» លោក​ហុង​បូ​ហេង អធិការ​ស្រុក​វ៉ារិន​រង​ចោទថា ជំរិត​ទារប្រាក់​ពី​អ្នក​គ្មាន​កំហុស ១៦០០​ដុល្លារ​អាមេរិក​ថ្នូ​នឹង​ការដោះលែង​! » ថ្ងៃទី​១​មាន​បេក្ខជន​បាក់​ឌុប​២​នាក់​តម្រូវ​ឲ្យ​ធ្លាក់​ក្នុងពេល​អ្នកមាន​បញ្ហា​សុខភាព​៤៣​នាក់​តែ​ប្រឡង​បាន​ » សហភាព​អឺរ៉ុប​ប្រកាស​បន្ត​កិច្ចសហការ​ជិតស្និទ្ធ​ជាមួយ​រាជរដ្ឋាភិបាល​កម្ពុជា​ » តុលាការ​ចោទប្រកាន់​រួច​នគរបាល​បណ្តោយ​ឲ្យ​ចោរ​រត់​បាត់​!? » កញ្ញា​ជី​ជី​តែង​តួ​តាមរបៀប​ថៃ​ខ្ចូ​ត​តែ​រង​ការរិះគន់​ខ្លះ​! » កម្ពុជា ចាត់ទុក​ស្ថានការណ៍​នៅ​ទីក្រុង​ហុងកុង​ជា​កិច្ចការ​ផ្ទៃក្នុង​របស់​ចិន​! » ចោរលួច​ក្របី​៣​នាក់​សម្រួល​ជាមួយ​ម្ចាស់​តែ​មិន​ស​ម្រួ​លតុលាការ គេចខ្លួន​១​ឆ្នាំ​វិម​ក​ផ្ទះ​វិញ​ត្រូវ​តុលា​ការ​ចាប់​ឃុំមេធាវីជួយមិនបាន​ » តារាចម្រៀង​ម៉េ​ម៉ា​យ​សប្បាយចិត្ត​បង្ហោះ​សារ​ថា​មិន​នឹកស្មានថា​មាន​ថ្ងៃនេះ​! » ស្ត្រី​ម្នាក់​លោត​ពីលើ​អគារ​ផ្សារ AEON 2 សែន​សុខ ក្រោយពី​ផ្ញើ​សារ​ទៅ​ប្តី​ថា “​ចាំ​ជួបគ្នា​ជាតិ​ក្រោយ​” » ចៅអធិការ​វត្តមាន​ស្រី​ខឹង​រឿង អ្នករត់ម៉ូតូឌុប​មក​គោះ​លុយ​សម្លាប់ចោល​! » ឃើញ​មឈូស​បាន​ស្រក់​ទឹកភ្នែក​បុរស​ជេរប្រមាថ​អ្នកនាង​ច​ន ច័ន្ទ​លក្ខិណា​បានមក​សុំទោស​! » នាំខ្លួន​ឧកញ៉ា គង់ ក្រឹ​ង ទៅ​ឆែកឆេរ​ផ្ទះ នៅ​ស្រុក​ស្នួល​តែ​មិនដឹង​លទ្ធផល » លោក​អធិការនគរបាល​ស្រុក​អូ​រយ៉ា​ដាវ​រំលោភច្បាប់​ឯក​ពន្ធភាព​!? » តារាចម្រៀង​ឆ័យ លីដា​ឡែ​ន ក្លាយជា​មេម៉ាយ​កូន​មួយ​! » អង់គ្លេស​ដោះលែង​កប៉ាល​អ៊ីរ៉ង់​តែ​អ៊ីរ៉ង​នៅ​មិនទាន់​ដោះលែង​កប៉ាល់​អង់គ្លេស​វិញ​ទេ​!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 7954 នាក់

ម្សិលមិញ 8641 នាក់

សរុប 2787212 នាក់

ទ​ណ្ឌឹ​ត​យមរាជ អង្គរ​ក្ស័​អតីត​ស្នងការ​រាជធានី​ភ្នំពេញ​លាចាក​លោក​ហើយ​!

