វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1685 នាក់
ម្សិលមិញ 10264 នាក់
សរុប 14140867 នាក់
ស្ទឹងត្រែង៖សម្លេងផ្ទុះពីលើអាកាស លាន់ឮកក្រើកតំបន់ព្រំដែន បង្កឱ្យមានការភ្ញាក់ផ្អើលដល់ប្រជាពលរដ្ឋ នៅវេលាម៉ោង ៦ និង១០នាទីព្រឹក ថ្ងៃឬី២៣ឧសភា ២០១៩ នៅតំបន់ជាប់ព្រំដែនកម្ពុជា-ឡាវ ស្ថិតនៅក្នុងឃុំបុរីអូរស្វាយសែនជ័យស្រុកថាឡាបរិវ៉ាត់ ខេត្តស្ទឹងត្រែង ។
ក្រោយមកសមត្ថកិច្ចប៉ុស្តិ៍អូរស្វាយ និងប្រជាពលរដ្ឋ នៅទីនោះ ប្រមូលបានបំណែកពីការផ្ទុះនេះជាច្រើនដុំយករក្សាទុក។ សម្លេងផ្ទុះនេះ ត្រូវគេសង្ស័យថា អាចមកពីផ្ទុះយន្តហោះគ្មានមនុស្សបើក ហើយបានផ្ទុះធ្លាក់មកលើដី នៃតំបន់ព្រំដែនកម្ពុជាឡាវ ចំណុច ខាងក្រោយប៉ុស្តិ៍ នគរបាលរដ្ឋបាល ឃុំអូរស្វាយ។
ជុំវិញសម្លេងផ្ទុះលាន់កងរំពងទាំងព្រឹកព្រលឹមនេះ មិនទាន់មានសមត្ថកិច្ចណាមួយហ៊ានអះអាងថា មកពីមូលហេតុអ្វីនៅឡើយទេ។
ប៉ុន្តែ ប្រភពរាយការណ៍បានឱ្យដឹងថា អាជ្ញាធរឡាវ បានជូនដំណឹង មកអាជ្ញាធរ និងសមត្ថកិច្ចកម្ពុជា ថា សម្លេងផ្ទុះនោះ គឺជាយានផ្កាយរណបរបស់ប្រទេសចិន ហោះឡើងលើ អាកាស ហើយបានផ្ទុះជាបំណែក ធ្កាក់មកលើខេត្ត៥ នៅភាគខាងត្បូង នៃប្រទេសឡាវ និងធ្លាក់ឆ្លងចូលមក ខេត្តរបស់កម្ពុជា ជាប់ព្រំដែន ប្រទេសឡាវ។