វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4554 នាក់
ម្សិលមិញ 10264 នាក់
សរុប 14143736 នាក់
ភ្នំពេញ៖ គ្រាប់បែកបង្កៃ ១គ្រាប់ ត្រូវបានអ្នកថែសួនប្រទះឃើញដាក់ជាប់នឹងនំខេក នៅលើសួនច្បារផ្លូវរដ្ឋសភា និងខាងមុខក្រុមហ៊ុនណាហ្គាវើលដ៍២ ក្នុងភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បង្កការភ្ញាក់ផ្អើលកាលពីវេលាម៉ោងជាង ៦ព្រឹក ថ្ងៃទី១៥ ខែធ្នូ ឆ្នាំ២០២២ នោះសមត្ថកិច្ចជំនាញបានធ្វេីការបំផ្ទុះចោលហើយពុំបានបណ្ដាលឱ្យនរណាម្នាក់រងរបួសឬគ្រោះថ្នាក់ឡើយ ។
ស្ត្រីជាអ្នកបោសសំរាមដែលបានប្រទះឃើញគ្រាប់បែកនោះ អ្នកស្រី ពៅ សាវី បានរៀបរាប់ប្រាប់អ្នកសារព័ត៌មាននៅកន្លែងកើតហេតុនោះថា នៅម៉ោងប្រមាណ៦ព្រឹក អ្នកស្រីបានទៅបោសសំរាមដូចសពដងនៅតាមដងវិថីរដ្ឋសភា ស្រាប់តែពេលនោះ អ្នកស្រីបានប្រទះឃើញវត្ថុម្យ៉ាងពណ៌ស និងមានសភាស្អិត ហើយអ្នកស្រីក៏បានកាយមើល ស្រាប់តែប្រទះឃើញគ្រាប់បែកនោះតែម្តង ទើបអ្នកស្រីប្រញាប់រាយការណ៍ទៅសមត្ថកិច្ច។អ្នកស្រីថា៖ «ខ្ញុំកាយមើលសង្ស័យ សង្ស័យគ្រាប់ស្អីគេ ក៏កាយមើល ដល់កាយចេញជារូបគ្រាប់ ខ្ញុំនៅ[មិនអស់ចិត្ត]នេះទៀត ស្មានតែដបទឹកអប់ ខ្ញុំកាយទៀត កាយទៅឃើញខ្សែភ្លើង។ វាអត់មានថង់ទេ វានៅស្អិតៗដូចនំខេក ឬរបៀបថង់ប្លាស្ទិក»។
ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) លោក ហេង រតនា នៅពុំទាន់អាចបញ្ជាក់លម្អិតជុំវិញហេតុការណ៍នេះបាននៅឡើយទេ ដោយគ្រាន់តែបញ្ជាក់ថា ៖ «គ្រាប់បែកដៃ[…]យើងចូលទៅធ្វើការទៅ ឆែកសុវត្ថិភាព គេដាក់ខ្សែទាញមើលអីទៅ វាក៏ផ្ទុះ»។បុរសម្នាក់ឈ្មោះ ហេង ស៊ីលាភ មុខរបររត់តាក់ស៊ី បានប្រាប់ឱ្យដឹងថា នៅម៉ោងប្រហែល ៦និង១០នាទី មាននារីកម្មករអនាម័យថែសួនម្នាក់ បានមកប្រាប់គាត់ថា «ពូ ! ជួយទៅមើលបន្តិចមើល ! មានដែកស្អីមូលៗជាប់នំខេក នៅលើផ្លូវ ឥឡូវខ្ញុំយកទៅដាក់លើលើសួនច្បារហើយ» ។ ពេលគាត់ទៅដល់ស្គាល់ច្បាស់ថាគ្រាប់បែក។ គាត់ក៏បានរាយការណ៍ជូនសន្តិសុខណាហ្គាវើលដ៍ រួចរាយការណ៍មកសមត្ថកិច្ច ។
តាមសម្ដីនារីម្នាក់ (មិនស្គាល់ឈ្មោះ) បាននិយាយថា៖ នៅម៉ោងប្រហែលជាង ២រំលងអធ្រាត្រ មានយុវជន ២នាក់ ជិះម៉ូតូមកក្បែរសួនច្បារមុខរដ្ឋសភា និងសួរគ្នាថា យកដាក់កន្លែងណា? ម្នាក់ទៀតឆ្លើយថា៖ យកដាក់ចំពីមុខតែម្ដងទៅ មួយសន្ទុះពួកគេជិះម៉ូតូចេញទៅវិញ (គាត់មិនចាប់អារម្មណ៍) ។បន្ទាប់ពីសមត្ថកិច្ចជំនាញ ស៊ីម៉ាក់ (CIMAX) បានចុះមកដល់ បានធ្វើការស្រាវជ្រាវ និងពិនិត្យកន្លែងកើតហេតុ រួចក៏សម្រេច បំផ្ទុះគ្រាប់បែកបង្កៃ ០១គ្រាប់ដោយសុវត្ថិភាព។លោកឃួងស្រេងអភិបាលរាជធានីត្រូវបានឃើញទៅដល់កន្លែងកើតហេតុដែរតែមិនមានការនិយាយអ្វីទេ។តែបើតាមអ្នកនាំពាក្យក្រសួងមហាផ្ទៃវិញបាននិយាយប្រាប់កាសែតផ្ទុយវិញថាជាសង្ស័យជិះរថយន្តដែលបើតាមស្លាកលេខដែលថតបានគឺជាកម្មសិទ្ធរបស់ជនជាតិចិន។មន្ត្រីក្សួងមហាផ្ទៃបានអះអាងថាការរកឃើញគ្រាប់បែកនិងបំផ្ទុះចោលនេះវាមិនមែនជាសកម្មភាពភេរវកម្មឬនយោបាយអ្វីទេ។សមត្ថកិច្ចជំនាញកំពុងធ្វើការស្រាវជ្រាវ ស្វែងរកជនល្មើស ដែលយកមកគ្រាប់បែក មកដាក់បង្កៃនេះ។ចាំមើលតិចមើលថាតើការរកឃើញគ្រាប់បែកចឹងអាចជាមូលហេតុសម្រាប់បិទខ្ទប់បាតុករកាស៊ីណូណាហ្កាមិនឲ្យបន្តតវ៉ាទៀតដែរឬទេ?៕