ឃាត់ខ្លួនអ្នកលក់ចែកចាយបារីអេឡិចត្រូនិច១នាក់ ដកហូតបារីអេឡិចត្រូនិចបាន៩១ប្រអប់

ភ្នំពេញ ៖ កាលពីវេលាម៉ោង៦ និង៣០នាទី ថ្ងៃទី០៣ ខែមីនា ឆ្នាំ២០២៦ កម្លាំងអាវុធហត្ថរាជធានីភ្នំពេញ និងកម្លាំងអាវុធហត្ថទួលគោក បានឃាត់ខ្លួនជនសង្ស័យ ០១នាក់ ដែលជាអ្នកលួចលក់ឧបករណ៍អេឡិចត្រូនិកសម្រាប់ជក់សារធាតុគីមី នៅចំណុចផ្លូវលេខ១២៨ សង្កាត់ទឹកល្អក់១ ខណ្ឌទួលគោក និងបន្តទៅឆែកនៅបន្ទប់ដែលជនសង្ស័យស្នាក់នៅចំណុច ផ្ទះលេខ៣៥ ផ្លូវ១៥០កែង២២១ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។ 

នៅក្នុងការចុះបង្ក្រាប និងឃាត់ខ្លួននេះ សមត្ថកិច្ចបានដកហូតយកវត្ថុតាងបារីអេឡិចត្រូនិចចំនួន៩១ប្រអប់ នាំយកមកអង្គភាព ដើម្បីចាត់ការតាមនីតិវិធីច្បាប់។ករណីដូចគ្នានេះដែរ កន្លងមកកងកម្លាំងអាវុធហត្ថរាជធានីភ្នំពេញ តែងតែធ្វើការទប់ស្កាត់ និងបង្ក្រាបបានជាបន្តបន្ទាប់ជាច្រើនករណីរួចមកហើយ។ កម្លាំងសមត្ថកិច្ចរបស់អាវុធហត្ថនឹងធ្វើការបង្ក្រាបជាបន្តបន្ទាប់ទៀតរហូតដល់ការប្រើប្រាស់ និងការលក់ឧបករណ៍ជក់បារីអេឡិចត្រូនិចនេះអស់ពីក្នុងភូមិសាស្ត្ររាជធានីភ្នំពេញ៕