វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1278 នាក់
ម្សិលមិញ 5020 នាក់
សរុប 14116725 នាក់
ខេត្ត សៀមរាប៖ កាលថ្ងៃទី១០ ខែកក្តដា ឆ្នាំ២០១៨ វេលាម៉ោង២០ និង១៥នាទី មានករណីបាញ់បោះដោយសេរីនៅ ត្រង់ចំណុចភូមិក្បាលព្រឺស ស្រុកស្វាយលើ ខេត្តសៀមរាប ។ក្រោយមក សមត្ថកិច្ចក៏បានចាប់ខ្លួនវាយខ្នោះបុរសម្នាក់ ឈ្មោះ ឆោម ស៊ីថា ជាចាងហ្វាងកាសែត ដំណឹងកម្ពុជា (ស្លៀកពាក់ខោអាវឈុត) ពីករណីបាញ់បោះសេរីគំរាមឈ្មួញឈើ? ។
ប្រភពព័ត៌មានពីប្រជាពលរដ្ឋបានអោយដឹងថា មូលហេតុគឺមកក៏មានការចោទប្រកាន់ពីឈ្មួញឈើដុះស្លែកម្នាក់ ពីការប្រើអាវុធខ្លីបាញ់គំរាមអ្នករកស៊ីឈើខុសច្បាប់នៅស្រុកស្វាយលើ ខេត្ត សៀមរាប កាលពីយប់ ថ្ងៃទី១០ កក្ដា ២០១៨ ហ្នឹងឯង។ បើផ្អែកតាម ប្រូហ្វាល់ facebook គឺលោកឆោមស៊ីថាមានរូបថតជាមួយឯកឧត្ដម ខៀវ កាញារិទ្ធ រដ្ឋមន្ត្រី ក្រសួងព័ត៌មាន) ។
តាមប្រភពពី មន្ត្រីប៉ូលីស នៃ អធិការដ្ឋាននគរបាលស្រុកស្វាយលើ បានឲ្យដឹងថាករណីនេះ ដោយមានការចោទប្រកាន់ពីប្រជាពលរដ្ឋ ពិសេស ឈ្មួញឈើ (សមត្ថកិច្ចលាក់ឈ្មោះ?) ជាដើមបណ្តឹង និងក្រោយការស្រាវជ្រាវរបស់សមត្ថកិច្ចបានរកឃើញសំបកគ្រាប់កាំភ្លើងខ្លីចំនួន២គ្រាប់ ធ្វើជាវត្ថុតាង ដើម្បីកសាងសំណុំរឿង បញ្ជូនទៅតុលាការ តាមនីតិវិធីច្បាប់។សមត្តកិច្ចមិនបាននិយាយថាពេលចាប់ខ្លួនមានកាំភ្លើងជាប់ខ្លួនដែរឬអត់នោះទេ?។
ពលរដ្ឋចំនួនបាននិយាយថា ធ្វើ អ្នកកាសែត សោះម៉េចមានកាំភ្លើងកាន់ប្រើប្រាស់ចឹង បើ មានតែកាំមេរ៉ា និងប៊ិច សំរាប់សរសេរចុះផ្សព្វផ្សាយព័តមានទៅវាគ្រប់គ្រាន់បាត់ទៅហើយ ។ ទាក់ទិនករណីនេះការិយាល័យ មាតុភូមិ មិនទាន់អាចទាក់ទងសុំការបំភ្លឺពីលោក ឆោម សុថា ចាងហ្វាងកាសែត ដំណឹងកម្ពុជា បាននៅឡើយទេថាតើសមត្តកិច្ចមានភស្តុតាងអត់ឬធើតាមតែការចោទរបស់ឆ្មួញឈើ? ។
តែទោះជាមានករណីបែប នេះកើតឡើងពិតក៏ដោយ ក៏ប្រជាពលរដ្ឋ និងក្រុមអ្នកកាសែត ជាច្រើនបានសំណូមដល់សមត្ថកិច្ចមេត្តាចាត់វិធានការផ្លូវច្បាប់ទប់ស្កាត់និងបង្ក្រាបបទល្មើសព្រៃឈើនៅតំបន់ដែល តែងតែមានទំនាស់ជាមួយអ្នកកាសែតជាញឹកញាប់ផង កុំអនុវត្តច្បាប់ស្តង់ដារពីរលំអៀង អោយតែមានបណ្តឹងពីឈ្មួញឈើ គឺធ្វើភ្លែតតែម្តងចឹងនោះ ។ ម្យ៉ាងទៀតក្រសួងព័ត៌មានគួរត្រួតពិនិត្យ ឡើងវិញ ចំពោះសកម្មភាពអ្នកកាសែត ពិសេសចាងហ្វាងៗ កាសែតមួយចំនួនបាននឹងកំពុងដើរតួធ្វើសកម្មភាពផ្ទុយពី វិជ្ជាជីវៈអ្នកសារព័ត៌មាន ៕ ដោយៈ សុផល