វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2204 នាក់
ម្សិលមិញ 10264 នាក់
សរុប 14141386 នាក់
ភ្នំពេញ៖នៅថ្ងៃទី១៨ ខែមីនា ឆ្នាំ២០២១នេះលោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានចេញប្រកាស សម្រេចលុបអាជ្ញាបណ្ណសារព័ត៌មានរបស់ លោក ផែង វណ្ណៈ ដោយសំអាងថាប្រើពាក្យសម្តី និងសំណេរប៉ះពាល់ធ្ងន់ធ្ងរដល់វិស័យពុទ្ធសាសនា។
ក្នុងប្រកាសរបស់ក្រសួងព័ត៌មាន បានសម្រេចលុបប្រកាសលេខ៣៣៦ ព.ម .ប្រក ចុះថ្ងៃទី២៨ ខែកញ្ញា ឆ្នាំ២០១៨ របស់ក្រសួងព័ត៌មាន ដែលអនុញ្ញាតឱ្យលោក ផែង វណ្ណៈ បើកដំណើរអាជីវកម្មគេហទំព័រឈ្មោះ www.phengvannaknews.com" ដោយម្ចាស់អាជ្ញាបណ្ណ បានជេរប្រមាថចំពោះព្រះសង្ឃ ធ្វើឱ្យប៉ះពាល់យ៉ាងធ្ងន់ធ្ងរលើវិស័យព្រះពុទ្ធសាសនាដែលជាសាសនារបស់រដ្ឋ ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួនបានតម្កល់ទុកនៅក្រសួងព័ត៌មាន។
សូមបញ្ជាក់ដែរថានៅថ្ងៃទី១៧ ខែមីនា ឆ្នាំ២០២១ព្រះមេគណខេត្តសៀមរាប បានផ្ញើលិខិតមួយច្បាប់មកសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត ដើម្បីស្នើដល់រាជរដ្ឋាភិបាល ថ្កោលទោសចំពោះបុគ្គល ផែង វណ្ណៈ ដែលបានប្រមាថលើព្រះចៅអធិការវត្តរាជបូណ៌ ខេត្តសៀមរាប កាលពីពេលថ្មីៗនេះ។
កាលយប់ថ្ងៃទី១៤ ខែមីនា ឆ្នាំ២០២១ នៅវត្តរាជបូណ៌ មានករណីថតជាវីដេអូ នូវសកម្មភាពប្រៀនប្រដៅសិស្សគណរបស់ព្រះមហាវិមលធម្ម ដោយរំពាត់ផ្តៅ(ខុសច្បាប់ជាតិ) បានធ្វើឱ្យព័ត៌មាននេះ ដឹងដល់សាធារណជន ធ្វើឱ្យបញ្ហានេះត្រូវបានមន្ត្រីអាជ្ញាធរខេត្ត និងសាលាគណខេត្តសៀមរាប ស្រាវជ្រាវពិនិត្យទៅលើផ្លូវច្បាប់ និងទៅតាមធម៌វិន័យរបស់ព្រះពុទ្ធជាម្ចាស់។
ចំណែកខាងសាលាគណខេត្ត បាននិមន្តបើកកិច្ចប្រជុំថេរសភាសង្ឃខេត្ត ហើយសម្រេចលើកទោសតាមវិន័យត្រូវអាបត្តិ (បាចិត្តិយ) ចំពោះព្រះមហាវិមលធម្ម ព្រះគ្រូចៅអធិការវត្តរាជបូណ៌ និងបានសម្រេចឱ្យព្រះគ្រូចៅអធិការវត្ត (ធ្វើកិច្ចសន្យាបញ្ឈប់ធ្វើចឹងទៀត)ដើម្បីបញ្ចប់រឿង។
ញត្តិបានចោទឈ្មោះ ផែង វណ្ណៈថា បាន Live តាមផេករបស់ខ្លួន បានលើកឡើងថា ប្រសិនបើវាយកូនខ្ញុំបែបនេះ ខ្ញុំអត់ទៅប្តឹងទេ ខ្ញុំទៅបាញ់ចោលតែម្តងចំពោះអ្នកប្រព្រឹត្ត "ចង់យកផ្ដៅវាយក្បាលម្នាក់បីជ្រៅទៀតផង"។ញត្តិបញ្ជាក់ថា៖ ព្រះមេគណខេត្តសៀមរាប ស្នើដល់សម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ងែត ជួយស្នើទៅរាជរដ្ឋាភិបាលឱ្យមានចំណាត់ការថ្កោលទោស ចំពោះបុគ្គលឈ្មោះ ផែង វណ្ណៈ តាមច្បាប់ឱ្យសមនឹងទង្វើដែលបានប្រព្រឹត្ត។បន្ទាប់ពីលិខិតនេះនិងដោយយោងតាមគីឡូរវាងផែងវណ្ណៈនិងសម្យតេចសង្ឃលោករដ្ឋមន្ត្រីក្រសួងពត៍មានក៏ចាត់ការលោកផែងវណ្ណៈហ្ន៉ងទៅ៕