វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 292 នាក់
ម្សិលមិញ 4847 នាក់
សរុប 13418484 នាក់
កោះកុង៖បុរសមានប្រពន្ធកូនម្នាក់ ហ៊ានសម្រេចចិត្តខ្ទប់ច្រមុះ ស្រីស្នេហ៍បណ្តាលឲ្យថប់ដង្ហើមស្លាប់ ហើយបើកឡាន ទម្លាក់ទឹកព្រែក រួចឡើងទៅលើដើមឈើ បញ្ចប់ជីវិតខ្លួនឯង" កាលពីថ្ងៃទី២ ខែ កុម្ភៈ ឆ្នាំ២០២៣ នៅស្រុកមណ្ឌលសីមា ខេត្តកោះកុង។
ប្រជាពលរដ្ឋបានប្រទះឃើញរថយន្ត១គ្រឿង បើកធ្លាក់ចូលក្នុងទឹកព្រែកសមុទ្រ បណ្តាលឲ្យមនុស្សស្រីម្នាក់ស្លាប់ក្នុងរថយន្ត និងឃើញបុរសម្នាក់បញ្ចប់ជីវិតលើដើមឈើនៅទីនោះ ដែល ស្ថិតនៅចំណុចចាំលុង ភូមិតាចាត ឃុំទួលគគី ស្រុកមណ្ឌលសីមា ខេត្តកោះកុង ។សមត្ថកិច្ច សង្ស័យថា បុរសម្នាក់ បានស្លាប់ ដោយធ្វើអត្តឃាត និងស្ត្រីម្នាក់បានស្លាប់ដោយអំពើឃាតកម្ម ទំនងជាកើតឡើងដោយភ្លើងប្រចណ្ឌ័ ក្នុងនោះខាងប្រុសគេឃើញស្លាប់ដោយចង ក នៅជាប់ដើមកោងកាង ចំណែកស្ត្រីម្នាក់ទៀត ឃើញស្លាប់នៅក្នុងរថយន្ត កាមរី បាឡែន ស៊េរី ឆ្នាំ២០០២ ពណ៌ទឹកប្រាក់ ពាក់ស្លាកលេខ 2AH 6044 នៅចំណុចព្រែក ចាំលុង ភូមិតាចាត ឃុំទួលគគី ស្រុកមណ្ឌលសីមា ខេត្តកោះកុង កាលពីម៉ោងជិត៨ ព្រឹកថ្ងៃទី ០២ ខែកុម្ភៈ ឆ្នាំ២០២៣ ។
សមត្ថកិច្ចបានដកស្រង់សម្តីពីសាក្សី ដែលដឹងហេតុការណ៏នេះបំភ្លឺថា មុនពេលកើតហេតុ ជនបង្ក ទំនងជាកើតភ្លើងប្រចណ្ឌ័ជាមួយស្ត្រីរងគ្រោះ (ដែលគេសន្និដ្ឋានថាជាស្រីស្នេហ៍) ហើយជនបង្ក បបួលស្ត្រីរងគ្រោះឡើងជិះឡានជាមួយ កើតឡើងទៅជាករណីឃាតកម្មនិងធ្វើអត្តឃាតតាមក្រោយ។បុរសជាជនសង្ស័យមានឈ្មោះ សំ សុខ អាយុ ៥៤ ឆ្នាំ មុខរបរ លក់ដូរ មានទីលំនៅ ភូមិ៣ ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។ចំណែកស្ត្រីរងគ្រោះដែលស្លាប់ក្នុងរថយន្ត មានឈ្មោះ កប ស្រីនី អាយុ ២៨ឆ្នាំ មុខរបរនៅផ្ទះ ស្នាក់នៅ បន្ទប់ជួល ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង៕