ខឹងប្អូនធម៍ស៊ីដាច់ប្រពន្ធពេលតាមជួបគ្នាឡូឡាផ្អើលសាលាសង្កាត់ចោមចៅ២ទាលុយ៥ពាន់ដុល្លារវិញ
20-March-2025 / សន្តិសុខសង្គម
ភ្នំពេញ: បុរសម្នាក់កើតទុក្ខ មិនសុខចិត្ត រឿងប្អូនធម៌ លូកថ្លើមស៊ីដាច់ប្រពន្ធខ្លួនពេលបានជួបឡូឡាផ្អើលចៅសង្កាត់ចោមចៅ២ប្តឹងទាលុយ៥០០០ដុល្លារអាមេរិកវិញ។ 
ករណីយ៍ប្អូនធម៌លូកថ្លើមបេះយកប្រពន្ធបាត់កើតឡើង អស់រយ:ពេលជាង១ខែ ហើយ ក៏ស្វែងរកផ្ទះប្រពន្ធឃើញ កំពុងសោយសុខ ស្រណុកផ្អែមជាមួយប្តីក្រោយនៅផ្ទះល្វែង ក្នុងបុរីសន្តិភាព២ សហគមន៍៦ ភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យក៏ស្រែកឡូឡា រករឿង ហើយបាននាំគ្នាទៅជជែកវែកញែករកខុសត្រូវ នៅសាលាសង្កាត់ចោមចៅ២ ផ្អើលទាំងសមត្ថកិច្ច មន្ត្រីសង្កាត់ ជួយចាប់បំបែក។
ភាគីខាងប្តីដើមមានឈ្មោះ ង៉ែត ផេង អាយុ៣៩ឆ្នាំ មុខរបរ អាជីវករលក់ដូ មានទីលំនៅផ្ទះលេខ៣៨ ភូមិថ្មី សង្កាត់ដង្កោ ខណ្ឌដង្កោ ។ ភាគីខាងស្រីអតីតប្រពន្ធ ឈ្មោះ ឈន វ៉ាន់ស៊ីន អាយុ៣៥ឆ្នាំ មុខរបរ ជាអាជីវករ លក់ខោអាវ នៅផ្សារកាណាឌីយ៉ា បច្ចុប្បន្នរស់នៅផ្ទះល្វែង បុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ។
ឯភាគីប្តីក្រោយ ជាបុរសសង្ហា ធ្វើការងារមន្ត្រីអាវុធហត្ថខណ្ឌដង្កោ មានឈ្មោះ ឈឹម ចាន់ធី អាយុ៣៨ឆ្នាំ (តាមការអះអាងពីភាគីប្តីដើម) ហើយក៏ជាមនុស្សរាប់អានគ្នា ជាបងធម៌ ប្អូនធម៌ដែរ។ភាគីប្តីដើម បានឲ្យដឹងថា គាត់បានរាប់អានគ្នាជាមួយ បុរសឈ្មោះ ឈន វ៉ាន់ធី ជាមន្ត្រីអាវុធហត្ថខណ្ឌដង្កោ ជាបងប្អូនធម៌ អស់រយ:ពេលជាង២ឆ្នាំមកហើយ ស្រឡាញ់គ្នាស្អិតរមួត ដូចបងប្អូនបង្កើត។
តែចុងក្រោយប្អូនធម៍បាន លូកថ្លើមបេះយកប្រពន្ធរបស់បងធម៌ ទៅនែបនិត្យធ្វើជាប្រពន្ធខ្លួន ក្នុងរូបភាពបន្លំឆបោក ដោយឲ្យប្រពន្ធប្រើល្បិចថា ប្តីដើមអាយុ៤០ចូលជិតមកដល់ហើយ ឆ្នាំគត់បែបនេះ ទាល់តែលែងលះគ្នាបណ្តោះអាសន្នសិន ដើម្បីកុំឲ្យមានគ្រោះថ្នាក់ ហើយទាមទារឲ្យផ្តិតមេដៃ ចាំឆ្នាំផុតគ្រោះនឹងយកគ្នាជាប្ដីប្រពន្ធវិញ។ ខាងប្តីល្ងង់ជឿសម្តីស្រីស្តូក ផ្តិតមេដៃឲ្យនាងក៏ត្រូវគេឆក់យកបាត់ទៅ។
