តារាម៉ូឌែលនិងភាពយន្តល្បីឈ្មោះលោកប៉ាំងតាខុនត្រូវអាជ្ញាធររបបយោធាភូមាចាប់ខ្លួន
06-April-2021 / សិល្បះនិងបែ្លកៗ
ភូមា៖ លោកប៉ាងតាខុន(PaingTakhon)អាយុ២៤ឆ្នាំជាតារាក្នុងវិស័យសិល្បៈនិងប្រព័ន្ធផ្សព្វផ្សាយទាំងនៅប្រទេសមីយ៉ាន់ម៉ានិងថៃត្រូវបានចាប់ខ្លួនដោយកងទ័ពមីយ៉ាន់ម៉ាកាលពីព្រឹកថ្ងៃទី៨មេសានៅទីក្រុងយាំងហ្គូន(Yangon)។នេះបើតាមទីភ្នាក់ងារព័ត៌មានAFPបានរាយការណ៍។
លោកស្រីធិធីលវិ(ThiThiLwin)ជាបងស្រីលោកតាខុន(Takhon)បានប្រាប់ទីភ្នាក់ងារពត៍មានReutersថាប្អូនប្រុសរបស់នាងត្រូវបានគេនាំពីផ្ទះនៅម៉ោងប្រហែល៤និង៣០នាទីព្រឹកនេះនៅផ្ទះឪពុកម្តាយរបស់គាត់នៅតំបន់ខាងជើងDagonនៅទីក្រុងYangonដែលមានសុខភាពខ្សោយ។កម្លាំងសន្តិសុខបានវាយលុកចូលផ្ទះឪពុកម្តាយរបស់នាងភ្លាមៗដោយមានរថយន្តយោធាចំនួន៨គ្រឿងនិងទាហានប្រហែល៥០នាក់។ ក្រុមគ្រួសាររបស់នាងមិនប្រាកដថាតើត្រូវបានគេយកទៅណាទេ?។
លោកប៉ាំងតាខុន(PaingTakhon)គឺជាតារាម៉ូដែលតារាសម្តែងនិងពិធីករដ៏ល្បីម្នាក់នៅប្រទេសមីយ៉ាន់ម៉ា។លោកក៏ជាអ្នកតំណាងឱ្យផលិតផលម៉ាកធំៗ ជាច្រើននៅក្នុងប្រទេសថៃក៏ដូចជាមីយ៉ាន់ម៉ាផងដែរ។តារាម៉ូឌែលរូបនេះមានអ្នកតាមរាប់លាននាក់នៅលើបណ្តាញសង្គមដូចជាហ្វេសប៊ុកនិងអ៊ិនស្តាក្រាម( Instagram) ។ យោងតាមប្រព័ន្ធផ្សព្វផ្សាយក្នុងស្រុកលោកPaing Takhon ត្រូវបានគេជឿថាជាកូនប្រុសរបស់ក្រុមគ្រួសាររបស់ធនាគារUnitedAmaraUABដែលជាធនាគារវិនិយោគធំជាងគេមួយនៅក្នុងប្រទេសមីយ៉ាន់ម៉ា។
PaingTakhonគឺជាសិល្បករដ៏ល្បីល្បាញម្នាក់ក្នុងចំណោមសិល្បករជនជាតិមីយ៉ាន់ម៉ាជាច្រើននាក់ដែលត្រូវបានចាប់ខ្លួនពីបទគាំទ្រចលនាប្រឆាំងនឹងរដ្ឋាភិបាលយោធា។ នៅក្នុងអត្ថបទនិងរូបភាពមួយចំនួនដែលត្រូវបានបង្ហោះលើគណនីបណ្តាញសង្គមសិល្បករប្រុសរូបនេះបានសម្តែងការប្រឆាំងនឹងរដ្ឋាភិបាលយោធា។នៅខែកុម្ភៈលោកក៏បានចូលរួមដោយផ្ទាល់នៅក្នុងការតវ៉ាប្រឆាំងនឹងការផ្លាស់ប្តូរ។ពេលនេះគណនីប្រព័ន្ធផ្សព្វផ្សាយសង្គមរបស់PaingTakhonត្រូវបានបិទ។ក្រៅពីPaingTakhonមនុស្សល្បីឈ្មោះជាច្រើនទៀតនៅមីយ៉ាន់ម៉ាក៏ត្រូវបានចាប់ខ្លួនដែរ។តារាកំប្លែងល្បីឈ្មោះZarganarត្រូវបានចាប់ខ្លួននៅថ្ងៃទី៦ខែមេសា។
រដ្ឋាភិបាលយោធាមីយ៉ាន់ម៉ាបានប្រកាសទាំងទូរទស្សន៍និងសារព័ត៌មាននូវបញ្ជីឈ្មោះតារាល្បីៗប្រហែល១២០នាក់ដែលរួមមានទាំងតារាសម្តែងអ្នកចំរៀងនិងតារាម៉ូដែល។មនុស្សទាំងនេះប្រឈមនឹងការចោទប្រកាន់ពីបទរំលោភក្រមព្រហ្មទណ្ឌដោយសារតែមានសេចក្តីថ្លែងការណ៍គួរឱ្យភ័យខ្លាចឬផ្សព្វផ្សាយព័ត៌មានមិនពិត។ប្រសិនបើត្រូវបានផ្តន្ទាទោសពួកគេអាចប្រឈមនឹងការជាប់ពន្ធនាគាររយៈពេល៣ឆ្នាំនិងពិន័យជាប្រាក់។បាតុកម្មបះបោរបានផ្ទុះឡើងនៅក្នុងប្រទេសមីយ៉ាន់ម៉ាចាប់តាំងពីរដ្ឋប្រហារថ្ងៃទី១ខែកុម្ភៈ។ការប៉ះទង្គិចគ្នារវាងកងកម្លាំងសន្តិសុខមីយ៉ាន់ម៉ានិងក្រុមអ្នកតវ៉ារហូតមកដល់ពេលនេះបានធ្វើឱ្យមនុស្សជិត៦០០នាក់ស្លាប់។
លៀក លីដា ចាងហ្វាងផលិតកម្ម អិល ឌី លោក លៀក លីដាបានប្រាប់កាសែតថាលោក ហូបបាយព្រឹកលេងចូល ក្រោយពីទទួលដំណឹងថា តួឯកប្រុសក្នុងរឿង"នាឡិកាដាស់វិញ្ញាណ"របស់លោក គឺលោកPaing Takhon ត្រូវបានចាប់ខ្លួនដោយរបបយោធាភូមានៅព្រឹកថ្ងៃទី៨ ខែមេសា នេះ។លៀក លីដា៖"ខ្ញុំមិនអាចប្រាប់ឈ្មោះអ្នកឆ្លើយឆ្លងសារជាមួយខ្ញុំបានទេ ព្រោះទាក់ទងនឹងសុវត្ថិភាព តែដំណឹងនេះពិតហើយ...ក្រុមយោធាដាក់កម្លាំងចាំចាប់ Takhon នៅផ្ទះ ពេលគាត់មិនស្រួលខ្លួនហើយត្រឡប់មកសម្រាកនៅផ្ទះ"។
