វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7967 នាក់
ម្សិលមិញ 8227 នាក់
សរុប 14134848 នាក់
កំពង់ស្ពឺ៖ យុវជនម្នាក់អាយុប្រមាណជាង២០ឆ្នាំ បានស្លាប់ភ្លាមៗដោយសារលំផ្ទះ នៅថ្ងៃទី១៩ ខែមីនា ឆ្នាំ២០២២ នៅក្នុងភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។
សមត្ថកិច្ចមូលដ្ឋាន បានឱ្យដឹងថា នៅព្រឹកថ្ងៃកើតហេតុមានក្រុមជាងមួយក្រុមមកពីស្រុកឧដុង្គបានមកស៊ីឈ្នួលស្ទូចផ្ទះឈើរបស់ឈ្មោះ មុត សុខុម ភេទប្រុស អាយុប្រមាណជា៥០ឆ្នាំ រស់នៅក្នុងភូមិព្រៃគុយ ឃុំត្រពាំងគង ស្រុកសំរោងទង ដើម្បីប្តូរសសរឈើដែលមានភាពចាស់ទ្រុឌទ្រោម ជំនួសមកវិញនូវសសរបេតុង។ពេលដែលកំពុងតែស្ទូចដូយឡើងលើនោះ ស្រាប់តែកំណល់ឈើដែលកល់ស្ទូចបានស្រុតចុះ ធ្វើឱ្យផ្ទះរលំធ្លាក់មកដីសង្កត់កូនជាងម្នាក់ជាប់បណ្តាលឱ្យស្លាប់បាត់បង់ជីវិតភ្លាមៗ។
ជនរងគ្រោះមានឈ្មោះ អឿន ចិត្រា ភេទប្រុស អាយុ២១ឆ្នាំ រស់នៅភូមិត្រពាំងកក់ ឃុំក្រាំងចេក ស្រុកឧដុង្គ ខេត្តកំពង់ស្ពឺ ជាកូនជាងរបស់ឈ្មោះ ផាប់ ផាន់ណា អាយុ៤២ឆ្នាំ រស់នៅភូមិមាត់អូរ ឃុំពាំងល្វា ស្រុកឧដុង្គ។ យុវជនរងគ្រោះរូបនេះតែងតែចេញទៅជាមួយមេជាងដើម្បីស៊ីឈ្នួលរើរំកឹល និងស្ទូចផ្ទះឱ្យគេនៅពេលមានគេជួល។ កន្លងមកមិនដែលមានថ្លោះធ្លោយដូចនេះទេ។បច្ចុប្បន្នសពត្រូវបានប្រគល់ទៅក្រុមគ្រួសារ រីឯផ្ទះបានរងការខូចខាតស្ទើរទាំងស្រុង ត្រូវបានក្រុមជាងកំពុងរុះរើចេញ៕