ក្រោយពីបានតែស្នាមមេដៃហើយដោយមានប្តីជាសមត្តកិច្ចក៏ ដាក់ប្តឹងឡើងទៅតុលាកា ស្រាលក្រមចេញមកមែនទែន បញ្ជាក់ថា៖ អ្នកទាំង២បាន លែងលះ ផ្តាច់សង្វាស់នឹងគ្នាពិត។មានកូន៤នាក់ ប្រុស២នាក់ ស្រី២នាក់ បានទៅខាងប្រពន្ធ តែមិនបានរបស់ទ្រព្យទេ។បរសជាប្តីប្រុសចាប់ផ្តើមវឹលវល់ខូចចិត្ត ព្រោះចាញ់ល្បិចមាន ស្នាមមេដៃជាភស្តុតាងហើយ បាន ព្យាយាមលេបថ្នាំប៉ុនប៉ងសម្លាប់ខ្លួនចំនួន៤លើក តែមិនបានសម្រេចក៏ ខំសម្របខ្លួនតាមយថាកម្ម។
មិនត្រឹមតែបោកឲ្យប្តីលែង អតីតប្រពន្ធបាន ទៅលួចដកលុយពីកុងធនាគារអស់និង ប្រើល្បិចសុំក្រៅបន្ថែមទៀត សរុបជាង៨ពាន់ដុល្លារ ហើយគេចខ្លួនបាត់ក្រោយពីមានសាលក្រមលែងលះ របស់តុលាការ អស់រយ:ពេលជាង១ខែ ។នៅល្ងាចថ្ងៃទី១៥ ខែកុម្ភ: ឆ្នាំ២០១៩ ភាគីខាងប្តីដើមមានឈ្មោះ ង៉ែត ផេង តាមស្វែងរកឃើញ អតីតប្រពន្ធ ទិញផ្ទះល្វែងថ្មី ក្នុងបុរីសន្តិភាព២ សង្ងំសោយសុខ ស្រណុកមានអ្នកស្អំចិត្ត ជាប្អូនធម៌ទៅវិញ ទើបឆោឡោ ភ្ញាក់ផ្អើល ស្រែកឡូឡាឡាំប៉ា រករឿងបាត់លុយពីក្នុងកុងធនាគារនិងតវ៉ាចង់បានសំណង ទាមទារនូវទឹកប្រាក់ចំនួន៥៥០០ដុល្លារវិញ ទើបនាំគ្នាមកជជែករកខុសត្រូវនៅសាលាសង្កាត់ចោមចៅ២ នាព្រឹកថ្ងៃទី១៦ ខែកុម្ភ:។
តែមិនដាច់ស្រេច ដោយសាររឿងរ៉ាវ របស់គ្រួសារខាងលើ មានតែតុលាការទេជាអ្នកសម្រេច ហើយចំពោះករណីលួចលុយ ឬបាត់លុយយ៉ាងណានោះ អតីតប្រពន្ធទៅដកនៅធនាគារ ឯខាងសង្កាត់អូរឡាំពិក ទើបអាជ្ញាធរ សមត្ថកិច្ចពន្យល់ណែនាំ ឲ្យប្តឹងតវ៉ាយ៉ាងណា ទៅតុលាការវិញ ចំណែកលុយកាក់ បាត់ក្នុងកុងវិញ មានតែទៅសាកសួរនៅខាងធនាគារដែលខ្លួនតម្កល់លុយនោះ ។
ភាគីខាងស្រីវិញ ឆ្លើយយ៉ាងខ្លី ដោយសម្តីសំអាងលើ តុលាការបានចេញសាលក្រមរួចហើយ លែងលះគ្នា ចំពោះលុយនៅធនាគារ ខ្លួនមិនបានលួចឡើយ។
ចំណែកប្រុសសង្ហា អះអាងថា ជាមន្ត្រីអាវុធហត្ថ ហើយត្រូវជាប្តីក្រោយរបស់ស្ត្រីខាងលើវិញ ឆ្លើយយ៉ាងខ្លី ដូចគ្នាថា រូបគេមិនបានលួចឆក់ប្លន់ យកប្រពន្ធបងធម៌ឡើយ ព្រោះតែឃើញបងធម៌ មានសាលក្រមពីតុលាកា លែងលះគ្នាហើយ ទើបរូបគេ ហ៊ានយកបងធម៌ស្រីធ្វើជាភរិយា ។ 
.jpg&h=97&w=146)
