បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

តុលាការសម្រេចឃុំខ្លួនប្រធានផ្សារទួលពង្រ និងមនុស្ស៣នាក់ទៀត ពាក់ព័ន្ធការដើរប្រមូលចំណូលដោយមិនទទួលបានសិទ្ធិពីរដ្ឋ

បែកធ្លាយរឿងអាស្រូវ ពុករលួយរបស់លោកវរសេនីយ៍ទោ ពៅ ថាន អធិការរង នៃអធិការដ្ឋាននគរបាលស្រុកពារាំង ខេត្តព្រៃវែង

សមយុទ្ធនាគមាសជាឱកាសសម្រាប់ចិនបង្ហាញឥទ្ធិពលសព្វាវុធយោធា!

ជាច្រើនទៀត

ចំនួនអ្នកទស្សនា

ថ្ងៃនេះ 2462 នាក់

ម្សិលមិញ 16451 នាក់

សរុប 16876842 នាក់

សម្តេចតេជោ ហ៊ុន សែនបង្ហើបពីមូលហេតុដែលផ្អាកការហែរកឋិនឆ្លងប្រទេស!

17-May-2025 / ផ្សេងៗ

ភ្នំពេញ៖ ការឲ្យមានបង្កើតគម្រោងហែកឋិនឆ្លងប្រទេសដែលខកខាន១២ឆ្នាំកន្លងមកគែ ដោយសារមូលហេតុចំនួន២ធំៗគឺ៖ឆ្នាំ២០១៣ ឪពុកសម្តេចទទួលមរណភាព ដែលតម្រូវឱ្យគ្រួសារសម្រេចផ្អាកការធ្វើបុណ្យកឋិនរយៈពេល៥ឆ្នាំ។ បន្ទាប់មកនៅឆ្នាំ២០២០ម្តាយក្មេកសម្តេចមានជំងឺ និងបានទទួលមរណភាពដូច្នេះធ្វើកឋិនទានក៏បានបន្តផ្អាកជាថ្មី រហូតមកដល់២០២៤នេះទើបគម្រោងនៃការធ្វើកឋិនឆ្លងប្រទេសរបស់សម្តេចទាំងទ្វេលេចចេញជាផ្លែផ្កា។នេះជាការបង្ហើបឲ្យដឹងពីសម្តេចតេជោប្រធានព្រឹទ្ធសភានិងជាប្រធានគណបក្សប្រជាជន។ a hun kathin2

សូមបញ្ជាក់ថាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីក្រុងពាលី នមស្ការព្រះរតនត្រ័យ សមាទានសីល ចម្រើនព្រះបរិត្ត អង្គកឋិនទានមហាសាមគ្គីគ្រួសារខ្មែរ នៅរសៀលថ្ងៃទី០៣ ខែវិច្ឆិកា ឆ្នាំ២០២៤។

សម្ដេចមហាបវរធិបតី ហ៊ុន ម៉ាណែត និងលោកជំទាវ ពេជ ចន្ទមុន្នី រួមជាមួយថ្នាក់ដឹកនាំនៃស្ថាប័នធំៗក្នុងជួររាជរដ្ឋាភិបាលមួយចំនួនទៀតបានមានវត្តមានចូលរួមកម្មវិធីបនេះ។អង្គកឋិនមហាសាមគ្គីគ្រួសារខ្មែរ នឹងដង្ហែចេញពីកម្ពុជាឆ្ពោះទៅកាន់វត្តពោធិគិរីវង្សារាម ខេត្តត្រាវិញ សាធារណរដ្ឋសង្គមនិយមវៀតណាម នៅថ្ងៃទី៤ ខែវិច្ឆិកា ឆ្នាំ២០២៤ តាមច្រកអន្តរជាតិជ្រៃធំ ខេត្តកណ្តាល និងបង្ហើយបុណ្យ នៅថ្ងៃទី៥ ខែវិច្ឆិកា ឆ្នាំ២០២៤។

