វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5177 នាក់
ម្សិលមិញ 6359 នាក់
សរុប 14091810 នាក់
ភ្នំពេញ៖ក្នុងពេលដែលអ្នកទីក្រុងភ្នំពេញបាននិងកំពុងភ្ញាក់ផ្អើលរឿងជនជាតិនីហ្សរិយ៉ាម្នាក់នាំជម្ងឺអុតស្វាចូលនាព្រឹកថ្ងៃទី២៥ ខែកក្កដា ឆ្នាំ២០២២ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានទទួលជួបមន្ត្រីយោធានីហ្សេរីយ៉ាឆ្កុយ។
លោកឧត្តមសេនីយ៍ត្រី EA EJODAME សេនានុពន្ធ័យោធានីហ្សេរីយ៉ាអមស្ថានទូតប្រចាំកម្ពុជា ដែលមាននិវេសនដ្ឋាននៅទីក្រុងកូឡាឡាំពួរ ប្រទេសម៉ាឡេស៊ី។ ចូលជួបសម្ដែងការគួរសម នៅអគ្គបញ្ជាការដ្ឋាន លោកឧត្តមសេនីយ៍ត្រី EA EJODAME បានជម្រាបជូនឯកឧត្តមអគ្គមេបញ្ជាការ ពីដំណើរទស្សនកិច្ចជាលើកដំបូងរបស់លោកមកកាន់កម្ពុជា ដែលក្នុងគោលបំណងដើម្បីភ្ជាប់ទំនាក់ទំនង និងកិច្ចប្រតិបត្តិការលើវិស័យការពារជាតិរវាងប្រទេសទាំងពីរ កម្ពុជា-នីហ្សេរីយ៉ា។
លោកឧត្តមសេនីយ៍ត្រី EA EJODAME បានគូសបញ្ជាក់ថា កម្ពុជា និងនីហ្សេរីយ៉ា មានលក្ខណៈស្រដៀងគ្នានៅក្នុងប្រវត្តិសាស្ត្រ ធ្លាប់ទទួលរងនូវសង្គ្រាម ហើយបច្ចុប្បន្នប្រទេសទាំងពីរបានខិតខំប្រឹងប្រែងយ៉ាងខ្លាំងដើម្បីទទួលបានសន្តិភាព និងកំពុងចែករំលែកបទពិសោធន៍ពីការទទួលបានសន្តិភាពនេះទៅដល់បណ្តាកងទ័ពនៅលើពិភពលោក។បើតាមលោកឧត្តមសេនីយ៍ត្រី EA EJODAME ភាពខ្លាំងរបស់កងទ័ពប្រទេសទាំងពីរ កម្ពុជា នីហ្សេរីយ៉ា អាចសហការគ្នាបាន ដោយផ្អែកលើប្រទេសទាំងពីរមានវិទ្យាស្ថានកងទ័ព, មានសាកលវិទ្យាល័យការពារជាតិ និងមានមជ្ឈមណ្ឌលថែរក្សាសន្តិភាពដូចគ្នា ជាការផ្តល់ឱកាសដល់ការចែករំលែកបទពិសោធន៍ និងចំណេះដឹងឲ្យគ្នាបានយ៉ាងច្រើន។
នាយឧត្តមសេនីយ៍ វង្ស ពិសេន បានឯកភាពចំពោះការលើកឡើងរបស់លោក ឧត្តមសេនីយ៍ត្រី EA EJODAME ក្នុងការស្វែងរកឱកាសពង្រឹងទំនាក់ទំនង និងកិច្ចសហប្រតិបត្តិការរវាងកងទ័ពប្រទេសទាំងពីរ ដោយនាយឧត្តមសេនីយ៍ បានផ្តោតសំខាន់លើកិច្ចសហប្រតិបត្តិការរវាងកងទ័ពជើងគោក ជើងទឹក ជើងអាកាស និងកងកម្លាំងថែរក្សាសន្តិភាព ។មិនមានពត៍មានស្តីពីភាគីទាំងពីរនិយាយគ្នារឿងជនជាតិនីហ្សេរីយ៉ាកើតចម្ងឺអុតស្វារត់គែចពីស្រុកសៀមមកបង្កចល្លាចលក្នុងក្រុងភ្នំពេញកាលពីយប់ថ្ងៃទី២៣ក្កដានោះឡើយ៕