វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4805 នាក់
ម្សិលមិញ 10264 នាក់
សរុប 14143987 នាក់
កំពត: បុរសម្នាក់មានគោរមងារឧកញ៉ាជាប្រធានក្រុមហ៊ុនរៀលអេស្ទេតមួយ (អចលនៈទ្រព្យ)បានជួលរថយន្តធុនធំអ្នកដទៃជាង១០គ្រឿង យកទៅប្រើការ បែរជាបញ្ចាំ និងលក់គ្មានសល់។កាលពីព្រឹកថ្ងៃទី១៣ ខែមីនា ឆ្នាំ២០២១ ចៅក្រមស៊ើបសួរសាលាដំបូងខេត្តកំពត បានសម្រេចឃុំខ្លួនឈ្មោះធី ហួត ភេទប្រុស អាយុ ៤០ឆ្នាំជាឧកញ៉ា មានទីលំនៅភូមិសំរោង ឃុំប្រណាក ក្រុងព្រះវិហារ ខេត្តព្រះវិហារពីបទរំលោភលើទំនុកចិត្ត។
កាលពីអំឡុងខែធ្នូ ឆ្នាំ២០២០ ក្នុងនាមជាប្រធានក្រុមហ៊ុនហ្គោលរៀលអ៊ីស្ទេត លោកឧកញ៉ា ធី ហួត បានជួលរយន្តធុនធំជាង១០គ្រឿង ពីប្រជាពលរដ្ឋនៅខេត្តកំពត ខេត្តកំពង់ស្ពឺ និងរាជធានីភ្នំពេញ។ តែបយរស លោកធី ហួតដែលមានគោរមងារសេដ្ឋីបានយករថយន្តទាំងនោះទៅលក់ និងបញ្ចាំដាច់ទាំងអស់។ ម្ចាស់រថយន្តនៅខេត្តកំពត បានដាក់ពាក្យបណ្តឹងរហូតសាលាដំបូងតម្រូវឱ្យចូលខ្លួន តែជនសង្ស័យបានព្យាយាមគេចវេះ។
ដោយមានដីកាបង្គាប់ឱ្យនាំខ្លួនរបស់សាលាដំបូងខេត្ត នគរបាលលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ថ្ងៃទី១១ ខែមីនា ឆ្នាំ២០២១ បានប្រទះឃើញជនសង្ស័យ ធ្វើដំណើរលើផ្លូវជាតិលេខ៣ ក៏នាំគ្នាដេញតាមទាន់ និងឃាត់ខ្លួនបានពេលឆ្លងចូលដល់ឃុំអូរសារាយ ស្រុកត្រាំកក់ ខេត្តតាកែវ នាំមកអនិវត្តតាមនីតិវិធីតែម្តងទៅ៕