វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2465 នាក់
ម្សិលមិញ 5544 នាក់
សរុប 13943562 នាក់
បាត់ដំបង៖ ព្រះសង្ឃចំនួន២១អង្គ គង់នៅវត្តខ្នាចរមាស ស្រុកបវេល ខេត្តបាត់ដំបង ដែលបានឡើងកម្តៅខ្លួនខ្លាំងភ្លាមៗដោយមិនដឹងពីមូលហេតុ ត្រូវដឹកយកទៅជួយសង្គ្រោះនៅរសៀលថ្ងៃទី២ ខែវិច្ឆិកា ឆ្នាំ២០២២ឡូវដឹងមូលហេតយហើយមិនមែនខ្មោចចូលឬពុលង្វីឡើយ។
ក្រុមការងារជំនាញរបស់មន្ទីរសុខាភិបាលនៃរដ្ឋបាលខេត្តបាត់ដំបង ដឹកនាំដោយលោកវេជ្ជបណ្ឌិតអ៊ុក វិទ្យា អនុប្រធានមន្ទីរសុខាភិបាលនៃរដ្ឋបាលខេត្តបាត់ដំបង បានចុះទៅដល់មន្ទីរពេទ្យបង្អែកស្រុកថ្មគោល ដើម្បីយកសំណាកធ្វើតេស្ត ក្នុងការវិនិច្ឆ័យ បានផ្តល់ព័ត៌មានមកក្រុមការងារប្រចាំខេត្តបាត់ដំបង នៅព្រឹកថ្ងៃទី៣ ខែវិច្ឆិកា ឆ្នាំ២០២២នេះ លទ្ធផលបានបង្ហាញថា ព្រះសង្ឃទាំង២១អង្គនោះគឺអវិជ្ជមាន បានន័យថា មិនមានករណីគ្រុនឈាមទេ គឺជាករណីឈឺបំពង់ក ផ្តាសាយធម្មតាតែប៉ុណ្ណោះ ។
លោកវេជ្ជបណ្ឌិត អនុប្រធានមន្ទីរសុខាភិបាលនៃរដ្ឋបាលខេត្តបាត់ដំបង បានបន្តថា រហូតមកដល់នឹងពេលនេះព្រះសង្ឃទាំង២១អង្គ ដែលមានអាការៈឈឺបំពង់ក ផ្តាសាយនោះបានគង់នៅសម្រាកព្យាបាលនៅមន្ទីរពេទ្យបង្អែកស្រុកថ្មគោល ដោយមានការយកចិត្តទុកដាក់យ៉ាងខ្លាំងពីសំណាក់ក្រុមគ្រូពេទ្យជំនាញនៅទីនោះ ក្នុងករណីបានធូរស្រាលហើយទើបអនុញ្ញាតិឱ្យនិមន្តទៅទីអារាមវិញ ។