ករណីឡានមែសឺដែសបុករទេះស្លាប់មនុស្សនៅក្រុងតាខ្មៅ ភាគីរថយន្តបង្កបានសងសំណងជាទឹកប្រាក់ចំនួន១៨,៥០០ដុល្លារសាម៉ីខ្លួនអ្នកបង្ករចូលខ្លួន!

កណ្តាល ៖ តំណាងភាគីរថយន្តបង្ករួមទាំងលោកមេធាវី និងក្រុមគ្រួសារសពរបស់យុវតីរងគ្រោះអាយុ១៤ឆ្នាំ បានចូលមកដោះស្រាយគ្នា នៅផ្នែកចរាចរណ៍ផ្លូវគោក នៃអធិការដ្ឋាននគរបាលក្រុងតាខ្មៅ ។ក្នុងនោះតំណាងភាគីរថយន្តបង្កបានសងសំណងជាទឹកប្រាក់ចំនួន១៨,៥០០ដុល្លារ ហើយក្រុមគ្រួសារជនរងគ្រោះក៏បានពិភាក្សាគ្នានិងស្ម័គ្រចិត្តទទួលសំណងក្នុងរង្វង់ទឹកប្រាក់នេះ នៅថ្ងៃទី៤ ខែសីហា ឆ្នាំ២០២៦នេះ ។

ករណីយ៍បើតាមនគរបាលខេត្តកណ្តាលបានឲ្យដឹងថានៅរសៀលថ្ងៃទី៤ ខែសីហា ឆ្នាំ២០២៦ ម្ចាស់រថយន្តបង្កបានចូលខ្លួនមកអធិការដ្ឋាននគរបាលក្រុងតាខ្មៅ និងបានបញ្ជូនមកការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកណ្តាល បច្ចុប្បន្នសមត្ថកិច្ចជំនាញកំពុងបន្តនីតិវិធីផងដែរ។ 

សូមបញ្ជាក់ថា៖នៅវេលាម៉ោង១១:២០នាទីយប់ ថ្ងៃអាទិត្យ ទី០២ ខែសីហា ឆ្នាំ២០២៦នៅចំណុចមុខផ្សារទំនេីប LUCKY ផ្លូវជាតិលេខ២១ ក្នុងសង្កាត់តាខ្មៅ ក្រុងតាខ្មៅ ខេត្តកណ្តាលមានករណីគ្រោះថ្នាក់ចរាចរណ៍នៅក្រុងតាខ្មៅខេត្តកណ្តាល។រថយន្តទំនើប មួយគ្រៀងម៉ាកម៉ែកសឺដែស(Mercedes AMG S65) ស្លាកលេខ "កម្ពុជា JEC.SENG បាន បើកទៅបុ.ក​ម៉ូតូសណ្ដោងរ៉ឺម៉កដឹកអេតចាយ ប៉ើងខ្ទាតក្រឡាប់ផ្ងាជើង។ក្នុងហេតុការណ៍នោះមានមនុស្សម្នា,ក់ស្លាប់ និងអ្នករួមដំណើរ(ស្ត្រីម្នា,ក់និងក្មេងតូច៣នាក់) រងរបួស  ។

ក្រោយពេលកើតហេតុប្រជាពលរដ្ឋរាយការណ៍ថា ម្ចាស់រថយន្តបានព្យាយាមបើករត់គេចវេសពីការទទួលខុសត្រូវ ពីកន្លែងកើតហេតុទាំងបែកកង់ ។តែត្រូវពលរដ្ឋជួយដេញតាមរហូតឃាត់បាន ទើបដឹងថាជនបង្កបើកបរក្នុងស្ថានភាពស្រវឹង ហើយទុករថយន្តចោល រួចហៅគ្នាបើករថយន្តទំនើប២គ្រឿងទៀត​ មកដឹកចេញទៅបាត់ទៀត។

 ជនរងគ្រោះក្នុងហេតុការណ៍គឺឪពុកម្ដាយគ្រួសាររើសអេតចាយដង្ហើយរកយុត្តិធម៌ឲ្យកូនស្រីវ័យ១៣ឆ្នាំដែលត្រូវបានអ្នកបើកបររថយន្តស៊េរីទំនើប​ ​Mercedes ស្លាកលេខ «កម្ពុជា JEC-SENG» ​ សពក្មួយស្រី​ត្រូវបានយកទៅបានបូជានៅវត្ត​ ព្រែកសំរោង​ តែក្រុមគ្រួសារគ្មានលុយធ្វើបុណ្យ។ គ្រួសារនេះមានកូនប្រុសស្រី៧នាក់ឥលូវស្លាប់ម្នាក់នៅសល់កូន៦នាក់ចំណែកប្ដីក៏មានជម្ងឺប្រចាំកាយមិនអាចដើរបានឆ្ងាយមិនអាចធ្វើការធ្ងន់​។កូនស្រីវ័យ១៣ឆ្នាំរស់គឺជាទីពឹងបង្អែកជួយរើសអេតចាយជាមួយឪពុកម្ដាយដើម្បីចិញ្ចឹមប្អូនៗឥលូវកូនស្រីក៏ស្លាប់កូនតូចទើបតែអាយុបាន៨ខែក៏រងរបួសបែកក្បាល​។ភាពទីទល័បានបង្ខំឲ្យគ្រួសារគ្មានជម្រើសត្រូវតែទទួលសំណងនិងមិនដាក់ពាក្យប្តឹងជនបង្ក។