វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3816 នាក់
ម្សិលមិញ 8227 នាក់
សរុប 14130697 នាក់
ត្បូងឃ្មុំៈ សង្វៀនជល់មាន់ភ្នាល់ល្បែងសុីសងគ្រប់ប្រភេទ ជ្រកក្រោមស្លាកកាស៊ីណូចក្រវាលជាយដែនស្ថិតនៅភូមិកក់ ឃុំអន្លង់ជ្រៃ ស្រុកពញាក្រែក បានបើកឲ្យពលរដ្ឋខ្មែរចូលលេងយ៉ាងគគ្រឹកគគ្រេង រំលោភច្បាប់ទោះជាកាស៊ីណូមួយនេះ គ្មានច្បាប់អនុញ្ញាតឲ្យលេងល្បែងជល់មាន់ពីរាជរដ្ឋាភិបាល យ៉ាងណាដោយ។
ប្រភពពីអ្នកញៀនល្បែងជល់មាន់បានឲ្យដឹងថា កាសុីចក្រវាលជាយដែននេះ បានធ្វើសកម្មភាពបើកលេងល្បែងជល់មាន់ អាប៉ោង យូគីនិងល្បែងផ្សេងៗទៀតជាង១ខែហើយ បន្ទាប់ពីរាជរដ្ឋាភិបាលបន្ធូបន្ថយការឹតបន្តឹងច្បាប់ក្នុងការការពារជំងីកូវីដ-១៩។
ម្ចាស់កាស៊ីណូចក្រវាលជាយដែនត្រូវបានគេដឹងថាមានឈ្មោះ អូន ហៅ(បឹងបុប្ផា) ជាមន្ត្រីធំក្នុងជួរកងទ័ព បានជួលទីតាំងកាសុីណូនេះ ឲ្យឈ្មោះ ហាន ជាមេសង្វៀនជល់មាន់ខុសច្បាប់ដ៍ធំល្បីឈ្មោះក្នុងខេត្តត្បូងឃ្មុំ ដែលមានជំនាញក្នុងការកៀគរមនុស្យពីគ្រប់ទិសទី ឲ្យមកប្រមូលផ្តុំលេងល្បែងភ្នាល់ខុសច្បាប់ ដើម្បីប្រមូលលុយតុងចែកសមត្ថកិច្ចពាក់ព័ន្ធក្នុងមូលដ្ឋាន។
រាជរដ្ឋាភិបាលបានបណ្តេញកាស៊ីណូបនល្បែងចេញពីក្នុងក្រុងឲ្យទៅបើកនៅតាមព្រុំដែនក្នុថគោលបំណងការពារព្រុំដែននិងរកចំណូលពីការចូលលេងរបស់ជនបរទេស។តែរដ្ឋាភិបាលបានហាមមិនឲ្យមានជនជាតិខ្មែរចូលលេងដើម្បីកុំកើតមានបញ្ហាក្នុងសង្គម។បទបញ្ជាហាមខ្មែរចូលលេងនេះមិនទាន់ឮថាកែប្រែទេដូច្នោះការបើកអនុញ្ញាតិឲ្យខ្មែរចូលលេងល្បែងស៊ីសងខុសច្បាប់គឺជាសកម្មភាពគុបគិតគ្នាជាមួយមន្ត្រីអាជ្ញាធរថ្នាក់ក្រោមជាតិប្រព្រឹត្តបទល្មើសពុករលួយ!៕