វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2355 នាក់
ម្សិលមិញ 3717 នាក់
សរុប 14150688 នាក់
ខេត្តស្វាយរៀង៖ ណ្តៅដីធំៗ ទទឹង១០០ម៉ែត្របណ្តោយប្រមាណ៤០០ម៉ែត្រ ត្រូវបានក្រុមហ៊ុនជីករណ្តៅដីយកអាចម៍ដីលក់ នៅក្រោយភូមិតាណរ នាមាត់ព្រែកទន្លេវ៉ៃគោក្រោម ជីករណ្តៅដីមានជម្រៅជ្រៅ ១០ម៉ែត្រខុសបច្ចេកទេស បង្កឲ្យមានព្រួយបារម្ភដល់ប្រជាពលរដ្ឋបារម្ភៈ ខាចធ្លាក់សត្វគោក្របី ងាប់ ។រថយន្តរបស់ក្រុមហ៊ុន ដឹកដី បង្កឲ្យបាក់ស្រុតផ្លូវលំខូច ប្រវែង១,គីឡូម៉ែត្រកាលពីរដូវភ្លៀង គឺបែកល្បាប់រអឹល ហើយពេលរាំងភ្លៀងគឺហុយធូលីដីចូលផ្ទះរបស់ពួកគាត់ធ្វើឲ្យប៉ះពាល់សុខភាពគ្រួសារពួកគាត់។ ទាក់ទិនករណីនេះដែរអាជ្ញាធរសង្កាត់ស្វាយតឿ បានប្រាប់អ្នកសារព័ត៌មានថា អាជ្ញាធរបានឲ្យក្រុមហ៊ុនដឹកដីមកចាក់ជួសជុលវិញហើយ ក៏ប៉ុន្តែកន្លងមកដោយមានភ្លៀងធ្លាក់ដីសើម មិនអាច ជួសជុលបាន ក្រុមហ៊ុនសន្យាថា ពេលរាំងភ្លៀងក្រុមហ៊ុននិងជួសជុលឲ្យវិញ។
ចំណែកតំណាងក្រុមហ៊ុន អ្នកស្រីលីមួយហ៊ាងបានប្រាប់កាសែតថា ក្រុមហ៊ុនគាត់ជាអ្នកទទួលថ្មបាក់ទេ ផ្លូវលំមួយខ្សែនេះ គឺក្រុមហ៊ុន ឈ្មោះអ៊ុក ហង្សសីហា ជាអ្នកដឹកដីធ្វើឲ្យស្រុតផ្លូវមួយខ្សែនេះ ហើយគេដកគ្រឿងចក្រទៅបាត់ ។ អ្នកស្រីលី មួយហ៊ាង បន្តទៀតថា លោកអភិបាលខេត្តធ្លាប់ហៅលោកស្រីដោះស្រាយនៅសាលាខេត្តរួចហើយ ការពិតគឺក្រុមហ៊ុន អ៊ុកហង្សសីហា បានជួលគ្រឿងចក្រ ក្រុមហ៊ុនអ្នកស្រី ដឹកដីឲ្យក្រុមហ៊ុនចិន នៅតំបន់សេដ្ឋកិច្ចពិសេស ជីលូ ដោយឈ្មោះអ៊ុកសីហា ជាអ្នកចុះកុងត្រា ដឹកដីឲ្យក្រុមហ៊ុនចិន២,០០០រថយន្ត ទើបក្រុមហ៊ុនចិនទូទាត់បើកប្រាក់ឲ្យ ។ លុះដល់ដឹកដីបានគ្រប់២,០០០រថយន្ត ស្រាប់តែឈ្មោះអ៊ុកសីហា ដកគ្រឿងចក្ររបស់គេចេញទៅបាត់ ហើយប្រាប់ថា ថ្លៃដឹកដី គឺទៅបើកលុយពីក្រុមហ៊ុនចិនខ្លួនឯងទៅ គាត់ឈប់ដឹកទៀតហើយ?។តែមេការក្រុមហ៊ុនចិនប្រាប់ថា ឈ្មោះអ៊ុកហង្សសីហា បានបើកលុយយកអស់ហើយ។ ឈ្មោះអ៊ុកហង្សសីហា ទូរសព្ទ័ក៏លែងចូល គឺមិនអាចទាក់ទងចាប់តាំងពីខែតុលា២០២២មកម្លេះ គឺទឹកប្រាក់ថ្លៃដឹកដីចំនួន៦ម៉ឺនដុល្លារ។
អ្នកស្រីលីមួយហ៊ានគាត់នៅតស៊ូ ដឹកដីឲ្យក្រុមហ៊ុនចិនបន្ត ដើម្បីដោះស្រាយទូទាត់សងថ្លៃប្រេងនិងបើកឲ្យកម្មករ។លោកស្រីថៅកែឡានដឹកដីប្រាប់ថាចំពោះរណ្តៅដី គឺ ក្រុមហ៊ុនចិន ជាអ្នកទិញដី(ដីចិន)អ្នកស្រីមានតែគ្រឿងចក្រ ជួលគេមកធ្វើអាជីវកម្ម ចំពោះ ជម្រៅនិងច្បាប់អនុញ្ញាតិគឺលើក្រុមហ៊ុនចិនជាអ្នកសុំពីអាជ្ញាធរ ។ហើយរណ្តៅដីជាច្រើនរណ្តៅគឺក្រុមហ៊ុនជាច្រើនក្រុមហ៊ុនមកជីកហើយចប់កុងត្រាគេដកគ្រឿងចកហរទៅវិញអស់ហើយ។លោកបាត់ សាក់ប្រធានការិយាល័យធនធានរ៉ែ នៃមន្ទីររ៉ែនិងឋាមពលខេត្តបានក៏ឆ្លើយបែបមិនទទួលខុសត្រូវថា មិនមែនជាសមត្ថកិច្ចរបស់មន្ទីរទេគឺ តំបន់សេដ្ឋកិច្ចពិសេសជីលូ គេមានអាជ្ញាបណ្ណ័ពីក្រសួងចេញដោយអនុក្រិត្យ ។ចំណែកឈ្មោះអ៊ុក ហង្សសីហា បានបដិសេធន៍ ថាលោកមិនបានជំពាក់ប្រាក់ក្រុមហ៊ុនលីមួយហ៊ាង ដូចការចោទប្រកាន់នោះទេ ។ក្រុមហ៊ុនលោកបានបញ្ចប់កុងត្រាជាមួយលោកម៉េងសាន តំណាងក្រុមហ៊ុនតំបន់សេដ្ឋកិច្ចពិសេសជីលូ តាំងពីខែ០៩ឆ្នាំ២០២២ម្លេះ គឺពុំមានពាក់ពន្ធ័ ឬជំពាក់ថ្លៃដឹកអាចន៍ដីជាមួយក្រុមហ៊ុន លីមួយហ៊ាងទេចំណែកក្រុមហ៊ុនចិន មិនអាចទាក់ទងបានទេ ៕