វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4095 នាក់
ម្សិលមិញ 8227 នាក់
សរុប 14130976 នាក់
ភ្នំពេញ៖ វិបត្តិជំងឺកូវីដ១៩ និងសង្គ្រាមរុស្សី-អ៊ុយក្រែន បានធ្វើឲ្យប៉ះពាល់យ៉ាងធ្ងន់ធ្ងរទៅដល់តម្លៃសេវាដឹកជញ្ជូន ជាពិសេសថ្លៃដឹកតាមកប៉ាល់ តែមកដល់ពេលនេះ តម្លៃនៃការដឹកជញ្ជូនកប៉ាល់នេះ បានធ្លាក់ចុះបន្តិចបន្ទួចហើយ គ្រាដែលថ្លៃប្រេងនៅមានតម្លៃមួយខ្ពស់នៅឡើយ។ លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានឲ្យកាសែតដឹងថា ទាក់ ទងទៅនឹងបញ្ហានេះដែរ វាបានធ្វើឲ្យក្រុមហ៊ុនដឹកជញ្ជូនគិតសេវាទៅតាមស្ថានភាពជាក់ស្តែង ក្នុងនោះក៏មានក្រុមហ៊ុនមួយចំនួនសុខចិត្តខាតបង់ ដើម្បីរក្សាអតិថិជនរបស់ខ្លួន។
លោកឧកញ៉ាថា ចំពោះសេវាថ្លៃនៃការដឹកជញ្ជូនវិញ គឺមានតម្លៃសមស្របទៅនឹងការធ្វើពាណិជ្ជកម្មក្នុងពេលបច្ចុប្បន្ន តែអ្វីដែលជាការព្រួយបារម្ភ គឺការធ្លាក់ចុះដោយគ្មានទំនិញដឹកជញ្ជូនទៅវិញ ខណៈមកដល់ពេលនេះ សេវាដឹកជញ្ជូនបានធ្លាក់ចុះជាច្រើន ពោលគឺក្នុងរង្វង់ប្រមាណពី ៣០ ទៅ ៤០ភាគរយ។ នេះមិនទាន់ព្យាករណ៍ពេលខាងមុខនៅឡើយទេ។លោកឧកញ៉ា ស៊ិន ចន្ធី បានសង្កត់ធ្ងន់ថា៖ «ព្រោះយើងបានឆ្លងកាត់នូវការរីករាលដាលកូវីដ១៩ ប៉ុន្តែមុនផ្ទុះឡើងនូវវិបត្តិកូវីដក្នុងវិស័យនេះ យើងឃើញថា កើនឡើងមែនទែន ក៏ដូចជា វិស័យភ័ស្តុភារកម្មកម្ពុជា ពី២ទៅ៣ដងឯណោះ ប៉ុន្តែចៃដន្យដោយសារកូវីដនេះមកដល់ វាធ្វើឲ្យប៉ះពាល់ដល់យើង»។
ក្រោមការដឹកនាំរបស់រាជរដ្ឋាភិបាល ដែលមានសម្ដេចតេជោ ហ៊ុន សែន ជានាយករដ្ឋមន្ត្រី បានបើកប្រទេសឡើងវិញ ធ្វើឲ្យវិស័យភ័ស្តុភារកម្មដឹកជញ្ជូននេះ យើងបានរៀបចំខ្លួន និងរៀបចំដំណើរការរហូតមកដល់សព្វថ្ងៃនេះ មិនមានបញ្ហាទៀតទេសម្រាប់ប្រតិបត្តិការ។ ប៉ុន្តែដោយហេតុថា វាមានផលប៉ះពាល់ទូទាំងពិភពលោកដែលយើងជួបបញ្ហាបី គឺបញ្ហាទី១ជំងឺកូវីដ១៩, ទី២ បញ្ហាថ្លៃឡើងថ្លៃខ្ពស់នៃកប៉ាល់ពីការដឹកជញ្ជូនតាមកប៉ាល់ មកពីថ្លៃប្រេងសាំង និងបញ្ហាទី៣ យើងមានការកង្វះខាតទូកុងតឺន័រសម្រាប់ការដឹកជញ្ជូនផងដែរ។រាជរដ្ឋាភិបាលរំពឹងថា នៅក្នុងឆ្នាំ២០២៣ វិស័យដឹកជញ្ជូន និងគមនាគមន៍នៅកម្ពុជា ត្រូវបានរំពឹងថា នឹងបន្តកើនឡើងគាំទ្រដោយការបន្តងើបឡើងនៃសកម្មភាពដឹកជញ្ជូនបម្រើឱ្យវិស័យទេសចរណ៍ និងពាណិជ្ជកម្ម ស្របពេលនៃការបន្តកើនឡើងនូវការប្រើប្រាស់ឌីជីថលក្នុងអាជីវកម្មរបស់គម្រោងបញ្ជរតែមួយជាតិ ដែលបានជួយពន្លឿន និងសម្រួលដល់ការធ្វើពាណិជ្ជកម្មរបស់វិស័យឯកជនជាដើម។សូមជម្រាបថា វិស័យដឹកជញ្ជូន និងគមនាគមន៍ នៅក្នុងឆ្នាំ២០២៣ រាជរដ្ឋាភិបាលគ្រោងចំណាយមូលធនថវិកាជាតិជាច្រើនសន្ធឹកសន្ធាប់ ក្នុងទិសដៅគាំទ្រដល់ការអនុវត្តកម្មវិធីវិនិយោគសាធារណៈ ៣ឆ្នាំរំកិល (២០២៣-២០២៥) ជាពិសេសការអនុវត្តកម្មវិធីយុទ្ធសាស្ត្រស្តារ និងជំរុញកំណើនសេដ្ឋកិច្ច ក្នុងការរស់ជាមួយកូវីដ១៩ តាមគន្លងប្រក្រតីភាពថ្មី។
