វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1244 នាក់
ម្សិលមិញ 3717 នាក់
សរុប 14149577 នាក់
ភ្នំពេញ ៖ បុរសជាយោថា បាញ់សម្លាប់ខ្លួនឯងកាលពី យប់ ថ្ងៃទី២៣ ខែមេសា ឆ្នាំ២០២៣ ឈ្មោះ តេង ឃាង ភេទប្រុស អាយុ៤២ឆ្នាំ ជាមន្ត្រីយោធា ស្នាក់នៅកន្លែងកើតហេតុ សង្កាត់ ចោមចៅទី១ ខណ្ឌ ពោធិ៍សែនជ័យ រាជធានីភ្នំពេញមានស្រុកកំណើត ភូមិត្នោតជុំ ឃុំសំបួរ ស្រុកទ្រាំង ខេត្តតាកែវ ។
នៅមុនពេលកើតហេតុ នៅវត្តអង្គតាមិញនៅចំណុចផ្ទះម្តាយក្មេក ស្ថិតក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យមានកម្មវិធីស្រង់ព្រះ និងបាញ់ទឹកលេងកម្សាន្ត ហើយក្រុមគ្រួសារខាងជនរងគ្រោះក៏ទៅចូលរួមលេងបាញ់ទឹកនៅពេលថ្ងៃផងដែរ។ រហូតដល់យប់ទើបមានការផឹកស៊ីជួបជុំជាមួយឪពុកក្មេក បងថ្លៃ និងបងប្អូនជិតខាងប្រមាណ៥ទៅ៦នាក់។ពេលផឹកស៊ីជនរងគ្រោះបានទាស់ពាក្យសម្ដីជាមួយបងថ្លៃដែលមានវ័យក្មេងជាងខ្លួន ហើយក៏បោកកែវនៅកន្លែងផឹកស៊ីផ្ទះម្តាយក្មេកតែម្តង។ ពេលនោះបងថ្លៃនិយាយណែនាំជនរងគ្រោះកុំអោយផឹកស៊ីបោកកែវដូចអញ្ចឹងទៀត។ តែការណែនាំជាច្រើនលើកជាច្រើនសា ធ្វើឲ្យជនរងគ្រោះខឹងក៏ជិះម៉ូតូចេញពីកន្លែងផឹកស៊ីនៅផ្ទះម្តាយក្មេក ទៅក្នុងបន្ទាយរបស់ខ្លួនដែលនៅជិតកន្លែងកើតហេតុបាត់។
មួយសន្ទុះក្រោយមក ជនរងគ្រោះត្រឡប់មកពីបន្ទាយវិញ បានលាឪពុកម្តាយក្មេក រួចដើរចេញពីផ្ទះមកខាងក្រៅ ហើយក៏ដកកាំភ្លើងខ្លីពណ៌ខ្មៅពីចង្កេះបាញ់ទៅលើចំនួន២គ្រាប់ បន្ទាប់មកបាញ់ខ្លួនឯងពីចង្ការខាងស្តាំធ្លាយទៅគុម្ពត្រចៀកខាងឆ្វេង បណ្តាលឲ្យដេកដួលនៅក្នុងថ្លុកឈាមរងរបួសធ្ងន់ធ្ងរតែម្តង។ ក្រុមគ្រួសារបានបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យព្រះកុសមៈ (លោកសង្ឃ)តែមិនអាចសង្គ្រោះបាន ៕