សូមជម្រាបជូនថាតាមសេចក្តីសម្រេចរបស់សម្តេចធិបតីហ៊ុនម៉ាណែតនាយករដ្ឋមន្ត្រី កឋិនមហាសាមគ្គីគ្រួសារខ្មែរ ជាគំនិតផ្ដួចផ្តើមរបស់សម្តេចតេជោ ហ៊ុន សែន រួមជាមួយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ អង្គកឋិននេះចំណាយពេល១២ឆ្នាំ ទើបអាចសម្រេចក្តីប្រាថ្នានៃសម្តេចទាំងទ្វេ។ ចំពោះពិធីបុណ្យកឋិនឆ្លងប្រទេសនេះដែរ ក៏មានការសម្ដែងសិល្បៈសម័យ និងល្ខោនបាសាក់ផងដែរ។

ក្បួនដង្ហែកឋិនមហាសាមគ្គីគ្រួសារខ្មែរ នឹងដឹកនាំដង្ហែដោយផ្ទាល់ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេច ម៉ែន សំអន និងថ្នាក់ដឹកនាំជាន់ខ្ពស់មួយចំនួនទៀតអមដំណើរសម្ដេចទាំងពីរ។ សូមបញ្ជាក់ថាមកដល់ពេលបច្ចុប្បន្ននេះនៅវៀតណាមមានទីអារាមខ្មែររហូតដល់ទៅ៤៦១វត្ត ដោយឡែកនៅខេត្តត្រាវិញ មានវត្តចំនួន១៤៣វត្ត។ អង្គកឋិនដែលរៀបចំដោយស្ថាប័នសង្ឃ និងស្ថាប័នដឹកនាំជាតិរបស់កម្ពុជាដង្ហែទៅកាន់វត្តខ្មែរក្រោមមិនធ្លាប់មាននោះឡើយ។បច្ច័យបានពីពិធីបុណ្យកឋិនទានមហាសាមគ្គីគ្រួសារខ្មែរនាពេលនេះ ក្រៅពីប្រគេនដល់វត្តពោធិគិរីវង្សារាមហើយនោះ ក៏នឹងប្រគេនដល់វត្ត១៤២ផ្សេងទៀត នៅក្នុងខេត្តត្រាវិញផងដែរ។

សូមបញ្ជាក់ដែរថាកាលពីរសៀលថ្ងៃទី២៨ ខែតុលា ឆ្នាំ២០២៤ នាទីស្តីការក្រសួងព័ត៌មានលោក នេត្រ ភក្ត្រា រដ្ឋមន្ត្រីក្រសួងព័ត៌មាន ដែលទទួលខុសត្រុវអនុគណៈកម្មការខ្លឹមសារ ព័ត៌មាន និងផ្សព្វផ្សាយបានជួបប្រជុំគ្នាជាមួយក្រុមការងារអ្នកព័ត៌មាន ។គោលបំណងផ្សព្វផ្សាយឲ្យបានល្អ ពិធីដង្ហែអង្គកឋិនទាន មហាសាមគ្គីគ្រួសារខ្មែរ ជាលើកទីមួយនិងជាប្រវត្តិសាស្ត្រដែលរាជរដ្ឋាភិបាលធ្វើទៅវត្តពោធិគិរីវង្សារាម ហៅវត្តស្វាយសៀមថ្មី ស្ថិតនៅភូមិស្វាយសៀម ឃុំង៉ាយស្វៀង ស្រុកថ្កូវ ខេត្តត្រាវិញ (ព្រះត្រពាំង) នៃសាធារណរដ្ឋសង្គមនិយមវៀតណាម។

អង្កកឋិនទាននេះមានអ្នកសារព័ត៌មាន ជាអ្នកសរសេរអត្ថបទ អ្នកអត្ថាធិប្បាយ អ្នកថតរូបចំនួន ៥០នាក់នឹងត្រូវទៅចូលរួមយកព័ត៌មាន នៅក្នុងពិធីដង្ហែអង្គកឋិនទាននៅវត្តខ្មែរក្រោម ដើម្បីថតធ្វើផ្សព្វផ្សាយឱ្យបានទូលំទូលាយនូវកឋិនទាន មហាគ្រួសារខ្មែរ ។សូមបញ្ជាក់ថាកាលពីថ្ងៃទី៤តុលាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសេចក្តីសម្រេច បង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម។គណៈកម្មការនេះ មានសម្តេចកិត្តិសង្គហបណ្ឌិត ម៉ែន សំអន ជាប្រធាន និងមានអនុប្រធាន-សមាជិក ២១រូបផ្សេងទៀត៕ a hun kathin3 a hun kathin4