្រភពពីមន្ត្រីនគរបាល បានអោយដឹងថា កុមារាខាងលើ បានឆ្លងមេរោគបំប្លែងថ្មី អូមីក្រុង ពីស្ត្រីជាម្តាយបង្កើត អាយុ៣៩ឆ្នាំ ដែលបានពិនិត្យឃើញមានវិជ្ជមាន កាលពីថ្ងៃទី០៦ ខែមករា ឆ្នាំ២០២២ កន្លងទៅ។បន្ទាប់ពីកុមារាខាងលើតេស្តឃើញលទ្ធផលវិជ្ជមានកូវីដប្រភេទអូមីក្រុង ត្រូវបានក្រុមគ្រូពេទ្យបង្អែកខណ្ឌច្បារអំពៅ ដឹកយកទៅសម្រាកព្យាបាល នៅមណ្ឌលសុខភាពចាក់អង្រែក្រោម ជាមួយស្ត្រីជាម្តាយ ។
តាមប្រភពមន្ត្រីនគរបាលបានឱ្យដឹងថា បច្ចុប្បន្នសមាជិកគ្រួសារចំនួន០៣នាក់ របស់កុមារាដែលវិជ្ជមានវីរុសបំប្លែងថ្មី មានឪពុកបង្កើតរបស់គេ និងសាច់ញាតិ (ស្រី) ០២នាក់ទៀត កំពុងតម្រូវអោយធ្វើចត្តាឡីស័ក ដោយមានការហ៊ុំព័ទ្ធទីតាំងនោះផងដែរ។ទាក់ទងនិងកូវីតបំប្លែងថ្មីអូមីក្រុងនេះកាលពីថ្ងៃទី ១១ ខែមករា ២០២២ កន្លងទៅនេះ នៅក្នុងបទសម្ភាសន៍មួយជា មួយអ្នកសារព័ត៌មានលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការនៃក្រសួងសុខាភិបាល បានថ្លែង បានឱ្យដឹងថា តាមរយៈការស្រាវជ្រាវ របស់ក្រសួងសុខាភិបាល បានរកឃើញអ្នកឆ្លងជំងឺកូវីដ-១៩ ប្រភេទអូមីក្រុងចូលក្នុងសហគមន៍ចំនួន ១៤ ករណីហើយ។ ក្នុងនោះផងដែរ យើងបានរកឃើញមនុស្ស ៥នាក់វិជ្ជមានវីរុសនេះ ដែលមានជាប់ពាក់ព័ន្ធជាមួយនឹងបុរសវ័យ ២៣ឆ្នាំ ជាករណីប្រកាសដំបូងគេក្នុងសហគមន៍ ដែលពួកគាត់រស់នៅតានី ទូកមាស ក្នុងភូមិសាស្ត្រខេត្តកំពត។
ក្រសួងសុខាភិបាល នៅថ្ងៃទី១១ ខែមករា ឆ្នាំ២០២២នេះ បានចេញសេចក្តីប្រកាសព័ត៌មានថា នៅថ្ងៃនេះមិនមានអ្នកស្លាប់ដោយសារជំងឺកូវីដ១៩នោះទេ រយៈពេល៩ថ្ងៃជាប់គ្នាហើយ ចាប់ពីតាំងពីថ្ងៃទី៥ ខែមករាមក កម្ពុជាមិនមានអ្នកស្លាប់ដោយជំងឺកូវីដ១៩ ខណៈថ្ងៃនេះរកឃើញអ្នកឆ្លងកូវីដថ្មីចំនួន៣៤នាក់ ប្រភេទអូមីក្រុង ក្នុងនោះករណីនាំចូលចំនួន២២នាក់ និងឆ្លងក្នុងសហគមន៍១២នាក់ , អ្នកជំងឺចំនួន១៤នាក់ជាសះស្បើយ។
គួររំលឹកផងដែរថាស្រុកខ្មែរយើង បើគិតត្រឹមថ្ងៃទី ១២ ខែមករា កម្ពុជា បានប្រកាសរកឃើញករណីវិជ្ជមានអូមីក្រុង ប្រមាណជាង ២២០ ករណី ក្នុងនោះភាគច្រើន ជាករណីនាំចូលពីក្រៅប្រទេស និងជាង ១០ ករណី ជាឆ្លង កូវីដ-១៩ ប្រភេទបំប្លែងថ្មី អូមីក្រុង ជាង ១០ ករណីក្នុងសហគមន៍។
អង្គការសុខភាពពិភពលោក WHO នៅថ្ងៃពុធសប្ដាហ៍នេះបាននិយាយថាមេរោគ COVID-19 បំប្លែងថ្មីអូមីក្រុង មិនបង្កឱ្យមនុស្សធ្លាក់ខ្លួនឈឺធ្ងន់ដូច ឬខ្លាំងជាងមេរោគបំប្លែងថ្មី Delta នោះទេ ប៉ុន្តែវានៅតែអាចបង្កគ្រោះថ្នាក់ដល់អ្នកដែលមិនទាន់បានចាក់វ៉ាក់សាំងបង្ការ។ នេះបើតាមការចេញផ្សាយដោយទីភ្នាក់ងារ សារព័ត៌មាន Reuters នៅថ្ងៃព្រហស្បតិ៍ ទី១៣ ខែមករា ឆ្នាំ២០២២។
