វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 886 នាក់
ម្សិលមិញ 8227 នាក់
សរុប 14127767 នាក់
កំពង់ស្ពឺ៖ បុរសម្នាក់ត្រូវបានជនមិនស្គាល់មុខលបកាប់ពីក្រោយចំកញ្ចឹងក បណ្តាលឱ្យស្លាប់ភ្លាមៗនៅនឹងកន្លែងកាលពីយប់ថ្ងៃទី១០ ខែមករា ឆ្នាំ២០២២ ពេលកំពុងអង្គុយលើម៉ូតូមើលគេរាំក្នុងពិធី «ដាលាន » នៅចំណុចរោងប្រជុំភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បង្កឱ្យមានការភ្ញាក់ផ្អើល។
សមត្តកិច្ច ឱ្យដឹងថា ជនរងគ្រោះមានឈ្មោះ ស្រី វ៉ាត ភេទប្រុស អាយុ៤៤ឆ្នាំ រស់នៅចំណុចភូមិឃុំកើតហេតុខាងលើ។ ពេលដែលជនសង្ស័យធ្វើសកម្មភាពមិនមានអ្នកឃើញនោះទេ ហើយជនសង្ស័យបានគេចខ្លួនភ្លាមៗក្រោយធ្វើសកម្មភាពរួច។ សមត្ថកិច្ច និងអ្នកនៅកន្លែងកើតហេតុ បានសន្និដ្ឋានថា ករណីនេះអាចជាគំនុំចាស់ ទើបជនសង្ស័យក្លាហានកាប់ទៅលើជនរងគ្រោះ ខណៈមានឱកាសល្អពេលដែលជនរង្គ្រោះភ្លេចខ្លួន។
ជនសង្ស័យត្រូវបានសមត្ថកិច្ចស្រាវជ្រាវដើម្បីឈានទៅកំណត់មុខសញ្ញា និងតាមចាប់ខ្លួន។ ចំណែកសពជនរងគ្រោះ ត្រូវបានប្រគល់ទៅឱ្យក្រុមគ្រួសារ៕