វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10214 នាក់
ម្សិលមិញ 8227 នាក់
សរុប 14137095 នាក់
ភ្នំពេញ៖ ថ្ងៃទី១៤ ខែកញ្ញា ឆ្នាំ២០២២សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចេញលិខិតបង្គាប់ការមួយដោយចាត់ឲ្យលោកឧត្តមសេនីយ សុខ ផល រដ្ឋលេខាធិការក្រសួងមហាផ្ទៃ ដើម្បីដឹកនាំសហការបង្ក្រាបបទល្មើសល្បែង ស៉ីសង់គ្រប់ប្រភេទ នៅទូទាំងប្រទេស។ សម្ដេចក្រឡាហោម ស ខេង បានបញ្ជាក់ក្នុងលិខិតបង្គាប់ការយ៉ាងដូច្នេះថា «ត្រូវបានចាត់ ឯកឧត្តម សន្ដិបណ្ឌិត សុខ ផល រដ្ឋលេខាធិការក្រសួងមហាផ្ទៃ ដឹកនាំក្រុមការងារ ដើម្បីសហការបង្ក្រាបបទល្មើសល្បែងស៉ីសងគ្រប់ប្រភេទ ទូទាំងប្រទេស។ លិខិតបង្គាប់ការនេះ មានប្រសិទ្ធភាពអនុវត្តចាប់ពីថ្ងៃទី១៤ ខែកញ្ញា ឆ្នាំ២០២២ រហូតដល់ថ្ងៃបញ្ចប់បេសកកម្ម»។
មានការកត់សម្គាល់ថា៖ការបញ្ជាទៅមន្ត្រីក្រោមឱវាទឱ្យពង្រឹងការបង្ក្រាបល្បែងស៊ីសងនេះ ធ្វើឡើងក្រោយពីអ្នកសារព័ត៌មានក្នុងស្រុកបានរាយការណ៍ជាបន្តបន្ទាប់ ជុំវិញការបើកល្បែងស៊ីសងតាមបណ្ដាឃុំស្រុកមួយចំនួន ដូចជា ល្បែងប្រជល់មាន់តាមអនឡាញ ល្បែងជល់មាន់ បៀរអាប៉ោង និងល្បែងឡូតូ ជាដើមដែលបង្ហាញឲ្យឃើញពីភាពកម្សោយនៃការអនុវត្តន៍គោលនយោបាយភូមិឃុំមានសុវត្ថិភាព។ទោះជាយ៉ាងណាការចាត់លោកនាយឧត្តមសេនីយ៍សុខផលគឺល្អព្រោះកន្លងមកលោកសុខផលធ្លាប់ធ្វើជាប្រធាននាយយកដ្ឋានពត៍មានបន្ទាប់មកប្រធាននគរបាលកណ្តាលសន្តិសុខនិងឡើងមកជាអគ្គនាយកដ្ឋានគរបាលអន្តោរប្រវេសន៍មុននិងចូលនិវត្តន៍ហើយតែងតាំងមុខងារនយោបាយជារដ្ឋលេខាធិការដែលបង្ហាញថាលោកសុខផលមានបទពិសោធគ្រប់គ្រាន់ប្រសិនបើលោកធ្វើ។
ក្រៅពីរឿងល្បែងនេះបញ្ហាជួញដូរមនុស្សនិងការលាងលុយក៏បង្កជាការព្រួយបារម្ភផងដែរ។រដ្ឋមន្ត្រីក្រសួងមហាផ្ទៃសម្តេចក្រឡាហោម ស ខេង ក្នុងពិធីមួយកាលពីថ្ងៃទី៨ ខែកញ្ញានេះ បានទម្លាយថាមាន មេខ្លោងជួញដូរមនុស្សបណ្ដាញអន្តរជាតិ កំពុងប្រើប្រាស់ទឹកដីកម្ពុជាធ្វើជាកន្លែងឆបោកតាមប្រព័ន្ធអនឡាញយ៉ាងសាហាវ។សម្តេចបានគូសបញ្ជាក់ថា ភាគច្រើនបញ្ហានេះកើតឡើងនៅខេត្តព្រះសីហនុ តែមានពីរករណីរកឃើញនៅភ្នំពេញ ជនរងគ្រោះជាជនជាតិជប៉ុន តែត្រូវបានជួយសង្គ្រោះដោយសុវត្ថិភាព។
សម្តេចបានជំរុញឱ្យមន្ត្រីរួមគ្នាទប់ស្កាត់ ដើម្បីកុំឱ្យកម្ពុជារអិលធ្លាក់ទៅក្នុងបញ្ជីខ្មៅ នាំទៅដល់ហានិភ័យវិស័យធនាគារ និងសន្តិសុខសង្គម៖ «នេះជាបទល្មើសមួយដែលមានអង្គការចាត់តាំង ទាំងបទល្មើសគ្រឿងញៀន និងបទល្មើសជួញដូរមនុសុ្ស […] អ៊ីចឹងបញ្ហានេះ ជាបញ្ហាប្រឈមរបស់យើងមានពីរចំណុច ដែលខ្ញុំចង់បញ្ជាក់ថាទាក់ទងនឹងមុខមាត់ប្រទេស គឺទី១ ទាក់ទងនឹងបញ្ជីប្រផេះនៃធនាគារនៅកម្ពុជា និងទី២ គេហៅថាចំណាត់ថ្នាក់លេខ៣ នៃការជួញដូរមនុសុ្ស»។