វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5690 នាក់
ម្សិលមិញ 5378 នាក់
សរុប 14084983 នាក់
ភ្នំពេញ៖លេចចេញដំណឹងថាកញ្ញារឿនណាតតារាសម្រស់និងសម្តែងមានសង្សារថ្មីហើយ។បុរសជាសង្សារថ្មីមានការងារជាឌីជេ និងជាអ្នកផលិតកម្មវិធីថែមទៀតផង។
កញ្ញារឿនណាតជាបេក្ខនារីតំណាងកម្ពុជាទៅប្រកួតកម្មវិធីសម្រស់អន្តរជាតិនៅប្រទេសថៃអំឡុងចុងឆ្នាំ២០១៨។ពេលវិលត្រឡប់មកវិញ កញ្ញា រឿន ណាត ទទួលបានឱកាសការងារសិល្បៈជាច្រើនបន្តបន្ទាប់។ អ្វីដែលបានធ្វើឲ្យអ្នកគាំទ្រនាងភ្ញាក់ផ្អើលនិងសាទរគឺក្រោយពីនាងនិងតារាបង្ហាញម៉ូតលោក ជា ឃាងឈេ បានប្រកាសបើកចំណងស្នេហ៍ដោយបើកចំហ ។ ចំណងស្នេហ៍ដោយបើកចំហរជាមួយលោកជា ឃាងឈេ ត្រូវបានធ្វើឡើងនាអំឡុងខែសីហាឆ្នាំ២០១៩ ។
បន្ទាប់ពីបាន១ឆ្នាំគឺកាលពីដើមឆ្នាំ២០២០ចំណងស្នេហ៍ជាមួយប្រុសស្អាតជាអាណិកជនរស់នៅប្រទេសអូស្ត្រាលីរូបនេះ ដាច់ប៉ាត់តែមិនដឹងថារឿងស្អី។ ករណីយ៍បែកពីបរ្រុស្សនហ៍នាងថាមិនមែនមានអ្នកទី៣ណាមកជ្រៀតជ្រែកនោះឡើយ គឺនាង គិតតែពីការងារសិល្បៈ និងមានគម្រោងបើកមុខជំនួញផ្ទាល់ខ្លួនផងដែរ។ បន្ទាប់ពីស្រួលខ្លួនបានមួយរយៈអាឡូវនេះលេចធ្លាយចេញរូបថត២សន្លឹករបស់កញ្ញាឯកចក្រវាឡកម្ពុជា២០១៨កញ្ញា រឿន ណាត និងបុរសម្នាក់យ៉ាងស្អិតរមួតតែម្តង ដែលគេសង្ស័យថាគឺជាគូស្នេហ៍ថ្មីរបស់នាងបន្ទាប់ពីនាងបានបែកបាក់ចំណងស្នេហាជាមួយកំលោះសង្ហាសម្បូរស្នេហ៍លោក ជា ឃាងឈេ ហៅជូអ៊ីបាន ជាង២ឆ្នាំ។
គូស្នេហ៍ថ្មីក៏ជាបុរសសង្ហា និងកាន់ដៃគ្នាត្រសងក្នុងទឹកមុខរីករាយពោពេញដោយក្តីសុខ ជាទីបំផុត ដែលមួយសន្លឹកគឺជារូបថតផ្អែមល្ហែមកាន់ដៃគ្នាទិញអាហារនៅតាមដងផ្លូវសាធារណៈយ៉ាងសាមញ្ញ និងមួយប៉ុស្តិ៍ទៀតគឺជាដំណើរកម្សាន្តរួមគ្នារវាងនាងនិងបុរសដែលគេមិនទាន់ស្គាល់អត្តសញ្ញាណនោះនៅលើទឹកដីនៃប្រាសាទអង្គរវត្ត។ នាងចែករំលែករូបថតរបស់បុរសខាងលើនៅលើបណ្តាញសង្គមហ្វេសប៊ុក ដោយបុរសនោះត្រូវបានគេស្គាល់ថាឈ្មោះឯម គុម្ភៈ ហើយតាមរយៈហ្វេសប៊ុកនេះបុរសនេះគឺជា ឌីជេ និងជាអ្នកផលិតកម្មវិធី និងជាអ្នកបំពេញការងារនៅក្នុងក្លឹបកម្សាន្តធំមួយចំនួននារាជធានីភ្នំពេញ។
គេនៅមិនទាន់ដឹងអំពីប្រវត្តិស្នេហារវាងកញ្ញាឯកស្រស់សោភា និងឌីជេរូបសង្ហាខាងលើនេះផ្តើមឡើងចាប់ពីពេលណានោះដែរ៕