ប៉េអឹមការពារទង្វើនៃការដុតបំផ្លាញវត្ថុតាងដឹកបទលើ្មសព្រៃឈើដែលជាសមត្តកិច្ចសម្រេចរបស់តុលាការ
01-March-2025 / ព័ត៌មានជាតិ
ភ្នំពេញ៖លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស និងជាអ្នកនាំពាក្យ គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានអះអាងថា ការដុតកម្ទេចរថយន្តដែលប្រព្រឹត្តបទល្មើសដឹកអនុផលព្រៃឈើ(វត្ថុតាង)ដោយខុសច្បាប់ចោលនាពេលកន្លងមកគឺ ស្របនឹងច្បាប់ទោះមិនមានដិការតុលាការករ៏ដោយ។
នៅក្នុងសេចក្តីប្រកាសពត៍មានគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ចុះថ្ងៃទី៣១ ខែធ្នូ ឆ្នាំ២០២២ បានវាយបកទៅគណនីហ្វេសប៊ុកឈ្មោះ "សុខ ទូច” ដែលបានសសេរអត្ថបទចុះផ្សាយតាំងពីថ្ងៃទី៨ ខែធ្នូ ឆ្នាំ២០២២ រិះគន់ថា “ដុតរថយន្តចោលដោយសារដឹកឈើ មនុស្សទេជាអ្នកធ្វើទុកទាំងឈើទុកទាំងរថយន្ត ចាប់មនុស្សខុសច្បាប់នោះដាក់គុកវិញទើបត្រូវ រថយន្តគ្មានវិញ្ញាណ និងមិនមានជីវិតទេ” នាំឱ្យមានការបញ្ចេញយោបល់ ៧៦ Comments។ តែសេចក្តីប្រកាសពត៍របស់គណៈកម្មការជាតិ បានចលោទថា យោបល់ទាំងនោះភាគច្រើនមានការបំផ្លើស ញុះញង់ យោបល់គ្មានវិជ្ជាជីវៈ និងអសីលធម៌ ដោយសារ បញ្ចេញយោបល់មិនថ្លឹងថ្លែងរកការពិត និងមិនទាន់យល់ច្បាស់ពីច្បាប់នៃព្រះរាជាណាចក្រកម្ពុជា។
គណៈកម្មការជាតិបង្ក្រាបដឹកនាំដោយនាយឧត្តមសេនីយ៍សៅសុខា បានអះអាងដែរថាពួកគេ បានបំពេញតួនាទី ភារកិច្ចតាមសេចក្ដីសម្រេចរបស់រាជរដ្ឋាភិបាល ដើម្បីទប់ស្កាត់និង បង្ក្រាបបទល្មើសធនធានធម្មជាតិ ចាប់ពីឆ្នាំ២០១៦ មកដល់បច្ចុប្បន្ន គឺស្របនឹងច្បាប់ស្តីពីព្រៃឈើ, ច្បាប់ស្តី ពីតំបន់ការពារធម្មជាតិ, ក្រមនីតិវិធីព្រហ្មទណ្ឌ និងលិខិតបទដ្ឋានគតិយុត្តដែលពាក់ព័ន្ធ។គណៈកម្មការជាតិ បានសំអាងថាសមាសភាពគ្រប់ក្រសួង ស្ថាប័ន អាជ្ញាធរមានសមត្ថកិច្ចពាក់ព័ន្ធ ក្នុងនោះក៏មាន តំណាងក្រសួងយុត្តិធម៌ផងដែរ(តែតាមច្បាប់ក្រសួងយុត្តិធម៍មិនមែនជាស្ថាបន័តុលាការដែលមានសិទ្ថសម្រេចឲ្យបំផ្លាញវត្ថុតាងនោះទេ)។
