វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 903 នាក់
ម្សិលមិញ 5020 នាក់
សរុប 14116350 នាក់
បាត់ដំបង៖ ករណីពុលនំបាញ់ហយនៅក្នុងវត្តសំរោងលើ ភូមិសំរោង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបងបន្ទាប់ពីប្រជាពលរដ្ឋយកចង្ហាន់ បាញ់ហយ និងមានបន្លែច្រើនមុខ ទៅប្រគេនព្រះសង្ឃ នៅថ្ងៃឧបោសថសីល រកឃើញមូលហេតុហើយ។ ករណិយ៍ពុលនេះមានព្រះសង្ឃ ៥អង្គ និងពុទ្ធបរិស័ទសរុបចំនួន ៥២អង្គ/នាក់ មានអាការៈចុកពោះ រាគ និងក្អួតចង្អោរ ជាបន្តបន្ទាប់ ហើយ ត្រូវបានបញ្ជូនទៅសង្គ្រោះនៅមន្ទីរពេទ្យ កាលពីថ្ងៃទី៣១ ខែឧសភា ឆ្នាំ២០២២។
ពាក់ព័ន្ធនឹងករណីនេះ មន្ត្រីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប.) ប្រចាំខេត្តបាត់ដំបង និងខេត្តបន្ទាយមានជ័យ សហការចុះស្រាវជ្រាវករណីពុលនេះ ដែលបានចេញលទ្ធផលបណ្តោះអាសន្ន នៅថ្ងៃទី១ ខែមិថុនា ឆ្នាំ២០២២ បានបញ្ជាក់ថា បានរកឃើញគំរូទឹកត្រីជ្រលក់(ទឹកត្រីបាញ់ហយ) វិជ្ជមានសារធាតុ Salicylic Acid។គេមិនដឹងថាតើសា ធាតុ Salicylic Acidនេះមានផលប៉ះពាល់ដល់សុខភាពកំរឹតណានោះទេព្រោះមន្ត្រីជំនាញមិនបានពន្យល់។
ព្រោះមន្ត្រី ក.ប.ប. គ្រាន់តែបានបញ្ជាក់ថា យោងតាមលទ្ធផលខាងលើមន្ត្រីស៊ើបអង្កេត នឹងបន្តនីតិវិធីវិភាគ និងស្រាវជ្រាវពាក់ព័ន្ធនឹងវត្តមានសារធាតុ Salicylic Acid នៅក្នុងទឹកត្រីជ្រលក់នេះបន្ថែមទៀត ដោយការចុះស្រាវជ្រាវនេះ សហការពីកម្លាំងស្នងការដ្ឋាននគរបាលខេត្តបាត់ដំបង រដ្ឋបាលស្រុក និងកម្លាំងអធិការនគរបាលស្រុកគាស់ក្រឡ៕