​ភ្នំពេញ ៖ កាលពី​ថ្ងៃទី​១០ កញ្ញា ឆ្នាំ​២០១៨ លោក ហង្ស វុទ្ធី ហៅ​ទិវា​១៦ ហៅ​យមរាជ​ដែលជា អតីតមន្ត្រី​ប៉ូលិស​ព្រហ្មទណ្ឌ នៃ​ស្នងការ​រាជធានី​ភ្នំពេញ ជា​អង្គរក្ស​របស់លោក ហេង ពៅ អតីត​ស្នងការ​នគរបាល​រាជធានី​ភ្នំពេញ ជា​ទណ្ឌិត បាន​ស្លាប់​ហើយ នៅឯ​មន្ទីរពេទ្យ​រុស្សី ។a yom reach 

ហ្វេ​ស​ប៊ុ​កមួយ មាន​ឈ្មោះថា HENG NICH ដែល​អះអាងថា​មានឈ្មោះ សុន សុ​ភ័​ណ្ឌ ដែល​ត្រូវជា ប្អូន​របស់ ហង្ស វុទ្ធី និង ហង្ស វុត្ថា បាន​ឲ្យ​ដឹងថា​លោក ហង្ស វុទ្ធី បានទទួល​មរណភាព​នា​ថ្ងៃទី ១០ ខែ កញ្ញា ឆ្នាំ ២០១៨ វេលា​ម៉ោង ១០​និង​៣០ នាទី​ព្រឹក នៅ​មន្ទីរពេទ្យ​រុស្សី​។ នាង​ខ្ញុំ​ត្រូវជា​ប្អូនសុំ​សម្តេច​តេ​ជា ហ៊ុន សែន មេត្តាជួយ​អ​ន្តា​គម​ន៍ ទៅ​តុលាការ សូមជួយ​ដោះលែង​បងប្រុស​ហង្ស វុត្ថា ដែល​នៅក្នុង​ព​ន្ធា​គារ ឲ្យ​គាត់​បានមក​ចូលរួម ពិធីបុណ្យ​សព​បង ហង្ស វុទ្ធី មានតែ​សម្តេច​ទេ ដែល​អាចជួយ​ដល់​បងប្រុស​ហង្ស វុត្ថា​ឲ្យ​មាន​សេរី ដែល​ជាប់ឃុំ​រយៈពេល​ដ​ប់​បី​ឆ្នាំ​ហើយ សូម​ព្រះ​ប្រទាន​ពរ​សម្តេច​។​

​គួរ​បញ្ជាក់ថា​ក្រោយពី​ចាប់ខ្លួនបាន​ជាមួយ​លោក​ឧ​ត្ត​ម​សេនីយ៍​ហេង​ពៅ ទណ្ឌិត ហង្ស វុទ្ធី បាន​ហែក​គុក រត់​ចេញទៅ​លាក់ខ្លួន​ជាច្រើន​កន្លែង កាលពី​ថ្ងៃទី​១១​ខែមិថុនា​ឆ្នាំ​២០០៦​តែ​មិនដឹង​ជា​ចាញ់ល្បិច​អ្នកណា​បាន​សុខចិត្ត​ចូលរ​ឲ​សារភាព​វិញ ។ ​លោក ហង្ស វុទ្ធី ត្រូវបាន​តុលាការ​កាត់ទោស និង​ផ្តន្ទាទោស​កំបាំងមុខ កាលពី​ឆ្នាំ​២០០៩ ឱ្យ​ជាប់ពន្ធនាគារ​រយៈពេល​១៥​ឆ្នាំ ក៏ប៉ុន្តែ​លោក​បានស្នើ​ឲ្យ​តុលាការ បើកសវនាការ​សារជាថ្មី បន្ទាប់ពី​គាត់​បាន​ចូល​សារភាព​វិញ​នៅ​ស្នាក់ការ​អង្គការ​លីកាដូ កាលពី​ថ្ងៃទី​២០ មេសា ឆ្នាំ​២០១២​លីកាដូ ដែលមាន​ទីតាំង​ស្ថិតនៅក្នុង​សង្កាត់​បឹងត្របែក ខណ្ឌចំការមន រាជធានី​ភ្នំពេញ ។ ទោះជា​យ៉ាងណា​លោក ហង្ស វុទ្ធី ត្រូវបាន​លោក តុ​ប ឈុន​ហេង ចៅក្រម​សាលាដំបូង​រាជធានី​ភ្នំពេញ សម្រេច​តម្កល់​ទោស​ឱ្យ​ជាប់ ពន្ធនាគារ​១៥​ឆ្នាំ​ដដែល ពីបទ​ប៉ុនប៉ង​ឃាតកម្ម​គិតទុក​ជាមុន​លើ​លោកនាយ​ឧ​ត្ត​ម​សេនីយ៍ សៅ សុខា មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស​កាលពី​ឆ្នាំ​២០០៣​ក្រោម​បញ្ជា​លោក​ហេង​ពៅ​? ។​

