វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1360 នាក់
ម្សិលមិញ 5378 នាក់
សរុប 14080653 នាក់
សៀមរាប៖ ករណី ព្រះគ្រូចៅអធិការវត្តរាជបូណ៌ដ៏ល្បី ក្រុងខេត្តសៀមរាបដែលប្រើហឹង្សា ដាក់វិន័យកូនសិស្សជាសង្ឃត្រូវបានដោះស្រាយរួចរាល់ដោយព្រះមហាវិមលធម្ម ពិន សែម សិរីសុវណ្ណោ និងជាព្រះគ្រូចៅអធិការវត្តរាជបូណ៌បានសន្យាថាឈប់ធើចឹងទៀតហើយ។
សេចក្តីជូនដំណឹង យោងតាមសេចក្តីជូនដំណឹងរបស់គណៈសង្ឃនាយកនៃកម្ពុជា នៅថ្ងៃទី១៥ ខែមីនា ឆ្នាំ២០២១នេះ បញ្ជាក់ថាលេខាធិការដ្ឋានគណៈសង្ឃនាយកនៃកម្ពុជាបានសំណូមពរ ដល់ព្រះមន្ត្រីសង្ឃ ព្រះថេរានុថេរៈ និងសាធារណជន ព្រះមេត្តា និងមេត្តាទទួលយក និងរក្សាភាពស្ងៀមស្ងាត់ បញ្ចប់ការលើកឡើងពីបញ្ហានេះបន្តទៀត។
សូមជម្រាបថា ប៉ុន្មានថ្ងៃនេះ តាមបណ្តាញសង្គមហ្វេសប៊ុកមានចាបអារម្មណ៍ចំពោះសកម្មភាពរបស់ព្រះតេជគុណ ពិន សែម ដែលបានដាក់វិន័យ ក្នុងការប្រៀនប្រដៅ ដោយប្រើរំពាត់វាយធ្ងន់ៗទៅលើកូនសិស្សជាព្រះសង្ឃ ចំនួន៩អង្គ ដែលធ្វើខុស និងខ្ជិលរៀនបង្កឲ្យមានការចាប់អារម្មណ៍រិះគន់យ៉ាងខ្លាំង។ ក្នុងកំណត់ហេតុដោះស្រាយ បានបញ្ជាក់ យ៉ាងដូច្នេះថា៖ «ដោយបានពិនិត្យមើលសេចក្តីបំភ្លឺ និងចម្លើយ របស់ភិក្ខុ និងសាមណេរ ០៩ ព្រះអង្គ និងចម្លើយរបស់ ព្រះតេជគុណ ពិន សែម ព្រះចៅអធិការវត្តរាជបូណ៌រួចមក យើងសន្និដ្ឋានបានថា ករណីនេះមិនមែនជាអំពើហិង្សាធ្វើទារុណកម្ម ទណ្ឌកម្មឃោរឃៅនោះទេ តែគឺជាអំពើទូន្មានប្រៀនប្រដៅ និងការដាក់វិន័យរបស់ព្រះគ្រូចៅអធិការដល់ ភិក្ខុ និងសាមណេរ ដែលប្រព្រឹត្តខុសនិងវិន័យ ដែលបានចែងក្នុងបទកំណត់ផ្ទៃក្នុងរបស់វត្តរាជបូណ៌តែប៉ុណ្ណោះ ហើយព្រះសង្ឃដែលធ្លាប់ទទួលវិន័យទាំង០៩អង្គសុទ្ធតែមានសង្ឃដីកាថា ពួកខ្លួនពិតជាយល់ព្រមទទួលនូវវិន័យទាំងនេះ។ ហើយព្រះគ្រូចៅអធិការក៏បានយល់ពីកំហុសថាបានដាក់វិន័យទៅដល់ ភិក្ខុសង្ឃ និងសាមណេរក្នុងរូបភាពនេះ គឺជាការផ្ទុយនឹងច្បាប់កម្ពុជា ព្រមទាំងបានធ្វើកិច្ចសន្យា បញ្ឈប់នូវការធ្វើអំពើរបៀបនេះទៀត»។
បន្ថែមលើនេះព្រះតេជគុណ ពិន សែម ដែលមានព្រះជុន្មាយុ ៨០ព្រះវស្សា បានធ្វើកិច្ចសន្យាថា៖
១៖ ស្វែងយល់ពីច្បាប់នៃព្រះរាជណាចក្រកម្ពុជា ស្តីពីការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ ច្បាប់ស្តីពីសិទ្ធិមនុស្ស ច្បាប់ស្តីពីកិច្ចការពារកុមារ។២៖ អាត្មាភាពឈប់អប់រំភិក្ខុ និងសាមណេរ តាមបែបប្រើអំពើហិង្សាវាយដំចាប់ពីថ្ងៃនេះតទៅ។
៣៖ អាត្មាភាពសូមកែប្រែនូវការអប់រំ ទូន្មានប្រដៅដល់ភិក្ខុ និងសាមណេរតាមបែបវិន័យព្រះពុទ្ធសាសនា និងអហិង្សាវិញ។៤៖ ចាប់ពីថ្ងៃនេះតទៅអាត្មាភាពមិនមានការគុំគួន ស្អប់ខ្ពើមរើសអើងដល់ភិក្ខុ និងសាមណេរ ដែលបានប្រព្រឹត្តខុសក្នុងវត្តរាជបូណ៌ ឬបោះបង់គ្រប់សង្ឃដែលប្រព្រឹត្តកំហុសនោះឡើយ គឺប្រៀនប្រដៅដោយយុត្តិធម៌ និងមិនលំអៀង។៥៖ អាត្មាភាពបន្តការដឹកនាំភិក្ខុ និងសាមណេរ នៅក្នុងវត្តរាជបូណ៌ ដើម្បីឲ្យមានភាពរីកចំរើនប្រកបដោយកិត្តិយសក្នុងព្រះពុទ្ធសាសនា៕