
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 6890 នាក់
ម្សិលមិញ 8146 នាក់
សរុប 18735222 នាក់
ភ្នំពេញ៖ ជនសង្ស័យចំនួន ២នាក់ ឈ្មោះ LI HONGBO ហៅប៉ូប៉ូ ភេទប្រុស ជនជាតិចិន និងឈ្មោះ មី ពៅ ភេទស្រី ជនជាតិវៀតណាម ពាក់ព័ន្ធករណីឃាតកម្ម (បាញ់សម្លាប់) នៅថ្ងៃទី៤ ខែធ្នូ ឆ្នាំ២០២១ វេលាម៉ោង១៣:៣០នាទី ចំណុចក្នុងបុរី BLUE SKY ផ្ទះលេខA252 ជាន់ផ្ទាល់ដី ស្ថិតក្នុងក្រុមទី២២ ភូមិ៥ សង្កាត់៤ ក្រុង-ខេត្តព្រះសីហនុត្រូវបានកម្លាំងកម្លាំងសមត្តកិច្ចចំរុះនាយកដ្ឋាននគរបាលព្រហ្មទណ្ឌ ស្នងការដ្ឋាននគរបាលខេត្តព្រះសីហនុនិងស្នងការដ្ឋាននគរបាលរាជធានីភ្នំពេញ ចាប់ឃាត់ខ្លួនបានហើយនៅថ្ងៃទី១៩ ខែធ្នូ ឆ្នាំ២០២១ វេលាម៉ោង១១:១៥នាទី ត្រង់ចំណុចបុរីប៉េងហួតបឹងស្នោរ ផ្ទះលេខA-១៤ ផ្ទះលេខN៧៧ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។
ករណីយ៍នេះកាលពីថ្ងៃទី៤ ខែធ្នូ ឆ្នាំ២០២១ វេលាម៉ោង១៣:៣០នាទី ស្នងការដ្ឋាននគរបាលខេត្តព្រះសីហនុ បានទទួលព័ត៌មានពី ប៉ុស្តិ៍នគរបាលសង្កាត់លេខ៤ថា មានបុរសជនជាតិចិនម្នាក់ ត្រូវបានគេបាញ់សម្លាប់ នៅចំណុចក្នុងបុរី BLUE SKY ផ្ទះលេខA252 ជាន់ផ្ទាល់ដី ស្ថិតក្នុងក្រុមទី២២ ភូមិ៥ សង្កាត់៤ ក្រុង-ខេត្តព្រះសីហនុ។ កម្លាំងជំនាញ នៃស្នងការដ្ឋាននគរបាលខេត្តព្រះសីហនុ និងដោយមានការដឹកនាំសម្របសម្រួលនិតិវិធីពី លោក ពេញ ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ បានចុះទៅត្រួតពិនិត្យកន្លែងកើតហេតុ សមត្ថកិច្ចបានឃើញសាកសពបុរសជនជាតិចិនម្នាក់ បានដេកស្លាប់នៅក្បែរសាឡុងពូក និងមានស្នាមឈាមហូរលើកម្រាលឥដ្ឋ ហើយមានស្នាមរបួសត្រូវចុងភ្លៅធ្លាយទាំងសងខាង និងមានសំបកគ្រាប់កាទុស ចំនួន ៣គ្រាប់។
ជនរងគ្រោះមានឈ្មោះ JIKE MUNAI ភេទប្រុស ជនជាតិចិន។តាមការស៊ើបអង្កេតកម្លាំងជំនាញនៃស្នងការដ្ឋាននគរបាលខេត្តព្រះសីហនុ បានឱ្យដឹងថា ជនរងគ្រោះមានឈ្មោះ JIKE MUNAI (ស្លាប់) មិនមែនជាអ្នកជួលផ្ទះកើតហេតុនោះទេ។ ដោយឡែកភាគីជួលផ្ទះកើតហេតុមាន ឈ្មោះ មី ពៅ ភេទស្រី មានស្រុកកំណើត ឃុំឡាបានសៀក ក្រុងបានលុង ខេត្តរតនគិរី និងមិត្តប្រុសជាជនជាតិចិន (មិនស្គាល់អត្តសញ្ញាណ) ក្រោយពីកើតហេតុរួចក៏បានរត់គេចខ្លួន។បច្ចុប្បន្ន ជនសង្ស័យខាងលើ ត្រូវបាននាំទៅកាន់នាយកដ្ឋាននគរបាលព្រហ្មទណ្ឌ និងប្រគល់ជូនកម្លាំងជំនាញស្នងការដ្ឋាននគរបាលខេត្តព្រះសីហនុ ដែលជាសមត្ថកិច្ចដែនដី ដើម្បីចាត់ការបន្តតាមនីតិវិធីច្បាប់៕