​នៅ​ទីស្នាក់ការ​អង្គការ​លីកាដូ ឈ្មោះ​ហង្ស វុទ្ធី ហៅ​យមរាជ បាន​សារភាពថា នៅ​យប់​ថ្ងៃទី​៦ វិច្ឆិកា ២០០៦ ខ្លួន​បាន​រត់​ចេញពី​ពន្ធនាគារ​ព្រៃ​ស ទៅសំងំ​លាក់ខ្លួន​នៅតាម​បណ្តា​ខេត្ត​នានា ដូចជា​ខេត្តកំពត និង​នៅ​ប៉ោយប៉ែត​អស់​រយៈ​ជាង​៧​ឆ្នាំ កន្លងមក​ដោយ​ប្រកបមុខរបរ​ជា​កម្មក​រ​ទូក​នេសាទ​នៅ​សមុទ្រ​ក្រុងព្រះសីហនុ រយៈពេល​៥​ឆ្នាំ ។ បន្ទាប់មក​ទៅធ្វើ​កម្មករ​អូស​រទេះ​នៅ​ប៉ោយប៉ែត​បាន​១​ឆ្នាំ ហើយ​ចុងក្រោយ​ទៅសំងំ​ធ្វើក​ម្មករ​ចម្ការ​នៅ​ព្រំដែន​ថៃ​ជិត​១​ឆ្នាំ​ទៀត ។ ឈ្មោះ​យមរាជ បាន​និយាយថា ការរត់​គេចខ្លួន​មួយរយៈ​កន្លងមក ខ្លួន​រស់ក្នុង​ជីវភាព​លំបាកលំបិន​តា​ម​ជនបទ​ស្រុក​ស្រែចម្ការ ។​

​ទាក់ទិន​នឹង​ការចូល​ខ្លួន​មក​សារភាព ឈ្មោះ​យមរាជ អតីត​ប៉ូលិស​ព្រហ្មទណ្ឌ​កម្រិត​ស្រាល​រាជធានី​ភ្នំពេញ ក្រោម​បញ្ជា​ផ្ទា​ល់ពី ហេង ពៅ​បាន​និយាយថា ខ្លួន​មានទោស​ស្រាប់ ទោះជា​រត់​ទៅដល់​ទីណា​ក៏​មិន​រួចខ្លួន​ដែរ ដូច្នេះ​ខ្លួន​បាន​ទំនាក់ទំនង​មក​ម្តាយ​ឱ្យ​រក​មេធាវី ដើម្បី​ជួយ​ការពារ​ផ្លូវច្បាប់​ដល់​ខ្លួន ហើយ​ត្រូវបាន​ម្តាយ​ពឹងពាក់​មេធាវី លោក​កៅ សុ​ផា ជួយ​ការពារ​ផ្លូវច្បាប់ ដើម្បីឱ្យ​ខ្លួន​បាន​ចូល​សារភាព និង​ទទួលទោស​ជាថ្មី​ម្តងទៀត បន្ទាប់ពី​លួច​រត់​ចេញពី​ពន្ធនាគារ​អស់​រយៈពេល​ជាង​៧​ឆ្នាំ កន្លងមក ។​
​ឈ្មោះ​យមរាជ បាន​និយាយថា ខ្លួន​មិនមែនជា​មេខ្លោង​កាត់​ចម្រឹង​គុក​ព្រៃ​ស រត់ចេញ​ឡើយ គឺ​ឈ្មោះ វែង ឈ្មោះ សឹង ឈ្មោះ ចាម ឈ្មោះ យួន ជា​មេខ្លោង នៃ​គម្រោង​អារ​ចម្រឹង​ដែក​រត់គេចខ្លួន​ពី​គុក ។ ឈ្មោះ យមរាជ និយាយទៀតថា នៅ​យប់នោះ​បើ​ខ្លួន​មិន​រត់តាម​ពួក​អា​វែង​ទេ គឺ​ពួក​នោះ​គំរាម​អា​រក​សម្លាប់​ក្នុង​គុក ដូច្នេះ​ត្រូវ​បង្ខំចិត្ត​រត់តាម​គេ​ទៅ​ឈ្មោះ​យមរាជ​បាន​និយាយប្រាប់​ទៀតថា សកម្មភាព​ដែល​លួច​រត់​ចេញពី​គុក​នោះ​ក៏​វា​គ្រោះថ្នាក់​ដែរ តែ​ត្រូវតែ​រត់​ប្រសើរ​ជាង​ជាប់គុក ។

