វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2211 នាក់
ម្សិលមិញ 4027 នាក់
សរុប 14154881 នាក់
កំពង់ឆ្នាំង: ប្រជាពលរដ្ឋ នៅភូមិស្ទឹងស្ងួតបានដឹងថាមាន ការកើតឡើងនូវបទល្មើសនេសាទ ដូចជាដាក់សម្រាស់ ចវ៉ របាំងសាច់ញឹក អួនសាច់ញឹកកៀរចាប់ត្រីយ៉ាងគគ្រឹកគគ្រេងនៅក្នុងតំបន់បឹងអភិរក្សទួលចារ ស្ថិតនៅក្នុងភូមិស្ទឹងស្ងួត ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ។
ប្រភពខាងលើបានឲ្យដឹងទៀតថាការដាក់សម្រាស់ទ្រង់ទ្រាយធំមានចំនួន២កន្លែង ក្នុងនោះមួយកន្លែងត្រូវបានហ៊ុំចាប់ត្រីរួចហើយ នោះរងចាំឱកាសហ៊ុំចាប់បន្តទៀត។ ពួគេធ្វើសកម្មភាពនិងដឹកជញ្ជូនចេញផលបទល្មើសចេញតាមរថយន្តកូរ៉េនៅពេលយប់យ៉ាងគឃ្លើនតែមិនឃើញមានសមត្តកិច្ចទប់ស្គាត់ឬបង្ក្រាបឡើយ ។ប្រជាពលរដ្ឋសួរចោទថាមានកឃុបឃឹតគ្នាពី លោក ជួន ផង់ ប្រធានសគមន៍ស្ទឹងស្ងួត ទើបក្រុមជនល្មើសទាំងនោះហ៊ានធ្វើសកម្មភាពយ៉ាងគឃ្លើនបែបនេះ ។
ដោយឡែកអ្នករកស៊ីបានឲ្យដឹងថាក្រុមអ្នកប្រប្រឹត្តបទល្មើសនោះ ត្រងចំណុចបឹងអភិរក្សទួលចារខាងលើនេះសុទ្ធសឹងជាសាច់ញាតខ្សែស្រលាយ និងបក្ខពួករបស់លោក ជួន ផង់ ប្រធានសហគមន៍ស្ទឹងស្ងួត ទើបមានឬទ្ធិអំណាចងាយនិងធ្វើសកម្មភាពបែបនេះបាន ហើយថែមទាំងយកបាឡា និងសម្ភារៈផ្សេងៗទៀត ដែលជារបស់រួមក្នុងសហគមន៍យកទៅប្រើប្រាស់ជាមធ្យោបាយក្នុងការប្រព្រឹត្តបទល្មើសទៀតផង ។
ពាក់ព័ន្ធករណីខាងលើនេះ អ្នកសារព័ត៌មានបានទាក់ទងរាយការណ៍ និងសុំការបកស្រាយពីលោក ដួង ផង់ ប្រធានសហគមន៍ស្ទឹងស្ងួត តែបានត្រឹមតែពាក្យឆ្លើយទាំងគំរោះគំរើយមិនទទួលខុសត្រូវ និងយកចិត្តទុកដាក់ចំពោះផលប្រយោជន៍ក្នុងសហគមន៍ គឺលោកបាននិយាយតាមទូរស័ព្ទមកវិញថាចង់ធ្វើអីក៏ធ្វើទៅ ។ដោយឡែក លោក គីម ហេង នាយសង្កាត់រដ្ឋបាលជលផលកំពង់ត្រឡាចបានប្រាប់ឱ្យដឹងថាករណីនេះលោកមិនបានដឹងទេព្រោះរវល់ចូលឆ្នាំ? ។