វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3678 នាក់
ម្សិលមិញ 6677 នាក់
សរុប 14151254 នាក់
ប្រទេសថៃ ៖ សមត្ថកិច្ចថៃនៅព្រឹកថ្ងៃទី២៨កក្កដា២០២២នេះបានឃាត់ខ្លួនជនជាតិខ្មែរម្នាក់និងបុរសជនជាតិថៃ២នាក់ដោយ រឹបអូសបារីបរទេសម៉ាកផ្សេងៗគ្នាចំនួន៣,៨៩៥សុង នឹងរថយន្ត១គ្រឿង នៅព្រំប្រទល់ស្រុកខ្លងហាត-ស្រុកអារញ្ញ ខេត្តស្រះកែវថៃ។ក្រោយពីឃាត់ខ្លួនជនសង្ស័យ សមត្ថកិច្ចបើកទ្វារឃ្លុបរថយន្ត ម៉ាកតូយ៉ូតា រីវ៉ូ ព៌ណខ្មៅ ព្រមជាមួយបុរស៣នាក់ ថៃ២នាក់ នឹងខ្មែរម្នាក់ ព្រមទាំងវត្ថុតាងបារីបរទេសគេចពន្ធយ៉ាងច្រើន ទើបសមត្ថកិច្ចឃុំខ្លួនទាំង៣នាក់ មកសួរចម្លើយ។
អ្នកទាំងបី ក្នុងនោះរួមមានឈ្មោះ បុណ្យប្រាដាប់ ចៃភក្ដី អាយុ៣៥ឆ្នាំជនជាតិថៃនឹងជាអ្នកបើករថយន្ត,ចាន់មិន បុណ្យសុភា អាយុ២៥ឆ្នាំ ជនជាតិថៃ នឹង ដូង រា អាយុ២៩ឆ្នាំ ជនជាតិខ្មែរ មានទីលំនៅក្រុងប៉ោយប៉ែត ខេត្តបន្ទាយមានជ័យ។សមត្ថកិច្ចថៃត្រួតពិនិត្យក្នុងរថយន្តខាងលើ ឃើញមានបារីបរទេសម៉ាកផ្សេងៗ រួមមាន ៖ ម៉ាកLUXURYចំនួន១,១៣២សុង ស្មើនឹង១,១៣២០កញ្ចប់,ម៉ាកGOLDចំនួន១,៨៦៣សុង ស្មើនឹង១៨,៦៣០កញ្ចប់,ម៉ាកIZAចំនួន៣៥០សុង ស្មើនឹង៣,៥០០កញ្ចប់,FINEចំនួន១០០សុង ស្មើនឹង១,០០០កញ្ចប់,ម៉ាកLAPINចំនួន៣០០សុង ស្មើនឹង៣,០០០កញ្ចបើ,ម៉ាកARAចំនួន១០០សុង ស្មើនឹង១,០០០កញ្ចប់,ម៉ាកCOWBOYចំនួន៥០សុង ស្មើនឹង៥០០កញ្ចប់ សរុបទាំងអស់៣,៨៩៥សុង ស្មើនឹង៣៨,៩៥០កញ្ចប់។ក្រោយពីសមត្ថកិច្ចធ្វើកំណត់ហេតុចាប់ឃុំខ្លួនរួចរាល់ បានបញ្ជូនប្រគល់ជនទាំង៣នាក់ រួមទាំងវត្ថុតាងទាំងអស់ បញ្ជូនទៅឲ្យមន្ត្រីជំនាញស្រុកអារញ្ញ ដើម្បីចាត់ការតាមច្បាប់បន្ត។ ទោះយ៉ាងណាព័ត៌មានខាងលើយើងមិនទាន់មានការបំភ្លឺពីមន្ត្រីកុងស៊ុលប្រចាំខេត្តស្រះកែវនៅឡើយ ៕