ទន្ទឹមគ្នានេះដែរមានការវាយតម្លៃថា៖ភាគច្រើននៃសេដ្ឋកិច្ចសកលលោក ឆ្នាំ២០២៣នឹងជាឆ្នាំយ៉ាប់យ៉ឺនមួយនៅពេលក្បាលម៉ាស៊ីនធំៗនៃកំណើនសកល រួមសហរដ្ឋអាម៉េរិក អឺរ៉ុបនិងចិន សុទ្ធតែកំពុងប្រឈមសកម្មភាពសេដ្ឋកិច្ចថយចុះ ។នាយកគ្រប់គ្រងIMFលោកស្រី គ្រីស្តាលីណា ហ្ស័រហ្ស៊ីវ៉ា(Kristalina Georgieva)បាននិយាយក្នុងកម្មវិធីFace the Nationនៃសារព័ត៌មានCBSកាលពីព្រឹកថ្ងៃអាទិត្យទី១មករាថា«ឆ្នាំថ្មីនឹងជាពេលវេលាលំបាកជាងឆ្នាំមុន»។«ហេតុអ្វី? ដោយសារមហាអំណាចសេដ្ឋកិច្ចបី អាម៉េរិក សហភាពអឺរ៉ុបនិងចិន សុទ្ធតែដាំក្បាលចុះព្រមគ្នា»។
កាលពីខែតុលា IMFបានកាត់បន្ថយទស្សនវិស័យសំរាប់កំណើនសេដ្ឋកិច្ចសកលរបស់ខ្លួននៅឆ្នាំ២០២៣ ដោយវាឆ្លុះបញ្ចាំងអំពីការធ្លាក់ចុះជាបន្តដោយសារសង្គ្រាមនៅអ៊ុយក្រែន ព្រមទាំងសម្ពាធអតិផរណា និងអត្រាកាប្រាក់ខ្ពស់នៅតាមធនាគារកណ្តាល ដឹកនាំដោយធនាគារកណ្តាលអាម៉េរិក ក្នុងបំណងទប់កំណើនអតិផរណា។ចាប់តាំងពីចិនលុបចោលការអនុវត្តវិធាការគ្រប់គ្រងកូវីដ១៩ដ៏តឹងតែងភ្លាមៗកាលពីខែមុន សេដ្ឋកិច្ចចាប់ផ្តើមបើកឡើងវិញទាំងចលាចល ហើយអ្នកប្រើប្រាស់នៅបារម្ភខ្វល់ខ្វាយនឹងរឿងការឆ្លងកូវីដកើនឡើងជាថ្មី។ក្នុងការនិយាយជាសាធារណៈដំបូងចាប់តាំងពីការលុបចោលគោលនយោបាយសូន្យកូវីដ១៩មក ប្រធានាធិបតីចិនលោក ស៊ី ជីនភីង កាលពីថ្ងៃសៅរ៍បានអំពាវនាវអោយខិតខំបន្ថែមនិងរួបរួមគ្នានៅពេលចិនឈានចូលដំណាក់កាលថ្មីក្នុងការប្រយុទ្ធប្រឆាំងនឹងកូវីដ១៩។
លោកស្រី ហ្ស័រហ្ស៊ីវ៉ា បាននិយាយថា «ជាលើកដំបូងក្នុងរយៈពេល៤០ឆ្នាំមកនេះ កំណើនរបស់ចិនក្នុងឆ្នាំ២០២២ទំនងជាស្ថិតក្នុងកំរិត ឬទាបជាងកំរិតកំណើនសកល។លើសពីនេះទៀត ការផ្ទុះកូវីដ១៩ដូច”ភ្លើងឆេះព្រៃ”នៅទីនោះនៅប៉ុន្មានខែទៅមុខទៀត វាកាន់តែធ្វើអោយសេដ្ឋកិច្ចចិនលំបាកឡើងនៅឆ្នាំនេះ និងទាញទាំងសេដ្ឋកិច្ចតំបន់និងសកល»។ក្នុងការព្យាករណ៍កាលពីខែតុលា IMFបានកំណត់កំណើនសេដ្ឋកិច្ចចិនកាលពីឆ្នាំមុនត្រឹម៣,២ភាគរយ ។ពេលនោះអង្គការផ្តល់ប្រាក់កំចីនេះក៏មើលឃើញកំណើនចិននៅឆ្នាំ២០២៣ចំនួន៤,៤ភាគរយ នៅពេលសកម្មភាពសេដ្ឋកិច្ចសកលកាន់តែធ្លាក់ទៅ។ការបន្ទាបព្យាករណ៍កំណើនសំរាប់ឆ្នាំនេះទាំងសេដ្ឋកិច្ចចិននិងសកលទំនងជានឹងប្រកាសនៅពេលណាមួយក្នុងខែនេះ នៅពេលIMFបញ្ចេញព្យាករណ៍កំណែថ្មីរបស់ខ្លួន ក្នុងអំឡុងវេទិកាសេដ្ឋកិច្ចពិភពលោកក្រុងដាវ៉ូស ប្រទេសស្វីស៕