យមរាជ​បាន​និយាយទៀតថា សកម្មភាព​ក្នុងពេល​ឡើង​អារ​ចំរឹង​ដែក​រត់​ចេញពី​គុក​គឺ​ឈ្មោះ​វែង ជា​អ្នក​អារ ឯ​បក្ខពួក​ផ្សេងៗ​ទៀត​ឡើង​ជិះ​តៗ​គ្នា​ទៅលើ​ចំ​រ៉ឹង​ដែក​បង្អួច​គុក ក៏​យក​ខ្សែ​ចងភ្ជាប់​ចំរឹង​ដែក​អារ​ឱ្យ​ធំ​ល្មម​ក្បាលមនុស្ស​ចេញរួច ក៏​ឡើង​តាម​ខ្សែ​លោត​ចុះ​ជា​បន្តបន្ទាប់​គ្នា​សរុប​ជាង​១០​នាក់ រត់​ចេញពី​គុក​យក​ប្រាស​អាយុ​រៀងៗ​ខ្លួន ។ យមរាជ​បាន​និយាយថា ឧបករណ៍​សម្រាប់​អារ​ចំរឹង​បង្អួច​គុក​នេះ​ខ្លួន​ពុំ​ដឹងថា ក្រុម​អា​វែង​យក​ចូល​តាម​មធ្យោបាយ​ណា​ឡើយ​? ។​

 នៅពេលដែល​ខ្លួន​រត់ចេញ​មកដល់​ក្រៅ​គុក មាន​រថយន្ត​មួយគ្រឿង​ហៅ​គាត់​ថា អា​យមរាជ​ឱ្យ​ជិះ​ជា មួយ ។ ប៉ុន្តែ​ពេលនោះ​ខ្លួន​អត់​ទៅតាម​អ្នក​ហៅ​ទេ គឺ​រត់តាម​មធ្យោបាយ​ថ្មើរជើង​តម្រង់​ទៅ​ផ្លូវជាតិ​លេខ​២ ឆ្ពោះទៅ​ខេត្តកំពត សម្ងំ​រស់នៅ​ខេត្តកំពត​ធ្វើ​កម្មករ​ទូក​នេសាទ​នៅតែ​លើ​សមុទ្រ​អស់​ប្រហែល​ជិត​៦​ឆ្នាំ​ក៏​បន្តដំណើរ​ទៅ​រស់នៅ​ធ្វើ​កម្មករ​អូស​រទេះ​នៅ​ជាយដែន​ប៉ោយប៉ែត និង​ទៅរក​ស៊ី​ដាំ​ដំណាំ​រហូតមកដល់​បច្ចុប្បន្ន ។ ដោយ​ជួប​ការលំបាក​ពេក​ក៏​សម្រេចចិត្ត​ចូលខ្លួន​មក​សារភាព​តែម្តង ព្រោះ​បើ​សម្ងំ​គេចខ្លួន​នៅតែ​មិន​រួច​ដដែល ។​

