វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 239 នាក់
ម្សិលមិញ 4988 នាក់
សរុប 14173028 នាក់
ប៉ាឡេស្ទីន៖ មន្ត្រីសុខាភិបាលប៉ាឡេស្ទីន ឲ្យដឹងថា ទារិកម្នាក់បានសម្រាលចេញពីផ្ទៃម្តាយជនជាតិប៉ាឡេស្ទីនដែលបានស្លាប់ជាមួយនិងប្តីរួមទាំងកូនស្រីម្នាក់ទៀត អំឡុងការវាយប្រហារដោយអ៊ីស្រាអែល នៅក្នុងទីក្រុងរ៉ាហ្វា នៃតំបន់ហ្គាហ្សា ក្នុងរយៈពេលត្រឹមមួយយប់នៅក្នុងការវាយប្រហារកាន់តែខ្លាំងក្លាដោយអ៊ីស្រាអែល ។ បុគ្គលិកពេទ្យបានបន្ថែមទៀតថា អ្នកស្លាប់នៅក្នុងការវាយប្រហារលើលំនៅដ្ឋានចំនួនពីរកន្លែង រួមមានទាំងកុមារចំនួន ១៣ នាក់មកពីគ្រួសារតែមួយ ។
វេជ្ជបណ្ឌិត ម៉ូហាម៉េដ សាឡាម៉ា (Mohammed Salama) ដែលជាគ្រូពេទ្យថែទាំទារិកាសម្រាលចេញពីសាកសពម្តាយ បាននិយាយថា ទារិកាមានទម្ងន់ ១,៤ គីឡូក្រាម ហើយបានសម្រាលតាមរយៈផ្នែកសង្គ្រោះបន្ទាន់ប្រភេទ C ដោយស្ថានភាពរបស់ទារិកាមានស្ថិរភាពជាធម្មតា និងបន្តប្រសើរឡើងបន្តិចម្តងៗ។ស្ត្រីរងគ្រោះ និងត្រូវជាម្តាយរបស់ទារិកាមានឈ្មោះ សាប្រ៊ីន អាល់ សាកានី (Sabreen Al-Sakani) កំពុងពពោះកូនស្រីក្នុងរយៈពេល ៣០ សប្តាហ៍ ។
ដោយឡែក ទារិកាខាងលើនេះ ទទួលបានការសម្រាលសង្គ្រោះបន្ទាន់យ៉ាងយកចិត្តទុកដាក់តាមបច្ចេកទេសរបស់មន្ទីរពេទ្យក្នុងទីក្រុងរ៉ាហ្វា រួមជាមួយទារកម្នាក់ទៀត ខណៈវេជ្ជបណ្ឌិតសាឡាម៉ា បានបញ្ជាក់ថា ទារិកានិងបន្តស្ថិតនៅក្រោមការមើលថែពីមន្ទីរពេទ្យក្នុងរយៈពេលពី ៣ ទៅ ៤ សប្តាហ៍ទៀត មុននឹងមន្ទីរពេទ្យប្រគល់ជូនទៅកាន់សាច់ញាតិផ្សេងទៀត ហើយបើទោះបីជាក្មេងៗនៅរស់ក៏ដោយ ប៉ុន្តែសោកនាដកម្មនេះ បានធ្វើឱ្យពួកគេក្លាយជាក្មេងកំព្រា ។
នៅក្នុងសង្គ្រាមជាង ៦ ខែរវាងអ៊ីស្រាអែល និងក្រុមហាម៉ាស ធ្វើឱ្យប្រជាជនជាងពាក់កណ្តាលក្នុងចំណោមប្រជាជន ២,៣ លាននាក់នៅតំបន់ហ្គាហ្សា ដែលស្នាក់អាស្រ័យនៅក្នុងទីក្រុងរ៉ាហ្វា កំពុងរងទុក្ខលំបាក ខណៈដែលអ៊ីស្រាអែលកំពុងគំរាមវាយប្រហារតំបន់នោះ ស្របពេលនាយករដ្ឋមន្ត្រីអ៊ីស្រាអែល ប៊ែនចាមីន ណេតាន់យ៉ាហ៊ូ (Benjamin Netanyahu) និយាយថា អ៊ីស្រាអែល ត្រូវតែកម្ចាត់ពួកក្រុមសកម្មប្រយុទ្ធហាម៉ាស ។ប្រធានាធិបតីអាម៉េរិក ចូបៃដិន (Joe Biden) បានត្រឹមជំរុញអ៊ីស្រាអែលកុំឱ្យបើកការវាយប្រហារទ្រង់ទ្រាយធំនៅក្នុងទីក្រុងរ៉ាហ្វា ដើម្បីជៀសវាងការស្លាប់របស់ជនស៊ីវិលស្លូតត្រង់ប៉ាឡេស្ទីនបន្ថែមទៀតតែប៉ុណ្ណោះ ៕ប្រភព៖ Reuters Connect