គណៈកម្មការជាតិ ថាការអនុវត្តការងារមានយុទ្ធសាស្ត្រ ផែនការ កម្មវិធីច្បាស់លាស់តាមដំណាក់កាលនីមួយៗ មានការអប់រំ ផ្សព្វផ្សាយច្បាប់ និងលិខិតបទដ្ឋានគតិយុត្តពាក់ព័ន្ធធនធានធម្មជាតិជាសាធារណៈ ដើម្បីឱ្យមានការចូលរួមពីគ្រប់មជ្ឈដ្ឋាន និងចុងក្រោយដោយសារបុគ្គលមួយចំនួនមិនរាងចាលនៅតែបន្តប្រព្រឹត្តបទល្មើស ទើបឈានដល់ការអនុវត្តច្បាប់ ព្រមទាំងធ្វើការបំផ្លាញចោលនូវមធ្យោបាយដែលមាន គោលដៅបំផ្លាញព្រៃឈើ ទប់ស្កាត់ឧក្រិដ្ឋកម្មព្រៃឈើ រក្សាបានព្រៃឈើគង់វង្ស ដោយអនុលោមតាមមាត ១១៩ នៃក្រមនីតិវិធីព្រហ្មទណ្ឌ(បើចឹងមែនហេតុអីមិនចាប់ជនល្មើសដែលជាម្ចាស់វត្ថុតាងមកផ្តន្ទាទោសផងទៅ?)។។ វត្ថុដែលមានគ្រោះថ្នាក់ចំពោះមនុស្ស ឬចំពោះទ្រព្យសម្បត្តិ ជាដើម ព្រមទាំងវត្ថុដែលបានកាន់កាប់ដោយខុសច្បាប់ មិនអាចប្រគល់ឱ្យវិញបានទេ។ វត្ថុទាំងនោះត្រូវរឹបអូសទុកជាសម្បត្តិរដ្ឋ ឬត្រូវបំផ្លាញចោល(ការពិតនីតិវិធីនេះត្រឹមត្រូវតែត្រូវមានការសម្រេចរបស់តុលការ។គណកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ជាស្ថាប័នគរបាលយុត្តិធម៍តើមិនមានសិទ្ធបំផ្លាញវត្ថុតាងនោះទេ?)។
កម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បកស្រាយថាមធ្យោបាយដែលគណៈកម្មការជាតិបំផ្លាញចោលតាមច្បាប់កន្លងទៅ ៖ជាមធ្យោបាយកច្នៃខុសលក្ខណៈបច្ចេកទេសសម្រាប់ដឹកឈើខុសច្បាប់តែប៉ុណ្ណោះ និងល្មើសច្បាប់ស្តីពីចរាចរណ៍ផ្លូវគោក ហើយមិនមែនជាមធ្យោបាយអាចប្រើប្រាស់ជាប្រយោជន៍សង្គមជាតិនោះទេ។ បុគ្គលដែលបញ្ចេញយោបល់ទាំងអស់ ត្រូវយកចំណេះវិជ្ជាដែលបានរៀនសូត្រពិចារណាសិន មុននឹងបញ្ចេញយោបល់ក្នុងន័យស្ថាបនា។សូមបញ្ជាំក់ថាកាលពីថ្ងៃទី២៦ ខែធ្នូ ឆ្នាំ២០២២ គណៈកម្មការជាតិបានបើកកិច្ចប្រជុំត្រួតពិនិត្យវឌ្ឍនភាពការងារ ដោយបូកសរុបលទ្ធផលការងារទប់ស្កាត់ និងបង្ក្រាបបទល្មើសធនធានធម្មជាតិចាប់ពីថ្ងៃទី១៧ ខែវិច្ឆិកា ឆ្នាំ២០២០ ដល់ថ្ងៃទី១៥ ខែធ្នូ ឆ្នាំ២០២២ ធ្វើរបាយការណ៍ជូនប្រមុខរាជរដ្ឋាភិបាល។ ក្នុងកិច្ចប្រជុំក៏បានវាយតម្លៃ សន្និដ្ឋាននូវសភាពការណ៍បទល្មើសធនធានធម្មជាតិនៅកើតមាន ប៉ុន្តែបានផ្លាស់ប្ដូរពីទ្រង់ទ្រាយធំ ជារូបភាពតូចៗ ជាជីវភាពលក្ខណៈគ្រួសារ ប្រពៃណី។គណៈកម្មការជាតិបានដាក់ចេញទិសដៅបន្ត ក្រសួង ស្ថាប័ន អាជ្ញាធរ កងកម្លាំង និងមន្ត្រីជំនាញពាក់ព័ន្ធ បន្តពង្រឹងទប់ស្កាត់ឈើដែលនៅក្នុងព្រៃ ត្រួតពិនិត្យឈើ តាមដេប៉ូ តាមសិប្បកម្មកែច្នៃដែលប្រមូលទិញឈើដោយខុសច្បាប់។ ក្រៅពីនេះ ទប់ស្កាត់ឈើ និងធ្យូងដែលឆ្លងកាត់ព្រំដែន ព្រមទាំងត្រូវបង្ក្រាបមេក្លោងដែលផ្តល់ធនធាន មធ្យោបាយ និងប្រមូលទិញឈើដោយខុសច្បាប់ ផងដែរ។ ដោយបូកសរុបលទ្ធផលការងារទប់ស្កាត់ និងបង្ក្រាបបទល្មើសធនធានធម្មជាតិចាប់ពីថ្ងៃទី១៧ ខែវិច្ឆិកា ឆ្នាំ២០២០ ដល់ថ្ងៃទី១៥ ខែធ្នូ ឆ្នាំ២០២២ ធ្វើរបាយការណ៍ជូនប្រមុខរាជរដ្ឋាភិបាល។ ក្នុងកិច្ចប្រជុំក៏បានវាយតម្លៃ សន្និដ្ឋាននូវសភាពការណ៍បទល្មើសធនធានធម្មជាតិនៅកើតមាន ប៉ុន្តែបានផ្លាស់ប្ដូរពីទ្រង់ទ្រាយធំ ជារូបភាពតូចៗ ជាជីវភាពលក្ខណៈគ្រួសារ ប្រពៃណី។
គណៈកម្មការជាតិបានដាក់ចេញទិសដៅបន្ត ក្រសួង ស្ថាប័ន អាជ្ញាធរ កងកម្លាំង និងមន្ត្រីជំនាញពាក់ព័ន្ធ បន្តពង្រឹងទប់ស្កាត់ឈើដែលនៅក្នុងព្រៃ ត្រួតពិនិត្យឈើ តាមដេប៉ូ តាមសិប្បកម្មកែច្នៃដែលប្រមូលទិញឈើដោយខុសច្បាប់។ ក្រៅពីនេះ ទប់ស្កាត់ឈើ និងធ្យូងដែលឆ្លងកាត់ព្រំដែន ព្រមទាំងត្រូវបង្ក្រាបមេក្លោងដែលផ្តល់ធនធាន មធ្យោបាយ និងប្រមូលទិញឈើដោយខុសច្បាប់ ផងដែរ.។តែសម្រាប់សកម្មជនការពារព្រៃឈើវិញបានរកឃើញថា បទល្មើសព្រៃឈើក្នុងតំបន់ព្រៃឡង់នៅតែបន្តកើតមានឡើង ដោយសារក្រុមហ៊ុនឯកជនមួយប្រើយុទ្ធសាស្ត្រឱ្យមេការក្រុមហ៊ុនពង្រាយកម្មករចូលទៅកាប់ និងប្រមូលឈើនៅក្នុងតំបន់ព្រៃការពារ ដើម្បីដឹកចូលក្នុងក្រុមហ៊ុន នៅក្នុងខេត្តព្រះវិហារ។
សកម្មជនការពារព្រៃឈើ លោក ហេង ស្រស់ បានបង្ហោះសារនៅលើហ្វេសប៊ុករបស់លោកកាលពីថ្ងៃទី៣១ខែធ្នូ ឆ្នាំ២០២២ថា ក្រោយពីលោកបានចុះស៊ើបអង្កេត និងស្រាវជ្រាវ រកឃើញការកាប់ឈើ ប្រមូលឈើខុសច្បាស់ ចេញពីតំបន់ព្រៃឡង់ដែលជាប់នឹងព្រៃសហគមន៍ក្នុងឆ្នាំ២០២២ នៅតែបន្តកើតមានឡើង។ លោករកឃើញមានកាប់ឈើ និងដឹកជញ្ជូនឈើ ផ្តៀក កកោះ ស្រឡៅ ជាពិសេស សុក្រម ឈ្លីក ឈើទាល ជាតម្រូវការរបស់ក្រុមហ៊ុន ដែលដឹកជញ្ជូនដោយគោយន្តរាប់រយគ្រឿងជាដើម។លោកបញ្ជាក់ថា ក្រុមហ៊ុនម៉ាឃលឡូជីស្ទិច បានប្រើយុទ្ធសាស្ត្រថ្មីឱ្យមេការក្រុមហ៊ុនពង្រាយកម្មករ ចូលទៅកាប់ និងប្រមូលឈើនៅក្នុងតំបន់ព្រៃការពារ ដើម្បីដឹកចូលក្នុងក្រុមហ៊ុន #MACLELOGISTIC (CAMBODIA) Co.,Ltd ស្ថិតនៅបរិវេណក្រុមហ៊ុន #PNT Co.,Ltd ចំណុចភូមិបង្កន ឃុំរៀបរយ ស្រុករវៀង ខេត្តព្រះវិហារ។ លើសពីនេះលោកថា ឈ្មួញឈើ វាស់វែង និងទូទាត់ប្រាក់កម្រៃដល់អ្នកកាប់ឈើ ក្នុងតម្លៃ ៤០០ ០០០រៀល ក្នុងមួយម៉ែត្រគូប ខណៈអ្នកកាប់ឈើភាគច្រើនទទួលបានការឧបត្ថម្ភផ្នែកសម្ភារ បរិក្ខា និងហិរញ្ញវត្ថុ ពីសំណាក់ក្រុមហ៊ុនថែមទៀតផង។
