នៅរកស៊ីស្រុកខ្មែរវិញសម្រស់បានលុយចូលអ្នកនាងលីម៉ារីណាប្រកាសលែងប្តីតាមហ្វេសប៊ុក!
22-January-2026 / សិល្បះនិងបែ្លកៗ
ភ្នំពេញ៖នៅស្រុកខ្មែរស្ងាត់ៗអ្នកនាង លី ម៉ារីណាតារាសម្តែងសាច់សខ្ចី បាន ប្រកាសលែងប្តីដែលជាអណិកជនរស់នៅសហរដ្ឋអាមេរិក ជាសាធារណៈក្រោយរួមរស់ ១០ឆ្នាំបង្កឲ្យមានការភ្ញាក់ផ្អើល។
តារាសម្តែងសាច់សខ្ចីមាឌធំដំបងរូបនេះបានលើកឡើងថា «នាង ខ្ញុំ លី ម៉ារីណា សូមប្រកាសជាសាធារណៈថានាងខ្ញុំនិងស្វាមីឈ្មោះលោក សាត ចាន់ថន បានបញ្ចប់ទំនាក់ទំនងជាប្ដីប្រពន្ធដោយសារភាពមិនចុះសម្រុងនឹងគ្នាហើយ។អញ្ចឹងអ្វីៗគ្រប់យ៉ាង នាងខ្ញុំសូមបញ្ចប់ដោយសន្តិវិធីនឹងទុកមុខរាប់អានគ្នា ហើយអ្វីដែលបានបញ្ចប់សូមឱ្យ រក្សាតម្លៃទាំងសងខាងកុំបង្ករហេតុផលក្នុងព័ត៌មានសង្គម ហើយកុំឱ្យបង្ហោះនូវអ្វីដែលឱ្យ មាន ផលប៉ះពាល់ដល់សង្គមជាបន្តទៀត សូមអរគុណ»។
ការលើកឡើងរបស់ លី ម៉ារីណា បានធ្វើឱ្យមហាជនក៏ដូចជាមិត្តភក្តិក្នុងសិល្បៈមានការសោកស្តាយមិនគួរនាងជួបរឿងបែបនេះសោះ។ ខ្លះលើកឡើងថាគួរតែគិតឡើងវិញអាណិតកូន តែ លី ម៉ារីណា បានតបថា« គ្មានថ្ងៃត្រឡប់ក្រោយឡើយ»។តារាសម្តែងកញ្ញាលី ម៉ារីណា និងលោក សាត ចាន់ថន បានរៀបការរួមរស់ជាមួយគ្នាប្រមាណជា ១៤ ឆ្នាំ ហើយសព្វថ្ងៃអ្នកទាំងពីរបានបន្សល់កូនប្រុសមួយដែលបច្ចុប្បន្នកំពុងរស់នៅជាមួយលោក សាត ចាន់ថន ជាស្វាមីឯទឹកដីអាមេរិក ។រឿង សុខៗប្រពន្ធមានសញ្ជាតិអាមេរិកប្រកាសលែក្បាលចោលលោក សាត ចាន់ថន ជាស្វាមីមិនទាន់មានប្រតិកម្មណាមួយតបតជាមួយ លី ម៉ារីណា ជាភរិយាឡើយ ។
សូមបញ្ជាក់ដែរថាកាលពីជាង១០ឆ្នាំមុនតារាសម្តែង លី ម៉ារីណា ធ្លាប់រងពាក្យចចាមអារ៉ាមថាមានទំនាក់ទំនងជាមួយមន្ត្រីធំម្នាក់រហូតដល់មានការគម្រាមសម្លាប់ ។ ចាប់តាំងពីពេលនោះមកក៏បាត់ដំណឹងតារាសម្តែងរូបស្រស់សាច់ខ្ចីម្នាក់នេះសូន្យឈឹងតែម្តង ប៉ុន្តែនៅឆ្នាំ ២០១៣ លី ម៉ារីណា បានលេខមុខជាថ្មីជាមួយលោក សាត ចាន់ថន ដោយនាងបានអះអាងថាជាស្វាមីនិងបានរៀបការកាលពីចុងឆ្នាំ ២០១២ នៅសហរដ្ឋ អាមេរិក ។ទោះបីយ៉ាងណាកាលនោះមានការ និយាយថា លី ម៉ារីណា និង លោក សាត ចាន់ ថន មិនមែនជាប្តីប្រ ពន្ធពិតប្រាកដដោយលោក សាត ចាន់ថន គ្រាន់ តែជាតួជំនួសប៉ុណ្ណោះ ។ ក្រោយមកដើម្បីឱ្យអស់មន្ទិល លី ម៉ារីណា បានរៀបចំពិធីកាត់ចំណងដៃនៅក្នុងអំឡុងខែកុម្ភៈឆ្នាំ ២០១៣ ។
ចាប់តាំងពីពេលនោះមក លី ម៉ារីណា បានចុះឡើងស្រុកខ្មែរជាញឹកញាប់ នឹងបានសម្រេចចិត្តមករស់នៅក្នុងស្រុកខ្មែរជាប់លាប់នៅក្នុងពេលប៉ុន្មានឆ្នាំខាងមុខនេះជាមួយកូនប្រុស ដោយឡែកស្វាមីរបស់នាងលោក សាត ចាន់ថន តែងចុះឡើងមកលេងជាធម្មតា ។នៅអំឡុងខែកក្កដាឆ្នាំ ២០២១ កូនប្រុសតែមួយរបស់ លី ម៉ារីណា បានចាកចេញទៅរស់នៅសហរដ្ឋអាមេរិកជាមួយលោក សាត ចាន់ថន ជាឪពុកដោយកាលណោះនាងបានប្រាប់ថា ដើម្បីអនាគតកូន ត្រូវតែទ្រាំរស់នៅឃ្លាតឆ្ងាយពីកូនជាទីស្រឡាញ់។ ដោយនឹកកូនប្រុសខ្លាំងពេក លោក សាត ចាន់ថន ក៏បាននាំកូនមកលេង លី ម៉ារីណា កាលពីចុងឆ្នាំ ២០២១ នឹងបានត្រឡប់ទៅសហរដ្ឋអាមេរិកវិញនៅមួយរយៈមុន។
រឿងលែងលះគ្នានេះបើតាមប្រភពពីអ្នកសិល្បៈ បានព្រលយថា លី ម៉ារីណា និងលោក សាត ចាន់ថន មានរឿងរកាំរកូសគ្នាមួយរយៈហើយដោយសារលោក សាត ចាន់ថន ប្រចណ្ឌ ថាលី ម៉ារីណា មានអ្នកទីបី ?។ មានវ័យជាង ៤០ឆ្នាំហើយតែសម្រស់ នៅតែផូរផង់ស្អាតដដែលធ្វើឱ្យ ការងារសិល្បៈនៅតែមានហាងឆេងទាំងការសម្តែងរឿង និងថតស្ប៉តនានា ហើយក្រៅពីនេះនាងក៏ជាអ្នកលក់តាមអនឡាញម្នាក់ដែរ ។បើចឹងមែនចាំមើលតិចមើលតិចមើលក្រែងពួកគេត្រូវគ្នាវិញ!បើអត់ទេវាប្រាកដូចការប្រចណ្ឌ័របស់លោកសាតចាន់ថនហើយ!៕
