វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1300 នាក់
ម្សិលមិញ 4292 នាក់
សរុប 14110999 នាក់
ភ្នំពេញ ៖ ករណីជនក្មេងស្ទាវស្រវឹង បើកឡានបុកម៉ូតូ លើស្ពានជ្រោយចង្វា បណ្តាលឲ្យស្លាប់ទារកម្នាក់របួសមនុស្សចាស់២នាក់ .. ក្រុមមេធាវីស្ម័គ្រចិត្ត របស់សម្តេចតេជោ បានឡើងពាក្យបណ្តឹងហើយតុលាការ បានចេញដីកា នាំខ្លួនជនបង្ក រួចរាល់ហើយដែរ តែសមត្ថកិច្ច ពាក់ព័ន្ធ រកមិនទាន់ឃើញក្រោយពីបានដោះលែងក្រោយពេលកើតហេតុ ដែលគេជឿថារត់គេចទៅក្រៅប្រទេសបាត់ហើយ។ មជ្ឈដ្ឋានទូទៅទាំងប្រជាពលរដ្ឋ មន្ត្រីរាជការ ដែល ឈឺឆ្អាលក្នុងរឿងនេះ ប្រាថ្នាឱ្យតុលាការផ្ដល់ភាពយុតិ្តធម៌សម្រាប់ក្រុមគ្រួសារជនរងគ្រោះ ដើម្បីលុបបំបាត់នូវនិទណ្ឌភាពដែលរងការចោទប្រកាន់ពីបរទេសនិងមហាជនមួយចំនួន ។
គេនៅចាំបានថាជនបង្កបើករថយន្តទាំងស្រវឹង បុកមនុស្សបីនាក់ដែលកំពុងជិះម៉ូតូរងរបស់ធ្ងន់លើស្ពាន់ជ្រោយចង្វា ក្រោយមកកុមារអាយុ ៦០ ថ្ងៃ ក៏បានស្លាប់ បន្ទាប់ពីសង្គ្រោះបន្ទាន់ក្នុងរយៈពេលប្រមាណមួយសប្តាហ៍។ក្នុងហេតុការណ៍នេះរឿងដែលមហាជនទទួលមិនបាននៅត្រង់, សមត្ថកិច្ចនគរបាលចេះដឹងជួយសម្របសម្រួលនិងបានដោះលែងជនបង្កភ្លាមៗ ក្រោមលេសមានសំណងរដ្ឋប្បវេណីចំនួន 2,500 ដុល្លារ ទាំងជនរងគ្រោះកំពុងសង្គ្រោះនៅក្នុងមន្ទីរពេទ្យ ។
សមត្ថកិច្ចបញ្ជាក់ថា, ភាគីរថយន្តម៉ាក ជាជនបង្ក ៖ LEXUS NX200t ពណ៌ស ពាក់ផ្លាកលេខ ភ្នំពេញ 2BB-9989 បើកបរដោយឈ្មោះ សោម ណូរីទីឃា ភេទប្រុស អាយុ១៩ឆ្នាំ មានទីលំនៅផ្ទះលេខ៥៣ ផ្លូវកែវចិន្តា ភូមិ៣ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ (ឃាត់ខ្លួនកាលពីថ្ងៃ០៥ ខែធ្នូ ឆ្នាំ២០២២)។
ដោយឡែក ភាគីម៉ូតូម៉ាក ជាជនរងគ្រោះ ៖ HONDA SCOOPY ពណ៌ស ពាក់ផ្លាកលេខ កណ្តាល 1B-9978 បើកបរដោយឈ្មោះ ហុង រត្នថា ហៅស្វិត ភេទប្រុស អាយុ៣៣ឆ្នាំ មុខរបររើសអេតចាយ (រងរបួស ធ្ងន់សម្រាកព្យាបាលនៅមន្ទីរពេទ្យមិត្តភាពកម្ពុជា-ចិនព្រះកុសុមៈ) រួមដំណើរជាមួយ មានគ្នា០២នាក់ទី១-ឈ្មោះ មុច សុខឡេង ភេទប្រុស អាយុ៦០ថ្ងៃ (រងរបួសធ្ងន់កំពុងសម្រាកព្យាបាលនៅមន្ទីរពេទ្យគន្ធបុប្ផា) និងទី២-ឈ្មោះ មុច ស្រីល័ក្ខ ភេទស្រី អាយុ៣១ឆ្នាំ មុខរបរ រើសអេតចាយ (រងរបួសធ្ងន់សម្រាកព្យាបាលនៅគ្លីនិកពន្លឺ) អ្នកទាំងបីស្នាក់នៅផ្ទះជួលលេខ២២៥ ផ្លូវលេខ៨៦ ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។
មជ្ឈដ្ឋានទូទៅរបស់ប្រជាពលរដ្ឋ មន្ត្រីរាជការ អ្នកនិយមលេងតាមបណ្ដាញទំនាក់ទំនងសង្គមហ្វេសប៊ុក បានតាមដានក្នុងរឿងនេះដោយយកចិត្តទុកដាក់បំផុត ថាតើជនបង្កអាចរួចផុតពីសំណាញ់ច្បាប់ ឬត្រូវបានសមត្ថកិច្ចនាំខ្លួន ដើម្បីទទួលទោស ទៅតាមកំហុសដែលខ្លួនបានប្រព្រឹត្ត? ។មិនដឹងថាតើសមត្ថកិច្ចបានទទួលដីកានាំខ្លួនជនបង្កហើយឬនៅ ? នៅរសៀលថ្ងៃទី២៧ ខែធ្នូ ឆ្នាំ២០២២ ព្រោះគេមិនអាចធ្វើការទំនាក់ទំនងសុំការបំភ្លឺបានទេពីលោកវីរៈសេនីយ៍ឯក សាន សុខសីហា អ្នកនាំពាក្យនគរបាលរាជធានីភ្នំពេញ៕