វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2763 នាក់
ម្សិលមិញ 5378 នាក់
សរុប 14082056 នាក់
ខេត្តព្រះសីហនុ៖ព្យុះភ្លៀងទី១១ឈ្មោះ "នូល"បានទៅដល់ប្រទេសវៀតណាមនិឡាវហើយ។កម្ពុជានឹងបាត់ឥទ្ធិពលនាកណ្តាលអាធ្រាតថ្ងៃទី១៨កញ្ញានេះ។នេះបើតាមការអះអាងរបស់លោកចាន់យុត្ថារដ្ឋលេខាធិការក្រសួងធនធានទឹកនិងឧត្តុនិយមប្រាប់បណ្តាញសារពត៍មាន។
ឥទ្ធិពលនៃព្យុះភ្លៀងទី១១ឈ្មោះ "នូល"បានធ្វើឲ្យតំបន់មួយចំនួនក្នុងស្រុកព្រៃនប់ទទួលរងនូវការជន់លិចបង្កឲ្យក្មេងស្រីម្នាក់ស្លាប់ នៅវេលាម៉ោង២៣យប់ ថ្ងៃទី១៧ ខែកញ្ញាឆ្នាំ២០២០ ថ្ងៃទី១៧ ខែកញ្ញា ឆ្នាំ២០២០ ។បើតាមសមត្តកិច្ចជំនន់ទឹកភ្លៀងបានហូរកាត់លិចលំនៅឋានជាច្រើនខ្នង និងបណ្តាលឱ្យបាត់ក្មេងស្រីម្នាក់ឈ្មោះ វុទ្ធី ស្រីនី អាយុ១ខួប៨ខែ មានទីលំនៅភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ ។
ក្មេងស្រីខាងលើត្រូវបានទឹកហូរកួចយកទៅបាត់ក្នុងខណៈឪពុករបស់ក្មេងរងគ្រោះឈ្មោះ វុទ្ធី កុយ អាយុ២៣ឆ្នាំលើកក្មេងរងគ្រោះឱ្យផុតពីផ្ទៃទឹក តែរអឹលរូតធ្លាក់ចេញពីដៃចូលក្នុងទឹកហូរកួចអណ្តែតទៅបាត់។ នៅវេលាម៉ោងជាង៧ព្រឹកថ្ងៃទី១៨ ខែកញ្ញាសមត្តកិច្ចអាវុធហត្ថបានរកឃើញសពក្មេងដែលអណ្តែតទើរលើដើមឈើចម្ងាយពីផ្ទះប្រមាណជាងបីរយម៉ែត្រ។
របាយការណ៏ពីសមត្ថកិច្ចដែលចុះជួយសង្គ្រោះបានឲ្យដឹងថា ករណីទឹកជំនន់ជន់លិចភូមិដ្ឋានពលរដ្ឋខ្លាំង ក្រោយពេលមានភ្លៀងធ្លាក់ខ្លាំងនោះ គឺបណ្តាលមកពីបាក់ទំនប់អាងស្តុបទឹកមួយកន្លែងក្នុងពេលកំពុងភ្លៀងធ្លាក់ ស្ថិតក្នុងភូមិចុងអូរ ឃុំសំរុង ជាប់នឹងភូមិបន្ទាយប្រីយ៌ឃុំអណ្តូងថ្មស្រុកព្រៃនប់ ខេត្តព្រះសីហនុ។ កម្លាំងទឹកបានហូរបុកយ៉ាងគំហុក បណ្តាលអោយខូចខាតផ្ទះប្រជាពលរដ្ឋជាច្រើនខ្នង ក្នុងនោះមានផ្ទះប្រជាពលរដ្ឋមួយខ្នងដែលសង់ជាប់និងទំនប់អាងទឹក ទំហំ ៥ គុណ ៦ម៉ែត្រ ធ្វើពីឈើប្រក់សង្ក័សី ម្ចាស់ផ្ទះឈ្មោះ វុទ្ធី កុយ ភេទប្រុស អាយុ២៣ឆ្នាំ មុខរបរនេសាទ ត្រូវបានកម្លាំងទឹកហូរបុកខូចខាតផ្ទះស្ទើរទាំងស្រុង.។
រួមជាមួយអំណោយកាកបាទក្រហមនៅវេលាម៉ោង១០:០០នាទីព្រឹក ខែថ្ងៃឆ្នាំដដែល លោកវរសេនីយ៍ទោ ឆេង វុទ្ធី នាយសេនាធិការ កងរាជអាវុធហត្ថខេត្តព្រះសីហនុ បាននាំយកបច្ច័យបុណ្យសព ទឹកប្រាក់ចំនួន ១,០០០,០០០រៀល ជាថវិកាសប្បុរសធម៌របស់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ មកចូលរួមរំលែកទុក្ខដល់គ្រួសារសពផងដែរ។