ទោះជា​ស្ថិតក្នុង​ស្ថានភាព​ស្គមស្គាំង​តែ​អង្គុយ​នៅ​អង្គការ​លីកាដូរ​មិនទាន់បាន​ប៉ុន្មាន​ផង​នៅវេលា​ម៉ោង​៤​និង​៣០​នាទី​រសៀល​ថ្ងៃទី​២០ មេសា ឈ្មោះ ហង្ស វុទ្ធី ហៅ​យមរាជ ត្រូវបាន​នគរបាល​ក្រសួងមហាផ្ទៃ ដឹកនាំ​ដោយ​លោក​ឧ​ត្ត​ម​សេនីយ៍​ឯក ម៉ក់ ជី​តូ ប្រធាន​នាយកដ្ឋាន​នគរបាល​យុត្តិធម៌​បាន​សហការ​ជាមួយ​ព្រះរាជអាជ្ញា​អម​សាលាដំបូង​រាជធានី​ភ្នំពេញ គឺ​លោក មាស ច័ន្ទ​ពិសិដ្ឋ បាន​យក​ដីកាចាប់ខ្លួន​ឈ្មោះ ហង្ស វុទ្ធី ហៅ​យម រាជ ទៅ​បង្ហាញ​មន្ត្រី​អង្គការ​លីកាដូ និង​លោក​មេធាវី កៅ សុ​ផា ដើម្បី​នាំខ្លួន​ឈ្មោះ យមរាជ ទៅកាន់​នគរបាល​ក្រសួងមហាផ្ទៃ ធ្វើការ​សួរនាំ​ឡើងវិញ និង​ដើម្បី​ត្រៀមលក្ខណៈ​បញ្ជូនទៅ​សាលាដំបូង​រាជធានី​ភ្នំពេញ ផ្តន្ទាទោស​បន្ត​តាម​នីតិវិធី​ច្បាប់ ។​

គួរ​កត់សម្គាល់ថា ហង្ស វុទ្ធី ហៅ​យមរាជ​ត្រូវបាន​តុលាការ​ផ្តន្ទាទោស​កំបាំង​មុខ មាន​ច្រើន​រឿង​ពាក់ព័ន្ធ​ជាមួយ​លោក​ហេង ពៅ ក្នុង​បទល្មើស មនុស្សឃាត​គិតទុក​ជាមុន ។ ប៉ុន្តែ​សាលក្រម​ទាំងអស់នោះ​ខាង​សមត្ថកិច្ច​ក្រសួងមហាផ្ទៃ ទទួល​បានតែ​៣​ករណី​ទេ​គឺ​៖
​ទី​១-​ផ្តន្ទាទោស​ដាក់ពន្ធនាគា​រ​រយៈពេល​១៦​ឆ្នាំ ករណី​ធ្វើ​មនុស្សឃាត​គិតទុក​ជាមុន លើ​លោក​គឹម ដារ៉ាវុធ ប្រធាន​សាខា​អគ្គិសនី​ចាក់អង្រែ​ក្រោម ។​
​ទី​២-​ផ្តន្ទាទោស​ឈ្មោះ​ហង្ស វុទ្ធី ហៅ​យមរាជ​ដាក់ពន្ធនាគារ​រយៈពេល​១៨​ឆ្នាំ ករណី​ធ្វើ​មនុស្សឃាត​លើ​លោក​សុខ សេដ្ឋា​មុន្នី ចៅក្រម​សាលាដំបូង​រាជធានី​ភ្នំពេញ ។​
​ទី​៣-​ផ្តន្ទាទោស​ដាក់ពន្ធនាគា​រ​រយៈពេល​១៥​ឆ្នាំ ករណី​ប៉ុនប៉ង​ធ្វើ​មនុស្សឃាត​លើ​រូប​លោកនាយ​ឧ​ត្ត​ម​សេនីយ៍​សៅ សុខា មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស ។​

ទ​ណ្ឌឹ​ត​ឈ្មោះ​ហង្ស វុទ្ធី ហៅ​យមរាជ​បាន​ស្លាប់​ហើយដោយ​សារ​គិត​ខុស​ព្រោះ​ភ្លឺ​ចូល​សារភាព​ចោល​អតីត​មេ​របស់គាត់​ឈឺ​ឧ​ត្ត​ម​សេនីយ៍​ហេង​ពៅ​ដែលជា​ទ​ណ្ឌឹ​ត​ជាប់គុក​ម៉ា​អាយូស​មិន​ថា​គាត់រ​ស់បាន​ដល់​ពេលណា​នោះទេ​?!៕a yom reach3 a yom reach1 a yom reach2